Miring
Miring tu siti pengawa asal raban bansa Iban dikena meri basa ngagai Petara, Orang Panggau & Bunsu Antu enggau Petara Aki Ini.[1] Pengawa miring iya nya sebansa ritual pengarap ti dipejalaika bepelasarka pengarap minta bantu ari Petara dikena ngamatka peneka ti spesifik enggau chara mantaika pemeri baka pemakai ti ditusun ba piring.[2]
Penerang
[edit | edit bunsu]Perengka ritual dikena miring iya nya pua kumbu, seregang tauka kelingkang, dulang, mangkuk enggau piring.[3] Dalam pengawa miring, piring tu selalu iya dibantaika enggau penyampau tiga , lima, tujuh enggau semilan igi, nitihka juluk ati tauka tuju.[2] Ambika chunto, piring dalam lipat tiga disediaka ungkup orang ti bisi mimpi rawan tauka dikena nyendiaka bala orang bumai sebedau ngereja pengawa betanam betupi. Pemeri piring dalam lipat lima digaga sebedau ngaga rumah panjai, seraya ke ganda tujuh dikereja sebedau adat bejalai. Penyampau ti pemadu tinggi, piring dalam lipat semilan disediaka sebedau perang.[4]
Tiap iti ramu nya diseraraka tauka dibagi ngagai penyampau piring. Siku manuk nyadika pemeri, lalu darah manuk ke udah dibantai nya udah nya diengkah ngagai tapak jari ngena bulu manuk. Bulu manuk nya lalu diengkah ba piring.[5] Ungkup lipat lima ke atas, babi dikena nyadi pemeri.[2]
Ritual tu enda tau dikereja orang biasa tang semina ulih digaga seraban lemambang aja. Tu ketegal kuasa semengat nya enda ulih dipegai orang biasa.[2]
Pemeri pemakai
[edit | edit bunsu]Pemakai ke diberi nya beras ketan chelum enggau burak, asi, insap sawit, insap, telu rebus, sirih, garam, minyak makai, enggau letup. Ramu nya mesti dichampur enggau ai tuak dulu sebedau dibalut lalu disimpan dalam seregang.[5]
Reti dalam budaya
[edit | edit bunsu]Penatai ritual miring dikaulka enggau legenda Pulang Gana sereta pemungkal pengawa betanamka padi dalam komuniti Iban.[6] Nitihka jerita tuai Iban, Pulang Gana nya Petara Padi. Sedarka kuasa iya, bala Iban nguing ngagai iya minta penemu pasal pengawa bumai padi. Iya ngelalau sida mantaika pemeri baka tajau, gelang, kulit siput, enggau manik, ti dipandangka ngena chara simbolik dalam pemeri pemakai.
Laban ritual tu dianggap nyadi chara komunikasyen entara mensia enggau semengat[7], pengawa miring tu suah dipejalaika bansa Iban dikena meri basa ngagai semengat enggau aki ini ke udah ninggalka dunya. Kebuah pia laban bansa Iban arapka bisi semengat ba mensia, ukui, jelu, utai tumbuh, burung, ukui enggau utai bukai ke nyadi ba alam.[2][3] Sida mega pechaya bunyi ti dipansutka burung tau nyadika jaku tangkan, tanda, tauka pesan ti ngasuh nasit sida sebedau sida ngereja pengawa ninting hari. Beserimbai enggau munyi burung, sida mega beratika tanda bukai baka daun labuh, mimpi, enggau tanah enggau ke bukai.[3][7]
Nangkanka nya, pengawa miring beguna dikena mantaika pengarap ngulihka pengulih ba bidang ti dikereja sida. Lebuh siku orang napi penanggul ti bebida dalam pengidup sida, sida mesti bejalaika pengawa miring dikena minta iring ari semengat. Taja pia, enti pengawa miring tu enda dipejalaika enggau manah, iya tau mai pangka negatif ngagai sida ti nyereta pengawa nya.[8]
Ba jeman moden
[edit | edit bunsu]Berindik ari pengawa orang Iban ti tama pengarap Kristian enggau mega Islam, pengawa tu diketuka tebal agi rebak moden.[1] Taja pia, sekeda iku orang ba komuniti Iban agi ngemeranka ritual tu, nyadika chara dikena nyaga hak tanah asal[9], tauka dikena ngiga orang ti lenyau.[10] Raban tu suah ngemeranka ritual tu ngena chara sinkretis dikena ngetanka pesaka budaya tu.[11]
Kereban sanding
[edit | edit bunsu]- ↑ 1.0 1.1 Bilon@Senang, Bibiana Motey; Tugang, Noria (2018). "The Iban Traditional Religion: Miring". Jurnal Borneo-Kalimantan. 4 (1): 37–42. doi:10.33736/jbk.920.2018.
- ↑ 2.0 2.1 2.2 2.3 2.4 Nik Azma Binti Nik Day (2018). Perubahan Amalan Ritual Miring dalam Masyarakat Iban di Kanowit, Sibu, Sarawak [Changes in Miring Ritual Practices in the Iban Community in Kanowit, Sibu, Sarawak] (Master’s thesis). Universiti Malaysia Sarawak. Retrieved 19 September 2025.
- ↑ 3.0 3.1 3.2 Sylvester Riang (8 February 2023). "Warisan Budaya Miring" [Miring Cultural Heritage]. Suara Sarawak (in Melayu). Retrieved 19 September 2025.
- ↑ "Miring Goes On Despite Modernization | Sarawak Tribune" (in Inggeris AS). 2022-12-15. Retrieved 2025-09-20.
- ↑ 5.0 5.1 "Upacara Miring, Persembahan Doa Kepada Tuhan Semasa Hari Gawai Dayak" [Miring Ceremony, Offering Prayers to God During Gawai Dayak Day]. www.iloveborneo.my (in Melayu). 2023-12-14. Retrieved 2025-09-20.
- ↑ Jensen, Erik (1974). The Iban and Their Religion. Oxford, United Kingdom: Clarendon Press.
- ↑ 7.0 7.1 Noria T., Anna Durin; Yow Chong Lee, Hashim A.; Adilawati A., Bibiana Motey S. (2018). "The Iban Folk Belief". International Journal of Academic Research in Business and Social Sciences. 8 (14): 100–107. doi:10.46886/IJARBSS/v8-i14/5031. Retrieved 20 September 2025.
- ↑ Ugih Echoh, Daniel; Abdul Gapor, Salfarina; Abdul Rahman, Haris Fadzilah (2020). "Fungsi Upacara Miring dalam Proses Pemuliharaan Kubu di Wilayah Tengah Sarawak" [The Function of Miring as Part of the Fort Conservation Process in Central Sarawak]. Journal of Borneo Social Transformation Studies (in Melayu). 6 (1): 148–162. doi:10.51200/jobsts.v6i1.2800. Retrieved 19 September 2025.
- ↑ "Penduduk pertahan tanah adat melalui upacara 'miring'" [Residents defend customary land through the 'miring' ceremony]. www.utusanborneo.com.my (in Melayu). 2018-06-17. Retrieved 2025-09-20.
- ↑ "Tular video upacara 'Miring' mohon Prebet Syafiq 'dipulangkan'" [Viral video of 'Miring' ceremony begging for Private Syafiq to be 'repatriated']. Portal Berita (in Melayu). 2024-07-07. Retrieved 2025-09-20.
- ↑ Raphael, Jacqueline (2025-06-06). "Muntat Gamang holds traditional 'miring pengaroh' ritual in Miri for Gawai". Borneo Post Online (in Inggeris AS). Retrieved 2025-09-20.