Ngajat Pua Kumbu
Ngajat Pua Kumbu iya nya sebansa ajat ti dibantaika raban indu ari komuniti Iban . Ajat tu selalu iya dibantaika maya Gawai Kelingkang lalu ngema Pua Kumbu .
Maya Gawai Kelingkang, pengawa bejalai bala bujang berani ngemai pala munsuh mansang semak ngagai rumah panjai deka disambut bala indu ke Ngajat Pua Kumbu. Tuai kayau Kelingkang lalu deka ngengkahka ‘antu pala’ ba pua kumbu. Disempulang enggau panjung pemenang sereta munyi gendang, bala ke ngajat Pua Kumbu nguluka pengawa bejalai nuju ‘tanju’11 ba mua rumah panjai seraya ngayunka pua kumbu ke ngundan pala munsuh kin-kitu seraya besampi minta lindung ari semengat pala ke ditangkap.
Sebedau pengawa bejalai bebala mayuh Kelingkang datai ba endur pengerami, siku babi ditungku ngena batu nyadika piring ngagai aki ini. Bala indu ke ngajat Pua Kumbu majak ngayunka pala ti udah diputung nya ngelingi tiang lalu dititihka bala bujang berani. Udah tujuh kali bepusin, pala nya diengkah ba tiang lalu senyata enggau jimat bala bujang berani digantung ngelingi tiang nya. Bala bujang berani deka ngelingi tiang maya pengawa miring. Kemaya hari tu, pala munsuh diganti enggau nyiur nyadika lambang.