Pemakai ti seimbang
Pemakai ti setimbang iya nya pengawa milih pemakai ti deka diempa enggau tuju dikena nyaga pengerai. Pemakai ti setimbang patut ngundan nutrien baka karbohidrat, protein, lemak, vitamin enggau mineral.
Nutrien dalam pemakai
[edit | edit bunsu]Karbohidrat
[edit | edit bunsu]Karbohidrat nyediaka pun tenaga ti diserap dalam tubuh mensia. Karbohidrat meri 50% ari guna tenaga ti diguna tubuh mensia. Karbohidrat nyadi ari gula, selulosa, gam enggau pektin. Karbohidrat mayuh ditemu dalam beras, gandum enggau ti bukai.
Protein
[edit | edit bunsu]Protein ngundan zat baka asid amino. Protein bisi kelas lalu kelas ti keterubah ulih ditemu ba jelu.
Lemak
[edit | edit bunsu]Lemak meri dua kali ganda nilai kalori ti diulih ari karbohidrat lalu nyadi pun penatai lemak dalam tubuh. Lemak beguna bendar nyadika tenaga simpan dalam tubuh dikena bejalaika pengawa. Kelimpah ari nya, lemak ulih nyeliahka pengangat tubuh pansut ari tubuh sereta mantu ngangatka tubuh ba endur ti kelalu chelap.
Lemak ti kelalu mayuh diambi ulih ngerusak pengerai tubuh. Kebuah pia laban lemak ti enda diguna deka disimpan dalam tubuh lalu ngujungka berat kitai niki. Lemak mega ulih ngasuh arteri kitai alit lalu ngujungka penyakit jantung.
Mineral
[edit | edit bunsu]Mineral iya nya kereban ukai organik ti beguna bendar dalam pemakai mensia. Mineral ulih mantu struktur tulang, tisu enggau ai dalam tubuh baka hemoglobin darah. Zat mineral mayuh ditemu dalam tusu, telu, buah enggau sayur.
Vitamin
[edit | edit bunsu]Vitamin iya nya kereban kimia ti bisi dalam pemakai kitai. Vitamin ulih mantu tubuh ngaduka proses ngagai pemakai baka protein, karbohidrat enggau lemak. Sesebengkah vitamin mega beguna dalam ngasilka sel darah, kereban genetik enggau kimia dalam sistem saraf. Enda baka karbohidrat, protein enggau lemak, vitamin enggau mineral enda meri kalori tang ulih mantu tubuh ngulihka tenaga ari tubuh. Nya mih kebuah protein beguna bendar kena tubuh mensia.
Serat
[edit | edit bunsu]Serat dalam pemakai ulih mantu pengawa nyerap pemakai sereta nyeliahka penanggul pedia ka bira. Buah enggau sayur sereta gandum beguna bendar nyadika pun serat. Dikena nyungkak pengelebih serat, kitai patut ngirup ai mayuh.