Pegi ngagai isi

Nancy Ajram

Ari Wikipedia
Nancy Ajram
نانسي عجرم
Ajram during the Nancy 9 album signing ceremony in May 2017
Ada
Nancy Nabil Ajram

(1983-05-16) Mei 16, 1983 (umur 42)
Achrafieh, Beirut, Lebanon
Pengawa
  • Singer
  • television judge
Taun aktif1996–present
KalingFadi El Hachem (j. 2008)
Anak3
Pengawa musik
GenreArabic pop[1]
Kereban musik
  • Vocals
  • piano
  • keyboards
  • oud
Label
  • EMI
  • Relax-In
  • Megastar
  • Art Line Music
  • EWE
  • In2Musica
Lambar webnancyajram.com

Nancy Nabil Ajram (Arab: نانسي نبيل عجرم, Arab Lebanon: [ˈnæːnsi ˈʕæʒræm]; ada 16 Mei 1983) nya siku personaliti televisyen Lebanon, digelar Spotify "Kuin Pop Arab".[2] Nengah sukung apai iya, iya berengkah merindang maya agi mit lalu bisi ayan ba sekeda randau televisyen maya taun-taun keterubah iya. Ba umur 15, Ajram nyain kontrak rikut enggau EMI lalu ngeluarka album studio debut iya Mihtagalak (1998). Taja pan bedau manggai umur ti sah, Ajram diterima masuk Sindiket Artis Profesional di Lebanon.[3] Taun ke nangkanka nya, iya ngeluarka album kedua iya Sheel Oyoonak Anni (2001).

Penemu iya nyadi enggau pemungkal kerejasama iya enggau pengeluar Lebanon ti tebilang Jiji Lamara, lebuh iya ngeluarka single hit iya "Akhasmak Ah"; digaga penengkebang Mohamed Saad ari Ejip,[4] sereta album studio ketiga iya Ya Salam (2003) ke alai iya ngena imej rama ti lebih sensual seraya nengkebang baru muzik iya. Album keempat Nancy Ajram Ah W Noss (2004) nyadi siti agi pemujur komersial, ti ngadaka single "Ah W Noss", "Lawn Ouyounak", "Oul Tani Keda" and "Inta Eyh" ti ba penuduk lumur satu ba charta, ba maya nya iya udah numbuhka status ikon pop di Timur Tengah.[5] Ba taun 2007, Nancy Ajram mansutka album nembiak keterubah iya, Shakhbat Shakhabit, ti nyadi pengawa ti pemadu tampak sereta mujur ba nembiak maya nya. Betfakkar Fi Eih (2008), album keenam iya, ngasilka tujuh iti single nyengkaum lagu hits Ejip ti mujur ba pengawa komersial iya nya "Betfakkar Fi Eih", "Min Dally Nseek" sereta single Lebanon "Mashi Haddi". Ketegal nya, Nancy Ajram menang Anugerah Muzik Dunya keterubah iya ungkup artis Timur Tengah pemadu laku, lalu nyadika iya pemenang WMA Arab pemadu biak nyentuk ke diatu.

Udah nyual lebih 30 juta rekod di serata dunya naka taun 2007, Ajram siku ari artis muzik Timur Tengah ke pemadu laku.[6] Naka taun 2010 iya dipadahka nyadi penyanyi indu Timur Tengah pemadu laku ba dekad nya (2000–2009).[7] Sepemanjai pengawa iya, Ajram udah ngeluarka dua belas iti album studio nyentuk ke diatu (nyengkaum dua iti ke diungkupka ngagai nembiak mit) sereta mayuh bengkah album ke pemadu atas ba charta baka "Yay", "Ya Tabtab", "Moegaba", "Ehsas Jdeed", "Ibn El Giran", "Fi Hagat", "Ya Kether", "Ma Tegi Hena", "Aam Betaala' Feek", "Badna Nwalee El Jaw", "Salamat", enggau "Aala Shanak". Ajram nyadi pengari indu keterubah sereta semina siku aja ungkup Coca-Cola di dunya Arab, ngeluarka beberapa iti lagu promosyen Coke ti nyadi smash-hit tekala nya, baka "Oul Tani Keda", "El Dounya Helwa", "Noss El Kawn" enggau "Shaggaa Bi Alamak". Ajram udah ngaga penuduk ba rintai nama orang Arab ti pemadu bekuasa ba Arabian Businesses beberapa kali, lalu sama mega dirintaika Newsweek nyadi siku ari penanyi Arab ti pemadu bepengaruh.[8]

Iya udah ayan dalam lagu patriotik ungkup menua iya Lebanon, lalu mega udah nyerahka tujuh iti lagu patriotik ngagai menua Ejip; sebengkah menua ti balat dikerinduka iya ketegal lagu-lagu hits Ejip iya baka "Akhasmak Ah" enggau "Ah W Noss".[9] Entara taun 2013 enggau 2017, Ajram kala nyadi akim ba randau bakat realiti MBC Arab Idol. Iya mega berengkah nyadi pematih The Voice Kids Arabia ba taun 2016. Ba taun 2020, Nancy nyadi artis indu Arab ke pemadu mayuh distrim ba Spotify, lalu nyapai lebih 100 juta main lagu iya, ditangkan penyanyi Lebanon Fairuz enggau 67 juta main.[10]

Kereban sanding

[edit | edit bunsu]
  1. ↑ "Queen of Arab Pop" Nancy Ajram in concert at RSIFF 22", film festivals.com, December 28, 2022
  2. ↑ "23 years ago, the queen of Arab pop #NancyAjram debuted her first studio album". Spotify. Archived from the original on 2021-12-23. Retrieved July 11, 2021.Templat:Cbignore
  3. ↑ "Biography". Nancy Ajram.
  4. ↑ "حكاية أغنية أخاصمك آه", elwatannews, November 22, 2020
  5. ↑ "Nancy Nabil Ajram". coca-colacompany.com. Archived from the original on May 3, 2017. Retrieved October 11, 2017.
  6. ↑ "Power 100-Nancy Ajram". Arabian Business. March 26, 2008.
  7. ↑ "Nancy Ajram Hits The Arab World By Storm!". Hit Sorter. 2010. Archived from the original on Disember 8, 2021. Retrieved Disember 8, 2021.
  8. ↑ "The Most Powerful Arab Singers". Arabian Business. 2007. Archived from the original on April 13, 2016. Retrieved August 15, 2016.
  9. ↑ بالفيديو.. 7 أغاني وطنية قدمتها نانسي عجرم في حب مصر
  10. ↑ "Nancy Ajram Breaks a New Record Surpassing the Living and the Dead!". Albawaba. September 1, 2020. Retrieved April 25, 2021.
Diambi ari "https://iba.wikipedia.org/w/index.php?title=Nancy_Ajram&oldid=16255"