Pekit Kumang
Pekit Kumang nya siti pekit entara indu ke diatur maya pengerami Hari Gawai Dayak. Dalam pekit tu, pesereta deka ngena pekayan adat bansa Iban iya nya, Ngepan Iban. [1]
Ngepan Indu Iban tu selalu iya bisi reti ti spesifik ngagai tiap iti barang kemas ti dikena. Nyema, penguna ke ngena ngepan sepeneka ati, nya tau meri empas ke enda manah ngagai pekayan asal komuniti Iban lalu pia mega chara ngena iya ke salah tau ngasuh pemekit enda mujur dalam pekit nya.
Ambika chunto, sugu tinggi ke dikena maya Pekit Kumang patut sugu tonggi ke endang amat tinggi agi ari sugu tinggi ke bukai taja pan pemekit nya ngembuan gamal mua ke manah. Kebuah pia laban Sugu tinggi enggau baruh endang ungkup bini orang tauka balu orang. Kelimpah ari nya, chura tenun ungkup pesereta ke nyereta pekit meseti bechura terang. Tu mandangka indu nya tau dikena nyadi bini.
Sechara keseluruhan, pengawa ngetanka ngepan asal tu beguna amat ngambika rebak diatu enggau jemah ila ulih nemu budaya ngepan asal Iban, kelebih agi ngepan asal indu Iban di Sarawak. Penyelai enggau pengelebih ngepan tu mandangka peninggi budaya nyadi ngepan budaya komuniti Iban.[2]
Cherita asal
[edit | edit bunsu]Pekit tu ngambi nama Kumang, ke mayuh ditusui dalam cherita asal bansa Iban. Enti siku indu nya bulih rengat keterubah dalam pekit nya, iya diberi nama 'Kumang', lalu pemenang renggat kedua enggau ketiga dikumbai 'Lulung' enggau 'Selinggar Matahari'. Pangan kumang, ti diberi nama 'Keling', nya laki Kumang nitihka cherita adat.[3]
Malin
[edit | edit bunsu]- ↑ Mantar Gawai Dayak di Dewan Suarah Sarikei pada 6 Mei., Utusan Borneo (Sarawak)22 Apr 2017
- ↑ Setiap kaum perlu bangga dengan tradisi masing-masing, kata Lee, Utusan Borneo (Sarawak)26 Mar 2018
- ↑ Exploring stories of key characters in Iban folklore, The Borneo Post, 1 Jun 2024
Link Luar
[edit | edit bunsu]- 10 Info Menarik Tentang Sambutan Hari Gawai Dayak Archived 2018-06-30 at the Wayback Machine