Penesau Menua Malaysia

Jaku Penesau Malaysia ( Jaku : Pemasyhuran Malaysia . ; Jawi : nya sebengkah deklarasyen formal, ti dikeluarka dalam jaku English enggau Melayu (ngena urup Jawi), ti madahka penumbuh entiti politik baru ti dikelala enggau nama Gerempung Malaysia. Gerempung ke baru ditumbuhka tu asil ari gempung Gerempung Melayu enggau Negeri Singapura ke merintah diri sereta koloni mekuta British di Borneo Utara enggau Sarawak. Deklarasyen nya nyadi berindik ari pengawa nyain Sempekat Malaysia enggau pengawa ngaga Akta Malaysia 1963 dalam bulan Julai taun nya, kededua nya nyadika pelasar undang-undang enggau konstitusyen ungkup pengawa begempung nya.

Gerempung nya berengkah dikena enggau rasmi kena 16 September 1963, haribulan ke udah nyadi besai bendar reti nasional dalam jerita sejarah Malaysia. Lebuh hari nya, penesau nya dikenataika Menteri Besai Tunku Abdul Rahman rambau pengerami rama ke diatur ba Stadium Merdeka di Kuala Lumpur, kelai penumbuh Malaysia nyadi sebuah gerempung ke bedirikediri ke sama bela.