Orang Judah Kochin
יְהוּדֵֽי־קוֹצִֽ׳ין കൊച്ചിയിലെ ജൂതന്മാർ | |
|---|---|
 A Malabar Jewish family (1900) | |
| Kandang endur ti mayuh mensia | |
 Israel | 7,000–8,000 (estimated)[1] |
| Templat:IND | 15[2] |
| Jaku | |
| Hebrew, Judeo-Malayalam | |
| Pengarap | |
| Judaism | |
| Raban bansa ke bekaul | |
| Meshuchrarim, Saint Thomas Christians, Paradesi Jews, Knanaya, Sephardic Jews, Bene Israel, Baghdadi Jews, Mizrahi Jews, Malayalis | |
Orang Judah Kochin (ke mega dikelala enggau nama orang Judah Malabar tauka Kochinim ari Hebrew: יְהוּדֵֽי־קוֹצִֽ׳ין) nya siti ari raban orang Judah ke pemadu tuai di India, enggau pun penatai ti dikumbai datai ari jeman Raja Solomon.[3][4] Orang Judah Kochin ngentapka diri ba Perintah Kochin di India Selatan,[5] diatu nyadi sebagi ari negeri Kerala kemaya hari tu.[6][7] Kenyau ari abad ke-12, bisi sebut pasal orang Judah di selatan India ulih Benjamin ari Tudela.
Pengudah sida dibuai ari Iberia dalam taun 1492 nengah Dekrit Alhambra, sekeda ruang bilik orang Judah Sephardi pengujung iya mansang ngagai Kochin ba abad ke-16. Sida dikelala enggau nama orang Judah Paradesi (tauka orang Judah Luar). Orang Judah Eropah bisi sekeda kaul dagang enggau Eropah, lalu pengelandik jaku sida beguna. Taja pan orang Sephardim nemu bejaku Ladino (Sepanyol tauka Judeo-Sepanyol), tang di India sida belajarka jaku Judeo-Malayalam ari orang Judah Malabar.[8] Kededua komuniti tu ngetanka bida etnik enggau budaya sida.[9] Ba ujung abad ke-19, sekeda orang Judah ke bejaku Arab, ke dikelala enggau nama Baghdadis, mega pindah ngagai selatan India ari Timur Semak.[10]
Pengudah menua India meredeka dalam taun 1947 lalu Israel ditumbuhka nyadi sebengkah menua, tebal agi orang Judah Kochin ngaga Aliyah lalu pindah ari Kerala ke Israel dalam tengan taun 1950-an. Bebida enggau nya, tebal agi orang Judah Paradesi (asal iya ari Sephardi) rindu agi pindah ngagai Australia enggau menua Komanwel bukai, sebaka enggau pilih ke digaga orang Anglo-India.[11]
Tebal agi sinagog sida agi bisi di Kerala, lalu sekeda dijual tauka diubah dikena bukai. Entara 8 bengkah sinagog ke agi bisi nyentuk ngagai tengan abad ke-20, semina sinagog Paradesi aja ke agi bisi eklisia tetap. Diatu iya mega narit temuai nyadi palan besejarah. Sinagog Kadavumbhagam Ernakulam dipulaika baru dalam taun 2018, iya endur sefer torah enggau sembiang sekali-sekala, diatur siku ari sekeda orang Judah Kochin ke agi tinggal ari tradisyen orang Judah Malabar kelia. Sekeda sinagig udah rusak lalu siti pan udah direrak lalu sebengkah rumah dua ringkat digaga ba endur nya. Balai gempuru di Chendamangalam (Chennamangalam) digaga baru dalam taun 2006 nyadi Muzium Gaya Pengidup Orang Judah Kerala.[12] Balai gempuru di Paravur (Parur) udah digaga baru nyadi Muzium Sejarah Orang Judah Kerala.[13][14]
Kereban sanding
[edit | edit bunsu]- ↑ "Jews from Cochin Bring Their Unique Indian Cuisine to Israeli Diners", Tablet Magazine, by Dana Kessler, 23 October 2013
- ↑ "Ancient Indian Jewish community holds on to customs despite shrinking numbers". 13 September 2022.
- ↑ The Jews of India: A Story of Three Communities by Orpa Slapak.
- ↑ Weil, Shalva.
- ↑ Weil, Shalva.
- ↑ Weil, Shalva.
- ↑ Weil, Shalva.
- ↑ Katz 2000; Koder 1973; Thomas Puthiakunnel 1973.
- ↑ Weil, Shalva.
- ↑ Weil, S. 2019 (ed.) The Baghdadi Jews in India: Maintaining Communities, Negotiating Identities and Creating Super-Diversity, London and New York: Routledge.
- ↑ Weil, Shalva.
- ↑ Weil, Shalva (with Jay Waronker and Marian Sofaer) The Chennamangalam Synagogue: Jewish Community in a Village in Kerala.
- ↑ "The Synagogues of Kerala, India: Architectural and Cultural Heritage." Cochinsyn.com, Friends of Kerala Synagogues, 2011.
- ↑ Weil, Shalva.