Megan Thee Stallion
Megan Thee Stallion | |
|---|---|
 Megan Thee Stallion maya taun 2024 | |
| Ada | Megan Jovon Ruth Pete Februari 15, 1995 San Antonio, Texas, A.S. |
| Nama bukai |
|
| Pelajar | Sekula Tinggi Pearland Universiti Selatan Texas (BS) |
| Pengawa |
|
| Taun aktif | 2016–diatu |
| Anugerah | Rintai penuh |
| Pengawa musik | |
| Kereban musik | Nyawa  |
| Diskografi | Diskografi Megan Thee Stallion |
| Label | |
| Lambar web | megantheestallion |
| Sain | |
 | |
Megan Jovon Ruth Pete (ada 15 Februari 1995), dikelala enggau nama Megan Thee Stallion, iya nya siku penanyi rap, penulis lagu, enggau pengelulu Amerika. Iya bulih kelala lebuh video rap gaya bibas iya nyadi viral ba media rama, ngujungka iya nyain kunterik enggau 1501 Certified Entertainment dalam taun 2018. Iya bulih pemujur arus perdana ba taun ke nangkanka nya enggau pengawa ngeluarka mixtape komersial iya Fever (2019), lalu ditangkan enggau extended play Suga (2020), kedua-dua nya manggai ba tikas pemadu tinggi dalam sepuluh penuduk ke pemadu atas ba charta Billboard 200.
Megan berengkah nyadi tebilang enggau lagu single iya taun 2019 "Hot Girl Summer" enggau "Cash Shit"; single iya taun 2020 "Savage" ngadaka remix ti bisi Beyoncé ti menang dua Anugerah Grammy, manggai ba atas Billboard Hot 100 AS, lalu dipasukka dalam album studio keterubah iya Good News (2020). Single iya "Body" nyadika iya pengelulu indu keterubah ngeluarka tiga iti lagu lumur satu ba charta Streaming Songs dalam takah setaun. Ba taun ke sama, iya nyadi temuai ayan ba single Cardi B "WAP", ti nyadi lagu lumur satu kedua iya ba Hot 100. Album kompilasyen iya Something for Thee Hotties (2021) manggai ba lumur lima ba Billboard 200 lalu nyengkaum single 20 pemadu manah ke dichalunka Anugerah Grammy "Thot Shit".
Berindik ari pengawa bechara bekaul kes timbak sepengudah iya ditimbak Tory Lanez ba kaki, sereta mega isu kunterik enggau label rikut iya, Megan ninggalka kededua 1501 enggau 300 Entertainment. Album studio kedua iya, Traumazine (2022), nyengkaum single "Sweetest Pie" (enggau Dua Lipa)—ti ba penuduk lumur 15 di AS—lalu nyadika pengelepas kepenudi iya enggau label ti disebut tadi. Iya numbuhka label rekod iya empu, Hot Girl Productions, dalam taun 2023, nengah nya iya ngeluarka album studio ketiga iya, Megan (2024). Ari album tu, iya ngadaka single "Hiss", ti nyadi lagu solo Megan keterubah ti manggai penuduk keterubah Billboard Hot 100 lalu nyadika iya penanyi rap indu solo keterubah debut ba atas <i id="mwPQ">Billboard</i> Global 200.