Pegi ngagai isi

Ordo Exsequiarum Romani Pontificis

Ari Wikipedia

Ordo Exsequiarum Romani Pontificis (Ritus Pendam Paus Rome) nya bup liturgi ti ngundan ritus sebedau enggau maya liturgi nguburka siku Bishop Rome, iya nya paus Gerija Katolik. Bup tu udah dipansutka dalam dua iti edisyen, keterubah iya dikemendarka dalam taun 1998 lalu dipansutka dalam taun 2000 lalu kedua dikemendarka sereta dipansutka dalam taun 2024. Bup tu dipansutka Dicasteri ungkup Sembiang Berekat enggau Opis Disiplin Sakramen ungkup Pengerami Liturgi Pontiff Pemadu Tinggi. Teks tu, begulai enggau Ordo Rituum Conclavis, netapka semilan hari bejurut (novemdiales) ngulit pengudah pemati siku paus.

Tiga iti stesyen ke diterangka dalam bup Ordo Exsequiarum Romani Pontificis, enggau pekara ke nyadi ba chapel paus, Basilika St. Peter enggau endur pendam. Ritus ke ditetapka nyengkaum pengawa nentuka pemati, pengawa bejalai bebala mayuh ngangkat bangkai ngagai basilika, pengawa ngingatka niang, enggau pengawa nguburka iya.

Isi

[edit | edit bunsu]

Ordo Exsequiarum Romani Pontificis (Ritus Pendam ungkup Pontif Rome) nya bup liturgi mirah tipis ti ngundan ritus sebedau enggau maya liturgi nguburka seiku Bishop Rome, iya nya paus Gerija Katolik.[1][2] Edisyen keterubah dikemendarka dalam taun 1998, lalu ditangkan enggau edisyen kedua enggau ubah baru dalam taun 2024.[3] Bup tu dikeluarka Opis Pengerami Liturgi Pontif Pemadu Tinggi, sebagi ari Dikasteri Sembiang Berekat enggau Disiplin Sakramen.[4]

Ordo Exsequiarum Romani Pontificis ngatur pengawa ke nyadi ba pengawa nguburka niang paus begulai enggau Ordo Rituum Conclavis, nyengkaum semilan hari bejurut ngulit (novemdiales) pengudah pemati siku paus. Teks liturgi enggau pengerami mega nerangka pengawa ungkup gaya ke alai pemati siku paus disadang. Bup tu nerangka tiga iti stesyen (ke mega dikumbai momen) pengudah pemati seiku paus, ke nyadi ba tiga iti endur: chapel paus, Basilika St. Peter enggau endur paus ditumbak.

Stesyen keterubah

[edit | edit bunsu]

Sekali iya udah nemu paus nya udah mati, Camerlengo ari Gerija Roman Kudus – kardinal ti betanggungpengawa ba operasyen Vatikan entara paus – dipinta tekala nya ngaga deklarasyen rasmi madahka paus nya udah midang. Pemesai ke megai servis pengerai Vatican nentuka kebuah pemati lalu ngaga riput. Paus ke udah mati nya lalu diberi gari burak.[1]

Camerlengo deka nyadi tuai ba pengawa nentuka pemati paus,[5] ti nyadi ba mua Tuan Pengerami Liturgi Paus enggau paderi, kanselir, enggau sekretari Kamera Apostolik. Udah tu, bangkai iya tekala nya diengkah dalam peti mati iya. Camerlengo nya udah nya deka ngaga deklarasyen ti madahka paus udah mati lalu nyengkaum riput servis pengerai.

Tubuh paus, agi ba chapel, ngena baju liturgi mirah, nyengkaum miter enggau pallium iya. Dian paska diengkah besepiak enggau peti mati. Tuan Pengerami Liturgi Pontif diberi kuasa nentuka bisi orang ke mayuh agi dikemendarka meri basa sebedau bangkai nya dibai ngagai Basilika St. Peter.

Stesyen kedua

[edit | edit bunsu]
Mourners of John Paul II at St. Peter's Basilica
Orang ke ngulit meda bangkai John Paul II ba Basilika St. Peter. Lilin paska bisi dipeda ba tisi peti mati.

Peti mati enggau bangkai nya disalin ngagai Basilika St. Peter dalam pengawa bejalai bebala mayuh ti betuaika camerlengo, siti pengawa ti dipejuraika enggau silik dalam atur 41 nyentuk 65 Ordo Exsequiarum Romani Pontificis.[6] Litani Sante dilagu maya pengawa bejalai bebala mayuh. Dia, bangkai enggau peti mati diatur betunga mua enggau bangku lalu lilin paska diengkah ba tisi peti mati.[1] Maya pemandang tu, mensia mayuh dikemendarka bebasaka bangkai paus dalam peti mati ke tebuka.

Sebedau peti mati nya ditutup, duit syiling Vatican ke ditempa maya iya nyadi paus dipasukka dalam beg lalu diengkah dalam peti mati nya. Cherita siti lambar pasal pengawa paus (jaku Itali: rogito) ditulis. Cherita tu dibacha Tuan Pengerami Liturgi Pontif, dipasukka ngagai tiub, lalu diengkah dalam peti mati; siti salin disimpan ungkup Arkib Vatikan.

Udah peti mati nya ditanchang tutup, pengawa nguburka iya diatur. Seraya pengawa nguburka niang nya diperambu deka dipegai dekan Kolej Kardinal, sapit dekan tauka sebarang kardinal kanan ulih bejalaika pengawa tu enti dekan enda ulih ngereja pengawa nya.

Stesyen ketiga

[edit | edit bunsu]

Mayuh paus dikubur ba Basilika St.Peter, tang Ordo Exsequiarum Romani Pontificis ngemendarka pendam ba endur bukai.[7] Teks nya minta camerlengo nyadi tuai ba pengawa nguburka niang. Mayuh macham tanchang diengkah ba peti mati sebedau iya ditumbak.

Sejarah

[edit | edit bunsu]
Pope Benedict XVI laying in St. Peter's Basilica
Pengawa nguburka niang Pope Benedict XVI taun 2023 nyadi pengawa nguburka niang kedua ti diintu nitihka Ordo Exsequiarum Romani Pontificis lalu kepenudi ngena edisyen keterubah.
Pengawa nguburka niang Pope Francis ba taun 2025 ngena edisyen kedua Ordo Ekssequiarum Romani Pontifisis.

Editio typica keterubah Ordo Exsequiarum Romani Pontifisis dikemendarka Paus John Paul II dalam taun 1998 lalu dipansutka dalam taun 2000. Versyen teks tu dikena ba dua iti pengawa nguburka paus: pengawa nguburka John Paul II ba taun 2005 enggau pengawa nguburka Benedict XVI ba taun 2023.

Kena bulan April 2024, Paus Francis ngemendarka editio typica edisyen kedua. Bishop Besai Diego Ravelli, Tuan Pengerami Liturgi Pontif, madahka edisyen nya digaga ketegal peminta Francis. Ravelli madahka, Paus udah nguji deka “ngemuntang sereta ngaduka sekeda ritus ngambika pengerami nguburka Bishop Rome ulih mantaika pengarap Gerija enggau manah agi ngagai Kristus ti udah Angkat”.[4] Salin keterubah edisyen kedua udah diberika ngagai bala mayuh dalam bulan November 2024. Ravelli nerangka edisyen kedua nya nyadika “ritus ti baru” ti ngembuan tuju deka ngemeratka pengawa nguburka pemati paus nya nyadika “pengawa siku pastor enggau murid Kristus lalu ukai orang ti bekuasa ba dunya tu”.[8]

Entara ubah ba edisyen kedua iya nya endur nentuka pemati. Sebedau tu, pengawa nentuka pemati deka nyadi ba bilik endur paus nya mati. Pemudah ke digaga ba edisyen kedua nyengkaum rubrik ke diubah ke peti mati paus: nganti tiga iti peti mati tradisional ke digaga ari kayu cypress, plumbum, enggau oak, peti mati kayu ke ngundan lapis tauka peti mati kedua ke digaga ari zink dikemendarka lalu iya ulih mengkang dibuka ngambika ulih dipebasaka mensia mayuh. Ubah bukai nyengkaum ngena gelar paus ti pemadu mudah dalam pengerami enggau ngemunaska stesyen ti nyadi ba Istana Apostolik. Stesyen Istana Apostolik suba bisi meda bangkai paus dipandangka ba luar peti mati.[9]

Ba edisyen keterubah, peti mati paus diengkah ba atas bier ke tinggi ba Basilika St. Peter. Edisyen kedua muai bier, orientasyen peti mati nuju bangku, lalu minta lilin paska diengkah besepiak enggau peti mati. Edisyen kedua mega ngemendarka pengawa nguburka paus nyadi ba endur bukai kelimpah ari Basilika St. Peter.

Pengawa nguburka niang Pope Francis dalam bulan April 2025 ngena edisyen kedua.

Penyanding

[edit | edit bunsu]
  1. ↑ 1.0 1.1 1.2 Winfield, Nichole (21 April 2025). "The rites and rituals following the death of a pope, his funeral and burial, explained". Associated Press. Retrieved 21 April 2025 – via ABC News.
  2. ↑ Martens, Kurt (2013). "Tu es Petrus, et super hanc petram aedificabo Ecclesiam meam. An Analysis of the Legislation for the Vacancy of the Apostolic See and the Election of the Roman Pontiff". The Jurist. 73 (1): 29–88. doi:10.1353/jur.2013.0001. ISSN 0022-6858.
  3. ↑ "Pope Francis approves simplified papal funeral". Church Times. 29 November 2024. Retrieved 21 April 2025.
  4. ↑ 4.0 4.1 "Vatican publishes new edition of funeral rites for Roman Pontiff". cultodivino.va. Dicastery for Divine Worship and the Discipline of the Sacraments. 29 November 2024. Retrieved 21 April 2025.
  5. ↑ "Cardinal Farrell to preside at rite of ascertainment of Pope Francis' death". Vatican News. 21 April 2025. Retrieved 21 April 2025.
  6. ↑ "Notification translation of the Coffin of the Roman Pontiff Francis into the Vatican Basilica". basilicasanpietro.va. Rome: St. Peter's Basilica. 22 April 2025. Archived from the original on 23 April 2025. Retrieved 23 April 2025.
  7. ↑ Brockhaus, Hannah (20 November 2024). "Vatican simplifies funeral rite for popes". Catholic News Agency. Retrieved 21 April 2025.
  8. ↑ Watkins, Devin (21 April 2025). "Pope Francis has died on Easter Monday aged 88". Vatican News. Retrieved 21 April 2025.
  9. ↑ Von Brand, Fabian (January 2025). "Unsichtbarer Tod?". Herder Korrespondenz (in Jerman). Vol. 79, no. 1. p. 7. ISSN 0018-0645.
Diambi ari "https://iba.wikipedia.org/w/index.php?title=Ordo_Exsequiarum_Romani_Pontificis&oldid=12280"