Pegi ngagai isi

Pemintar gaga

Edit link
Ari Wikipedia

Pemintar gaga (AI) iya nya pengulih sistem komputasyen kena bejalaika pengawa ti suah dikaulka enggau pemintar mensia, baka belajar, berunding, mutarka penanggul, persepsyen, enggau ngaga pemutus. Iya nya bidang pansik dalam sains komputer ti ngemansang sereta mansik chara enggau perisi ti ngasuh mesin ulih ngasaika rampa menua sida lalu ngena pelajar enggau pemintar ngambi utai digaga ti maksimalka peluang sida nyapai juluk ati ti udah ditetapka.[1]

Aplikasyen AI ti beprofil tinggi nyengkaum enjin ngiga web ti mansang (chunto, Google Search); sistem lalau (dikena YouTube, Amazon, enggau Netflix); pemantu maya (chunto, Google Assistant, Siri, enggau Alexa); perengka pengangkut autonomi (chunto, Waymo); kereban generatif enggau kreatif (chunto, model jaku enggau seni AI); enggau main enggau analisis supermensia dalam main strategi (chunto, chatur enggau Go). Taja pia, mayuh aplikasyen AI enda diperatika nyadi AI: "Mayuh AI ke pemadu baru udah ditapis ngagai aplikasyen rama, suah agi nadai dikumbai AI laban lebuh utai nya nyadi chukup beguna sereta chukup biasa iya enda dilabel AI agi."[2][3]

Bemacham bidang mit pansik AI bepelasarka ba juluk keterubah enggau ngena kereban keterubah. Juluk tradisional pansik AI nyengkaum belajar, beratika, ngayanka penemu, merambu, memproses jaku asal, persepsyen, enggau sukung ngagai robotik. Dikena nyapai juluk ati tu, bala pemansik AI udah ngalih sereta nyerakupka mayuh macham teknik, nyengkaum ngiga enggau optimasyen matematik, logik formal, jaring saraf tiru, enggau chara bepelasarka statistik, pansik operasyen, enggau ekonomi. AI mega ngambi ari psikologi, linguistik, filosofi, sains saraf, enggau bidang bukai.[4] Sekeda kompeni, baka OpenAI, Google DeepMind enggau Meta,[5] ngembuan juluk ati deka ngaga pemintar rama gaga (AGI)—AI ti ulih nembuka sebarang pengawa kognitif sekurang-kurang iya baka mensia.

Pemintar gaga ditumbuhka nyadi disiplin akademik dalam taun 1956,[6] lalu bidang tu nengah mayuh bengkah singkang optimisme sepemanjai sejarah iya,[7][8] lalu ditangkan enggau timpuh asa ati sereta lenyau belanja, ti dikelala enggau nama AI winters.[9][10] Belanja enggau minat jauh nambah pengudah taun 2012 lebuh unit proses grafik berengkah dikena ngenyampatka jaring saraf enggau belajar dalam ngelui ari teknik AI ke dulu suba.[11] Penumbuh tu jampat agi pengudah taun 2017 enggau arkitektur transformer.[12] Dalam taun 2020-an, timpuh ti majak nyadi enggau penyulut ti jampat dalam AI generatif ti maju dikelala enggau nama boom AI. Pengelandik AI Generatif ngaga sereta ngubah isi udah ngujungka sekeda empas enggau penusah ti enda disadang, ti udah ngasuh pengirau etika pasal empas timpuh panjai AI enggau risiko pemisi ti tau nyadi, ngujungka randau pasal polisi pengatur dikena nentuka pengelikun enggau penguntung teknologi nya.

Kereban sanding

[edit | edit bunsu]
  1. ↑ Russell & Norvig (2021), pp. 1–4.
  2. ↑ AI set to exceed human brain power Archived 2008-02-19 at the Wayback Machine CNN.com (July 26, 2006)
  3. ↑ Kaplan, Andreas; Haenlein, Michael (2019). "Siri, Siri, in my hand: Who's the fairest in the land? On the interpretations, illustrations, and implications of artificial intelligence". Business Horizons. 62: 15–25. doi:10.1016/j.bushor.2018.08.004. ISSN 0007-6813. S2CID 158433736.
  4. ↑ Russell & Norvig (2021).
  5. ↑ "Tech companies want to build artificial general intelligence. But who decides when AGI is attained?". AP News (in Inggeris). 2024-04-04. Retrieved 2025-05-20.
  6. ↑ Dartmouth workshop: Russell & Norvig (2021, p. 18), McCorduck (2004, pp. 111–136), NRC (1999, pp. 200–201) The proposal: McCarthy et al. (1955)
  7. ↑ Successful programs of the 1960s: McCorduck (2004), Crevier (1993), Moravec (1988), Russell & Norvig (2021)
  8. ↑ Funding initiatives in the early 1980s: Fifth Generation Project (Japan), Alvey (UK), Microelectronics and Computer Technology Corporation (US), Strategic Computing Initiative (US): McCorduck (2004, pp. 426–441), Crevier (1993, pp. 161–162, 197–203, 211, 240), Russell & Norvig (2021, p. 23), NRC (1999, pp. 210–211), Newquist (1994, pp. 235–248)
  9. ↑ First AI Winter, Lighthill report, Mansfield Amendment: Crevier (1993, pp. 115–117), Russell & Norvig (2021, pp. 21–22), NRC (1999, pp. 212–213), Howe (1994), Newquist (1994, pp. 189–201)
  10. ↑ Second AI Winter: Russell & Norvig (2021, p. 24), McCorduck (2004, pp. 430–435), Crevier (1993, pp. 209–210), NRC (1999, pp. 214–216), Newquist (1994, pp. 301–318)
  11. ↑ Deep learning revolution, AlexNet: Goldman (2022), Russell & Norvig (2021, p. 26), McKinsey (2018)
  12. ↑ Toews (2023).
Diambi ari "https://iba.wikipedia.org/w/index.php?title=Pemintar_gaga&oldid=14737"