Pärnu

Pärnu

Pärnu linn
City of Pärnu
Pärnu Pärnu linn; City of Pärnu
Mengeri
	Pärnu
	Pärnu Location of Pärnu in Estonia Pärnu Pärnu (Tasik Baltik) Pärnu Pärnu (Eropah)
	Coordinates: 58°23′N 24°30′E / 58.383°N 24.500°E
Country	Estonia
County	Pärnu County
Municipality	Pärnu
Founded	1251
Pemesai
• Penyampau	32.22 km2 (12.44 sq mi)
Elevation	10 m (30 ft)
Penyampau mensia (2024)
• Penyampau	41,520
• Rank	4th
• Pemadat	1,300/km2 (3,300/sq mi)
Ethnicity (2021)
• Estonians	83.7%
Time zone	UTC+2 (EET)
• Summer (DST)	UTC+3 (EEST)
Vehicle registration	F

Pärnu nya mengeri keempat pemadu besai di Estonia. Pärnu bepalan ba barat daya Estonia, enggau penyauh 128 kilometer (80 bt) selatan ari indu nengeri Estonia, Tallinn, enggau 176 kilometer (109 bt) barat ari mengeri kedua pemadu besai di Estonia, iya nya Tartu. Mengeri tu ba tebing tasik Teluk Pärnu, siti tebing Teluk Riga, ke nyadi sebagi ari Tasik Baltik. Ba mengeri nya, Sungai Pärnu mansa Teluk Riga.

Pärnu nyadi sebuah mengeri palan ngelantangka ati maya musim panas ke tebilang ba rayat Estonia enggau mayuh hotel, restoran enggau pantai ke besai. Mengeri tu dilayan Padang Bilun Pärnu.

Sejarah

Pärnu tauka Pärnu Lama (Latin: Perona, Jereman: Pernau, Alt-Pernau, Estonia: Vana-Pärnu), ti ditumbuhka bishop Ösel–Wiek c. 1251, balat merinsa ketegal ditekan mengeri ti sama, lalu pengujung iya dirusak urung taun 1600-an. Siti agi nengeri, iya nya Embeke (udah nya Jereman: Neu-Pernau, Estonia: Uus-Pärnu) ditumbuhka Order Livonia, ke berengkah ngaga Ordensburg semak dia dalam taun 1265. Mengeri ke penudi, maya nya dikelala ngena nama Jereman Pernau, nyadi kaban Liga Hanseatik sereta nyadi palan penyangkai kapal ti beguna ke nadai ais ba Livonia. Komanwel Poland–Lithuania ngambi kuasa ba mengeri entara taun 1560 enggau 1617; orang Poland enggau Lithuania ngelaban orang Sweden ke semak endur nya dalam taun 1609. Sweden nguasa mengeri nya maya Perang Livonia abad ke-16 nyadi sebagi ari Livonia Sweden, taja pan iya enda diberi Poland-Lithuania enggau formal nyentuk ngagai Sempekat Oliva taun 1660. Sweden udah nya alah ari Livonia ngagai Empayar Rusia dalam Kapitulasyen Estonia enggau Livonia taun 1710 enggau Sempekat Nystad taun 1721, berindik ari Perang Utara Besai; mengeri tu mega bisi nama Rusia: Пернов, rumi: Pernov — nama Jereman ti "diadaptasyen" — ba raban orang Rusia.^[2] Iya diempu Gabenor Imperial Rusia Livonia nyentuk ngagai taun 1917, lebuh iya dipindahka ngagai Gabenor Autonomi Estonia ti enda lama. Mengeri tu bisi sekali-sekala disebut enggau nama Pyarnu, iya nya salin ti salah ari jaku Rusia Пярну.

Mengeri tu nyadi sebagi ari menua Estonia ti meredeka dalam taun 1918 berindik ari Perang Dunya I enggau Perang Meredeka Estonia.

Mengeri tu dipegai Soldadu Mirah Soviet begulai enggau Estonia ke bukai ba taun 1940 maya Perang Dunya Kedua, lalu peranak Jereman rari ari mengeri nya. Iya dipegai Jereman enda lama ari taun 1941 nyentuk 1944 sebedau iya dilepaska Serakup Soviet maya serang malas iya. Pärnu udah nya terus nyadi sebagi ari Republik Sosialis Soviet Estonia ari taun 1944 ngagai 1991, lebuh Estonia mulaika meredeka iya.

Maya Perang Utara Besai, Akademi Gustavo-Carolina di Dorpat (bdk. Universiti Tartu) dipindahka ari Dorpat ngagai Pärnu ari taun 1699 ngagai 1710. Universiti tu agi ngetanka kampus pampang di Pärnu nyentuk ke sehari tu (1,000 iku nembiak dalam taun 2004/2005).^[3]