Orang Melayu Malaysia

Orang Melayu Malaysia
Orang Melayu Malaysia; ملايو مليسيا‎
	Nembiak Melayu bemain Tarik Upih Pinang
Penyampau tubuh
	17,610,458; 57.9% ari penyampau tubuh ba Malaysia (2023)
Kandang endur ti mayuh mensia
	Malaysia
Jaku
	Jaku-jaku Malayik (bemacham bansa jaku Melayu vernakular) • Jaku Melayu Standard • Inggeris
Pengarap
	Islam Sunni
Raban bansa ke bekaul
	Orang Melayu Thai; Orang Melayu Singapura; Orang Melayu Indonesia; Orang Melayu Brunei; Orang Melayu Filipina enggau Orang Melayu Australia;

Orang Melayu Malaysia (Melayu: Orang Melayu Malaysia, Jawi: ملايو مليسيا‎) nya peranak Malaysia ke bebansa Melayu ti ngundan peturun ari sekeda tauka sepenuh dunya Melayu. Nitihka pelaba penyampau tubuh taun 2023, enggau penuampau tubuh 17.6 juta iku, orang Melayu Malaysia nya 57.9% ari demografi menua Malaysia, raban bansa ke pemadu besai ba menua tu. Sida ulih digempuru dalam dua bengkah kategori iya nya; Anak Jati (orang Melayu asal) enggau Anak Dagang (orang Melayu ke ngundan peturun ari kandang menua bukai ba pulau-pulau Melayu).^[2]^[3]

Bansa Anak Jati tauka Melayu asal nya sida individu ti bepegai ba budaya Melayu asal ari kandang menua pesisir Semenanjung Melayu enggau Kalimantan.^[3] Entara raban ke tebilang nyengkaum orang Melayu Brunei, Kedah, Kelantan, Pahang, Perak, Sarawak enggau Terengganu. Ba lansa bukai, bansa Anak Dagang tauka Melayu luar, datai ari peturun orang ke datai ari bagi menua bukai di Pulau-pulau Melayu ke nyadi peranak menua kesultanan Melayu lalu diserap sereta diasimilasyen ngagai budaya Melayu ba maya ke bebida, ketegal penyemaka gaya pengidup enggau pengarap ke sama.

Bansa Melayu ari menua luar ngembuan peturun Aceh, Banjar, Bugis, Jawa, Mandailing enggau Minangkabau ti datai ari Indonesia.^[4]^[5] Sekeda bansa Melayu menua luar mega engka datai ari endur bukai di Asia Tenggara, iya nya nyengkaum bansa Cham ari Indochina, bansa Melayu Kokos ari Pulau Kokos (Keeling) Australia sereta mega bansa Melayu Patani di selatan Thailand. Bisi mega minoriti bansa Melayu ti sebagi ari peturun ari orang ti baru datai ari mayuh bengkah menua bukai ti udah berasimilasyen ngagai budaya Islam Melayu.

Kereban sanding

↑ "Demographic Statistics Malaysia - First Quarter of 2023" (PDF). Department of Statistics, Malaysia. 2023. Retrieved 25 May 2023.
↑ Mohd Hazmi Mohd Rosli; Rahmat Mohamad (5 June 2014). "Were the Malays immigrants?". The Malay Mail Online. Retrieved 2 March 2018.
↑ ^3.0 ^3.1 Miller & Williams 2006, pp. 45–46 Penyalat nyebut: Tag <ref> tidak sah, nama "Miller" digunakan secara berulang dengan kandungan yang berbeza
↑ Gulrose Karim 1990, p. 74
↑ Suad Joseph & Afsaneh Najmabadi 2006, p. 436

[2023_population-1] "Demographic Statistics Malaysia - First Quarter of 2023" (PDF). Department of Statistics, Malaysia. 2023. Retrieved 25 May 2023.

[MMO-2] Mohd Hazmi Mohd Rosli; Rahmat Mohamad (5 June 2014). "Were the Malays immigrants?". The Malay Mail Online. Retrieved 2 March 2018.

[Miller-3] 3.0 ^3.1 Miller & Williams 2006, pp. 45–46 Penyalat nyebut: Tag <ref> tidak sah, nama "Miller" digunakan secara berulang dengan kandungan yang berbeza

[4] Gulrose Karim 1990, p. 74

[5] Suad Joseph & Afsaneh Najmabadi 2006, p. 436

[1]

[2]

[3]

[4]

[5]