Michelle Yeoh
Michelle Yeoh | |
|---|---|
 Yeoh maya taun 2026 | |
| Ada | Yeoh Choo Kheng[1] 6 Ogos 1962 Ipoh, Perak, Federasyen Malaya |
| Nama bukai | Michelle Khan |
| Pelajar | Royal Academy of Dance (BA) |
| Pengawa | Pengelulu |
| Taun aktif |
|
| Gawa | Rintai penuh |
| Kaling |
|
| Anugerah | Rintai penuh |
| Chinese name | |
| Traditional Chinese | 楊紫瓊 |
| Simplified Chinese | 杨紫琼 |
| Hanyu Pinyin | Yáng Zǐqióng |
| IPA | Templat:IPAc-cmn |
| Jyutping | Joeng4 Zi2-king4 Templat:IPAc-yue |
| Tâi-lô | Iûnn Tsú-khîng [ĩũ tsu kʰiŋ] |
Michelle Yeoh Choo Kheng Todt (nama ada Yeoh Choo Kheng, China: 楊紫瓊; ada kena 6 Ogos 1962),[1][2] dikelala sechara profesional enggau nama Michelle Yeoh (/joʊ/), nya siku pengelulu Malaysia. Dalam pengawa iya ke udah dipejalaika lebih empat dekad, iya udah belakun dalam produksyen filem enggau televisyen ke mungkur mayuh macham genre lalu nerima mayuh macham anugerah nyengkaum Anugerah Akademi enggau Anugerah Golden Globe, begulai enggau nominasyen ungkup dua Anugerah Filem Akademi British. Dikredit enggau nama Michelle Khan dalam wayang-wayang keterubah iya, iya tebilang dalam taun 1980 enggau 1990 pengudah ngelulu dalam filem aksyen enggau seni ngetan diri Hong Kong ke alai iya mantaika aksi kediri empu. Peranan tu nyengkaum Yes, Madam (1985), Magnificent Warriors (1987), Police Story 3: Super Cop (1992), The Heroic Trio enggau Tai Chi Master (kededua maya taun 1993), sereta Wing Chun (1994).
Pengudah pindah ke Amerika Serikat, Yeoh bulih kelala entarabansa ketegal pengawa iya ti ngelulu dalam filem James Bond iya nya Tomorrow Never Dies (1997) enggau dalam filem seni ngetan diri wuxia Ang Lee iya nya Crouching Tiger, Hidden Dragon (2000); ke penudi tu ngujungka iya bulih nominasyen ungkup Anugerah BAFTA ungkup Pengelulu Indu Pemadu Manah dalam Pengawa Ketuai. Karier iya ba Hollywood mansang enggau pengawa dalam Memoirs of a Geisha (2005), Sunshine (2007), sereta The Mummy: Tomb of the Dragon Emperor (2008). Iya terus ayan ba Hong Kong enggau panggung wayang China, ngelulu ba True Legend sereta Reign of Assassins (kededua ba dalam 2010); Crouching Tiger, Hidden Dragon: Sword of Destiny (2016); enggau Master Z: Ip Man Legacy (2018). Dalam 2011, iya bekelulu nyadi Aung San Suu Kyi dalam filem biografi British The Lady (2011).
Yeoh ngemeranka pengawa nyadi pengelulu sukung ba filem komedi romantik Crazy Rich Asians (2018) enggau Last Christmas (2019), pia mega dalam Marvel Cinematic Universe filem Shang-Chi and the Legend of the Ten Rings (2021) sereta siri televisyen Star Trek: Discovery (2017–2020). Pengawa bekelulu nyawa iya udah nyengkaum Kung Fu Panda 2 (2011); Minions: The Rise of Gru and Paws of Fury: The Legend of Hank (kededua ba taun 2022); Transformers: Rise of the Beasts (2023); enggau The Tiger's Apprentice (2024). Ngagai pengawa ngelakunka iya nyadi Evelyn Quan Wang in Everything Everywhere All at Once (2022),[3] iya menang Anugerah Akademi ungkup Pengelulu Indu Pemadu Manah, nyadi pelakon Asia keterubah[lower-alpha 1] ke menang ba kategori nya, lalu peranak Malaysia keterubah bulih Anugerah Akademi. Iya udah dipandangka dalam filem misteri nya kenyau ari nya A Haunting in Venice (2023) enggau filem fantasi musikal Wicked (2024) enggau Wicked: For Good (2025).
Laman web pengagregat komen filem Rotten Tomatoes ngengkahka iya nyadi heroin aksi pemadu besai sepanjai maya dalam taun 2008.[6] Ba taun 1997, iya dipilih People nyadi siku ari "50 Iku Orang Pemadu Bajik Ba Dunya",[7] lalu dalam taun 2009 majalah ti sama ngerintaika iya nyadi siku ari "35 Pemajik Skrin Sepanjai Maya".[8] Dalam 2022, Time diberi nama iya siku ari 100 iku orang ke pemadu bepengaruh ba dunya ba lis ninting taun iya enggau Ikon Taun iya.[9][10] Ba taun 2024, iya nerima Midul Pengelepas Presiden.
Nota
[edit | edit bunsu]- ↑ Leka jaku "Asia" ditu dikena nitihka jaku kontemporari Amerika baka ke diterangka ba orang Asia § United States. Seraya siku pengelulu indu Israel enggau siku pengelulu indu bepeturun Armenia udah menang Pengelulu Pemadu Manah, nadai siku dianggap Asia dalam reti tu, ke keterubah iya nyengkaum Asia Timur, Asia Tenggara, enggau Asia Selatan.[4][5]
Kereban sanding
[edit | edit bunsu]- ↑ 1.0 1.1 NBR Gala 2023 — NBR Best Actress Winner Michelle Yeoh (plus Awkwafina introduction) Archived 22 Januari 2023 at the Wayback Machine. Youtube clip of the NBR Gala on 8 January 2023 at 4:00 mins
- ↑ Encyclopædia Britannica Almanac 2010, p. 75 Archived 11 Januari 2023 at the Wayback Machine
- ↑ Sun, Rebecca (8 March 2023). "What Michelle Yeoh Taught Me About Motherhood". The Hollywood Reporter (in Inggeris AS). Archived from the original on 19 March 2023. Retrieved 19 March 2023.
- ↑ Sun, Rebecca (12 March 2023). "Michelle Yeoh Is Oscars' First Asian Best Actress Winner: 'This is a Beacon of Hope and Possibilities'". The Hollywood Reporter. Archived from the original on 20 August 2023. Retrieved 30 July 2023.
- ↑ Sun, Rebecca (24 January 2023). "Oscars: Michelle Yeoh Makes History as First Asian Best Actress Nominee". The Hollywood Reporter. Archived from the original on 22 March 2023. Retrieved 30 July 2023.
- ↑ "Total Recall: The 25 Best Action Heroines of All Time". Rotten Tomatoes. Archived from the original on 29 April 2014. Retrieved 13 November 2011.
- ↑ "People Weekly – Special Double Issue – The 50 Most Beautiful People In The World". People. 12 May 1997.
"British Airways 'Shoes' How To Kick Start Flights To Kuala Lumpur". British Airways. 28 May 2015. Archived from the original on 29 October 2023. Retrieved 29 October 2023. - ↑ "35 All-Time Screen Beauties". People. 28 September 2009. Archived from the original on 30 January 2021. Retrieved 25 January 2021.
- ↑ "The 100 Most Influential People of 2022". Time. Archived from the original on 29 May 2022. Retrieved 17 December 2022.
- ↑ "Time names Michelle Yeoh its 2022 Icon of the Year. She's ready for Oscars love too". Los Angeles Times. 6 December 2022. Archived from the original on 17 December 2022. Retrieved 17 December 2022.
Laman web ke bukai
[edit | edit bunsu]
- Michelle Yeoh on Instagram
- Michelle Yeoh ba IMDb