Osama bin Laden

Osama bin Laden
أسامة بن لادن
Bin Laden, c. 1997–1998
Emir Jeneral keterubah al-Qaeda
Megai pengawa 11 Ogos 1988 – 2 Me 2011
Didulu	Pengawa ditumbuhka
Diganti	Ayman al-Zawahiri
Penerang diri
Ada	(1957-03-10)10 Mac 1957 Riyadh, Saudi Arabia
Midang	2 Mei 2011(2011-05-02) (umur 54) Abbottabad, Khyber Pakhtunkhwa, Pakistan
Pendam	Ditumbak ba Tasik Arab (dipejurai)
Peranak	Saudi Arabia (until 1994) Enda beperanak (ari 1994)
Kaling	6 spouses Najwa Ghanem (j. 1974; separated 2001) Khadijah Sharif (j. 1983; s. 1990) Khairiah Sabir (j. 1985) Siham Sabir (j. 1987) Indu enda dikelala (m., ann. 1996) Amal al-Sadah (j. 2000)
Anak	24
Pelajar	Sekula Model Al-Thager Universiti Raja Abdulaziz
Pengarap	Islam Sunni
Pengawa soladadu
Taluk	Maktab al-Khidamat (1984—1988) al-Qaeda (1988—2011)
Taun pengawa	1984–2011
Perang	List Pengelaban ti diberi atur terus Konflik Moro Perang Soviet–Afghan Pengelaban Jaji Templat:WIA Perang Sivil Sudan Kedua Perang Sivil Afghan (1989–1992) Pengelaban JalalabadTemplat:WIA Perang Sivil Afghan (1992–1996) Perang Sivil Tajikistan Perang Sivil Algeria Perang Bosnia Perang Sivil Afghan (1996–2001) Perang Kosovo Serang Al-Qaeda ba Yemen Perang penganas Perang ba Afghanistan (2001–2021) Pengelaban Tora Bora Charut ba Maghreb Perang Iraq Charut ba Balochistan Charut Khyber Pakhtunkhwa Charut Houthi Perang ba Somalia (2006–2009) Charut ba Yemen Selatan Charut ba Kaukasus Utara Operasyen Neptune SpearTemplat:KIA

Osama bin Muhammad bin ‘Awad bin Laden (10 Mach 1957 – 2 Me 2011) nyadi pemungkal enggau emir besai keterubah al-Qaeda ari taun 1988 nyentukka iya mati dalam taun 2011. Siku jihadi Salafi, bin Laden gawa numbuhka khalifa pan-Islamis melanja militan jihad enggau penganas di serata dunya. Serang penganas Al-Qaeda ngagai Amerika Syarikat kena 11 September 2001 terus munuh 2,977 iku mansa, lalu ngujungka perang global ngelaban pengasar.

Bin Laden dibesai dalam pengarap Islam Sunni ulih sida sebilik ti kaya di Arab Saudi. Iya ninggalka menua nya maya Perang Soviet–Afghanistan (1979-1989) dikena mantu <i id="mwNg">raban mujahidin</i> Afghanistan ngelaban pengawa nguasa Afghanistan ari Serakup Soviet. Dalam taun 1984, iya sama numbuhka Maktab al-Khidamat, ti ngambi orang ari menua luar nyadi raban mujahidin Afghanistan seraya meri belanja sereta meri senyata ngagai sida. Dalam taun 1988, Bin Laden numbuhka Al Qaeda. Pengudah Soviet ninggalka Afghanistan dalam taun 1989, iya nyadi tuai raban mujahidin dalam Perang Sivil Afghanistan 1989–1992. Lebuh pulai ke Arab Saudi, iya mantaika pengawa anti-Barat ba mua mayuh sereta mantah ruang bilik diraja Saudi, ngujungka iya dibuai ari menua nya ulih perintah menua nya dalam taun 1991. Iya pulai ke Afghanistan, udah nya pindah ke Sudan ujung taun nya.

Ba Sudan, bin Laden nguluka pengawa al-Qaeda enggau bakih iya dalam Perang Sivil Afghanistan (1992-1996), Perang Sivil Algeria (1992-2002), enggau Perang Bosnia (1992-1995). Ba taun 1993, al-Qaeda ngebom Palan Dagang Dunya di Nengeri New York, lalu seribu iku orang bakal. Dalam taun 1996, Sudan muru bin Laden, lalu iya sekali agi pindah ngagai Afghanistan, ke dikuasa Taliban ujung taun nya. Al-Qaeda bebakih enggau Taliban, lalu sida bekerejasama dalam Perang Sivil Afghanistan 1996–2001 . Dalam taun 1996 enggau 1998, bin Laden madahka perang kudus ngagai orang Amerika, baik nya soldadu enggau orang periman. Al-Qaeda ngebom begunan duta AS di Afrika Timur dalam taun 1998, ngujungka AS enggau GBB enggau rasmi madahka iya nyadi pengasar. Ba taun nya, al-Qaeda mega berengkah ngaga pengawa ngelaban ti majak nyadi di Yaman.

Serang kena 9/11 tebal agi diperambu bin Laden enggau Khalid Sheikh Mohammed, lalu operasyen sida disangka udah dipelanja Arab Saudi, taja pan bin Laden udah dibuai sebedau tu. Dalam pengawa nyerang nya, 19 iku kaban al-Qaeda ngerampas empat buah bilun penepan Amerika ngambika sida ulih terempas ngagai tanda menua AS. Siti ngelantak Pentagon di Virginia, siti terempas di Pennsylvania sebedau kala datai ba tagit ke enda ditemu orang ke ngerampas nya di Washington, DC, lalu ke bukai nya ngelantak Palan Dagang Dunya, ngujungka iya runtuh—ngujungka lebih 6,000 iku orang mati ketegal eksposur enseput naka ke diatu. 25,000 iku bakal kesemua iya. Pengawa nyerang nya ngujungka undang-undang anti-penganas ke terit dikemendarka di serata dunya, seraya pengawa ngiga bin Laden ba renggat entarabansa berengkah. AS nyerang Afghanistan lalu ngelepaska Taliban, ngujungka iya pindah ngagai Pakistan.

Seraya bin Laden belalai, al-Qaeda ngelaban AS enggau bakih iya dalam Perang Afghanistan (2001-2021) enggau Perang Iraq (2003-2011), seraya terus ngaga serang pengganas besai di serata dunya. Dalam taun 2010, piak pemansik AS tetemuka kandang endur bin Laden di Abbottabad, Pakistan. Sebuah tim SEAL Soldadu Tasik AS nyerungkai kandang endur nya lalu munuh iya ba dalam kandang endur nya dalam taun 2011. Sapit iya Ayman al-Zawahiri nganti iya nyadi emir al-Qaeda. Pengawa ngundi mandangka raban Islam ke besai ngembuan penemu negatif ngagai bin Laden, seraya mayuh raban Islamis ngumbai iya heroik. Ba endur bukai, iya balat dipeda nyadi lambang pengawa ganas enggau pengawa munuh bebala mayuh.