Opis Gerempung Bansa Beserakup ba Nairobi
 | |
  UNON Location within Kenya | |
| Abbreviation | UNON |
|---|---|
| Location |
|
| Coordinates | 1°14′05″S 36°48′59″E / 1.2346°S 36.8164°E |
Director-General | Zainab Bangura |
| Website | www.unon.org |
Opis Gerempung Bansa Beserakup ba Nairobi (UNON, Swahili: Ofisi ya Umoja wa Mataifa Nairobi) ba nengeri Nairobi, indu nengeri Kenya, nyadi siti ari empat palan opis besai GBB ke alai mayuh bengkah ejensi PBB ke bebida bisi begulai. Ditumbuhka dalam taun 1996, iya nyadi indu opis rasmi GBB di Afrika.[1]
Opis Gerempung Bansa Berserakup ba Nairobi mega nyadi palan indu opis global ungkup dua program: Program Rampa Menua Gerempung Bansa Beserakup (UNEP)[2] enggau Program Pengentap Pendiau Mensia Gerempung Bansa Beserakup (UN-Habitat).[3]
Kena bulan November 2004, Kaunsil Pengelikun Gerempung Bansa Beserakup ngatur sesyen ti jarang nyadi ba Nairobi dikena berandauka konflik besenyata di selatan enggau barat Sudan ti nyadi renggat Perang Saudara Sudan Kedua.[4] Aum tu diatur ketegal diansak Duta Besai John Danforth ari Amerika Syarikat maya nya.[5]
Palan
[edit | edit bunsu]
Kompleks begunan nya bepalan ba sepiak Kampung Karura ba pelilih menua Gigiri, Nairobi, sepemanjai Jalai Gerempung Bansa Beserakup. Iya bepalan ba seberai jalai ari Duta Amerika Syarikat ba Kenya.
Kompleks PBB nya ngundan siti begunan ‘gadung’, siti begunan ti penuh enggau energi enggau karbon, endur opis UNEP enggau UN-Habitat.[6][7] Begunan tu keterubah iya digaga di Afrika, ngena baru ai sereta ngena penampak asal dikena ngurangka bepanggai ba penampak tiru. Kelimpah ari nya, begunan nya digaga ngena arus angin asal nyadika ganti penyelap angin, lalu iya ngundan panel solar kena ngasilka semua kuasa ke engka dikena begunan nya.[8] Iya dibuka kena Sekretari Besai PBB Ban Ki-moon enggau Presiden Kenya Mwai Kibaki kena 31 Mac 2011.[9]
Burned Trees, siri ukir ti digaga artis Monegasque Philippe Pastor ti betuju narit ati ngagai penusah angus kampung (api), udah dipandangka enda ngetu ba opis nya kenyau ari taun 2006.[10]
Penemuai
[edit | edit bunsu]Kompleks opis nya mega ulih dilawa mensia mayuh, dalam tukuh pejalai ke udah dibuking dulu, bisi iring, ke disediaka Servis Temuai GBB Nairobi. Barang sapa ke bisi ati bisi peluang pejalai ke ditempah, ke alai orang ulih belajar pasal sejarah enggau pengawa PBB, seraya mega bulih peluang meda opis-opis, nyengkaum begunan gadung ke disebut tadi . Pejalai bisi disediaka maya jam opis ninting hari, dalam mayuh macham jaku (chunto, jaku English, China, Jerman, Perancis, Kiswahili).
Kereban sanding
[edit | edit bunsu]- ↑ "Welcome to the United Nations Office at Nairobi".
- ↑ "Structure and leadership". 28 September 2017.
- ↑ "Learn more about us | UN-Habitat".
- ↑ "Security Council Nairobi Meeting Welcomes End of Year Peace Pledge By Parties To Sudan Conflict". Un.org. Archived from the original on 2012-10-13.
- ↑ "Travel to Nairobi, Kenya of the UN Security Council".
- ↑ "New UN office in Nairobi is a showcase for sustainability". Greening the Blue. Archived from the original on 29 January 2020. Retrieved 24 May 2011.
- ↑ www.standardmedia.co.ke (1 April 2011). "Standard Digital News : : Business – New benchmark as UN opens green building in Nairobi". Standardmedia.co.ke. Archived from the original on 4 Januari 2012. Retrieved 19 Ogos 2013.
- ↑ Recio, Eugenia (7 March 2011). "UNEP Showcases New Green Buildings in Nairobi – Climate Change Policy & Practice". Climate-l.iisd.org. Archived from the original on 25 July 2011. Retrieved 24 May 2011.
- ↑ "New energy-efficient UN offices in Kenya serve as model for future – Ban". UN News. 31 March 2011.
- ↑ United Nations Environment Programme: Philippe Pastor[permanent dead link]