Paus Agato
Agatho | |
|---|---|
| Bishop of Rome | |
_-_cropped.jpg) Pope Agatho depicted in the Menologion of Basil II (c. 1000 AD) | |
| Gerija | Catholic Church |
| Papacy began | 678 |
| Papacy ended | 10 January 681 |
| Orang lama | Donus |
| Penangkan | Leo II |
| Orders | |
| Dichiri nyadi kardinal | 5 March 676 by Adeodatus II |
| Penerang diri empu | |
| Ada | 577[1] |
| Mati | 10 January 681 (aged 103–104)[2] Rome, Italy, Eastern Roman Empire |
| Previous post(s) | Cardinal-Deacon (676–77) |
| Sainthood | |
| Hari pengerami |
|
| Venerated in | |
| Attributes | Holding a long cross |
| Patronage | Palermo |
Paus Agatho (577 – 10 Januari 681) nyadi bishop Rome ari 27 Jun 678 nyentukka iya midang kena 10 Januari 681.[3] Iya ninga apil Wilfrid ari York, ti udah dipindahka pampang diosis besai ti diasuh Theodore ari Canterbury ari penuduk iya. Maya Agatho megai perintah, Kaunsil Ekumenikal Kenam dikangau dikena napi penanggul monotelitisme. Iya dipebasaka nyadi orang kudus ulih gerija Katolik enggau Ortodoks Timur. Iya dipadahka nyadi Pope ke pemadu lama idup.[4]
Pengidup tumu
[edit | edit bunsu]Mimit aja utai ke ditemu pasal Agatho sebedau iya nyadi paus tang iya dipelaba entara mayuh paderi Sicily di Rome maya nya, ketegal serang Kalifah ngagai Sicily ba tengan abad ke-7.[5] Iya gawa beberapa taun nyadi tukang wang gerija ba Rome. Iya nganti Donus ba pengawa pontifikat.[6]
Pengawa nyadi Paus
[edit | edit bunsu]
Enda lama pengudah Agatho nyadi paus, Bishop Wilfrid ari York datai di Rome deka minta kuasa Panggau Kudus ngarika iya. Wilfrid udah dibuai Bishop Besai Theodore ari Canterbury ari penuduk iya, ke udah ngukir diosis Wilfrid lalu nyiri tiga iku bishop merintah penuduk baru nya. Ba sinod ti dikangauka Pope Agatho di Lateran dikena mansik pekara nya, udah diputuska diosis Wilfrid endang patut dibagi, tang Wilfrid empu patut meri nama bala bishop.
Pekara besai ke nyadi ba pontifikat iya nya Kaunsil Ekumenikal Kenam (680–681), berindik ari pengujung Empang Konstantinopel orang Islam,[7] ti nekan Monothelitisme, ke udah diterima bala paus ke dulu ari nya (Honorius I entara sida). Kaunsil nya berengkah lebuh Raja Besai Constantine IV, deka ngeraika penyarut ti nyerara dua piak, nulis surat ngagai Paus Donus ti meri perambu ngatur aum besai pasal pekara nya, tang Donus udah mati lebuh surat nya datai. Agatho jampat ngerampas daun zaitun ti diberi Maharaja. Iya ngasuh kaunsil diatur ba serata menua Barat ngambika bala legat ulih mantaika tradisyen universal Gerija Barat. Udah nya iya lalu ngasuh mayuh raban betemu enggau orang Timur di Konstantinopel.[8]
Bala legat enggau patriark begempuru ba istana empayar kena 7 November 680. Bala Monotelit mantaika kes sida. Udah nya surat Pope Agatho dibacha ti nerangka pengarap tradisional Gerija ti madahka Kristus bisi dua iti peneka, ilahi enggau mensia. Patriark George ari Konstantinopel nerima surat Agatho, baka ke digaga tebal agi bala bishop ke bisi datai. Kaunsil nya madahka bisi dua iti peneka dalam Kristus lalu ngutuk Monothelitisme, enggau Paus Honorius I disengkaum dalam pengawa ngutuk nya. Lebuh aum nya tembu dalam bulan September 681 dekrit nya dianjung ngagai Paus, tang Agatho udah mati dalam bulan Januari. Kaunsil nya ukai semina udah mutuska Monothelisme, tang mega udah mutarka penyarut.[8]
Agatho mega bejalaika pengawa berunding entara Panggau Kudus enggau Constantine IV bekaul enggau pengawa masuk champur kort Byzantine dalam pengawa bepilih paus. Constantine besemaya enggau Agatho deka ngemunaska tauka ngurangka chukai ti patut dibayar bala paus ngagai perbendaharaan empayar lebuh sida dikuduska.[8]
Umur
[edit | edit bunsu]Rikut gerija madahka Agatho nyadi paus lebuh umur iya seratus taun, mati entara umur 103–104 taun.[9][10] Pansik ke baru udah ngasuh umur iya ragu-ragu, enggau sekeda madahka Paus Agatho enggau sami “Agathon” udah saru, lalu dua iku orang ke bebida.[11]
Pengawa bebasa
[edit | edit bunsu]Anastatius madahka pemayuh kereja ajih iya ngujungka iya bulih gelar <i id="mweA">Thaumaturgus</i>. Iya midang dalam taun 681, udah megai pengawa pontificat urung dua taun setengah.[1] Iya dipebasa raban Katolik enggau Ortodoks Timur nyadi sante.[12] Hari pengerami iya ba pengarap Kristian Barat iya nya kena 10 Januari.[13] Orang Kristian Timur, nyengkaum Gerija Ortodoks Timur enggau Gerija Katolik Timur, ngingatka iya kena 20 Februari.[14]
Penyanding
[edit | edit bunsu]- ↑ 1.0 1.1 Encyclopedia Britannica. Jan 6, 2021. Retrieved June 27, 2021.
- ↑ Mann, Horace. "Pope St. Leo II." The Catholic Encyclopedia Vol. 9. New York: Robert Appleton Company, 1910. 12 September 2017
- ↑ Kelly, J. N. D.; Walsh, Michael (23 July 2015). Dictionary of Popes. Oxford University Press. p. 215. ISBN 9780191044793. Retrieved 26 June 2018.
- ↑ "Aging in the See of Peter". The Pillar (in Inggeris). 2023-01-02. Retrieved 2024-08-17.
- ↑ Jeffrey Richards (1 May 2014). The Popes and the Papacy in the Early Middle Ages: 476–752. Routledge. p. 270. ISBN 9781317678175.
- ↑ Butler, Alban. "St. Agatho, Pope", The Lives of the Saints, Vol. I, 1866. Butler spells the name of Agatho's predecessor as "Domnus"; according to "Pope Donus" in the Catholic Encyclopedia, this is an alternative spelling of "Donus".
- ↑ Hubert Cunliffe-Jones (24 April 2006). A History of Christian Doctrine (reprint ed.). A&C Black. p. 233. ISBN 9780567043931.
- ↑ 8.0 8.1 8.2 Joseph Brusher, S.J., Popes Through the Ages Archived 6 Februari 2006 at the Wayback Machine.
- ↑ "Father Richard Kunst: Why Bad Popes Have Been Good for the Church – Papal Artifacts" (in Inggeris AS). Retrieved 2024-03-26.
- ↑ "A look at the oldest popes of history, including Francis". Aleteia — Catholic Spirituality, Lifestyle, World News, and Culture (in Inggeris). 2021-12-16. Retrieved 2024-03-26.
- ↑ "A look at the oldest popes of history, including Francis". aleteia.org. Aleteia SAS. Retrieved 18 February 2024.
- ↑ Ott, Michael. "Pope St. Agatho." The Catholic Encyclopedia Vol. 1. New York: Robert Appleton Company, 1907. 12 September 2017
- ↑ "Agatho". Oxford Reference (in Inggeris). Retrieved 27 June 2018.
- ↑ "The Great Synaxaristes of the Orthodox Church – February". Holy Apostles Convent. Archived from the original on 28 June 2018. Retrieved 27 June 2018.
