Pegi ngagai isi

Menira Palestin

Ari Wikipedia
Menua Palestin
UseNational flag Small vexillological symbol or pictogram in black and white showing the different uses of the flag Small vexillological symbol or pictogram in black and white showing the different uses of the flag Reverse side is mirror image of obverse side
Proportion1:2
Adopted28 Mei 1964; 61 taun ke udah (1964-05-28) (PLO)
15 November 1988; 37 taun ke udah (1988-11-15) (Palestin)
DesignMenira tiga chura mendatar bechura chelum, burak enggau gadung; enggau segitiga bechura mirah ba tisi gitang menira.
UseMenira presiden[1] Small vexillological symbol or pictogram in black and white showing the different uses of the flag Reverse side is mirror image of obverse side
Proportion1:2
DesignMenira tiga chura mendatar bechura chelum, burak enggau gadung; enggau segitiga bechura mirah ba tisi gitang menira sereta bisi lambang menua ba karang bungai mas di tisi layang menira.
UseState flag Small vexillological symbol or pictogram in black and white showing the different uses of the flag Reverse side is mirror image of obverse side
DesignMenira tiga chura mendatar bechura chelum, burak enggau gadung; enggau segitiga bechura mirah ba tisi gitang menira sereta bisi lambang menua atas dua pedang besialng ba sukut atas tisi gitang menira.

Menira menua Palestin (Arab: علم فلسطين, rumi: ʿalam Filasṭīn) iya nya tiga chura ti bisi tiga belang mendatar ti sama—chelum, burak, enggau gadung ari atas ke baruh—ti dilapis enggau segitiga mirah. Iya mandangka chura pan-Arab, keterubah iya dipegulai ngena gaya ke diatu maya Penyarut Arab 1916, lalu ngarika orang Palestin enggau Menua Palestin.

Dikena kenyau ari taun 1920-an, langkar serata menira Palestin nyau deka sebaka enggau menira Penyarut Arab, enggau chura pan-Arab ngarika empat dinasti Arab ke besejarah. Iya diterebai maya pengawa ngelaban Arab 1936–1939 di Palestin lalu mega udah mayuh dikena dalam konflik Israel-Palestin, kelebih agi pengudah iya diterima enggau rasmi nyadi menira rayat Palestin lebuh Gerempung Pengelepas Palestin (PLO) ditumbuhka dalam taun 1964. Kenyau ari taun 2015, Menua Palestin udah ngintu Hari Menira ninting 30 September.[2] Kenyau ari taun 2021, menira Palestin udah diturun ngagai setengah tiang ninting 2 November dikena ngenang Penesau Balfour 1917, ke dikeluarka United Kingdom, nyukung “rumah nasional ungkup orang Judah” ba endur ke dikumbai Palestin Ottoman maya nya.[3]

Lebuh Perang Enam Hari ba taun 1967, Israel nguasa Jalur Gaza enggau Tebing Barat, ke alai iya udah nya nagang menira Palestin, ke mengkang nyentuk pun taun 1990-an, lebuh Israel enggau PLO nyain Sempekat Oslo.[4] Taja pia, dalam praktikal, menira nya agi seruran dirampas piak bekuasa Israel ba serata kandang menua ke dipegai Israel.[5] Ba taun 2023, Amnesty International mansutka riput ngutuk tagang baru perintah Israel ba pengawa mandangka menira Palestin nyadi “pengawa nguji ngasuh bechiping bansa nyadi sah” nengah chara nekan “lambang penyerakup enggau ngelaban pengawa nguasa Israel ke enda sah” ba kandang menua Palestin.[6] Maya perang Gaza, lambang buah semangka nya niki ngagai penuduk ke pemadu tebilang dikena ngelaban tagang Israel ba menira Palestin.[5]

Kereban sanding

[edit | edit bunsu]
  1. ↑ "Flags of the World". Archived from the original on 9 December 2023. Retrieved 2 April 2024.
  2. ↑ "Palestinians celebrate Flag Day marking two years since hoisting it at UN". WAFA Agency.
  3. ↑ "Palestinian flag to be flown at half mast to mourn Balfour Declaration". The Jerusalem Post | Jpost.com. Archived from the original on 1 December 2022. Retrieved 22 April 2022.
  4. ↑ Penyalat nyebut: Tag <ref> tidak sah; tiada teks disediakan bagi rujukan yang bernama kellman
  5. ↑ 5.0 5.1 Penyalat nyebut: Tag <ref> tidak sah; tiada teks disediakan bagi rujukan yang bernama AJ11
  6. ↑ Penyalat nyebut: Tag <ref> tidak sah; tiada teks disediakan bagi rujukan yang bernama AI11
Diambi ari "https://iba.wikipedia.org/w/index.php?title=Menira_Palestin&oldid=17863"