Mark Zuckerberg

Mark Zuckerberg
Mark Zuckerberg
	Zuckerberg in 2025
Ada	Mark Elliot Zuckerberg; Mei 14, 1984 (umur 41); White Plains, New York, U.S.
Nama bukai	Zuck
Pelajar	Universiti Harvard (pansut)
Pengawa	Orang dagang; programmer;
Taun aktif	2004–diatu
Title	Sapit penumbuh, chairman enggau CEO Meta Platforms sereta Facebook; Sapit penumbuh sereta sapit CEO Chan Zuckerberg Initiative;
Kaling	Priscilla Chan (j. 2012)
Anak	3
Bala sebilik	Randi Zuckerberg (aka); Donna Zuckerberg (aka);
Lambar web	facebook.com/zuck
Sain

Mark Elliot Zuckerberg (/ˈzʌkərbɜːrɡ/; ada 14 Mei 1984) iya nya siku orang dagang enggau programmer Amerika ti sama numbuhka servis media rama Facebook enggau indu kompeni iya Meta Platforms. Iya nyadi chairman, tuai pemesai eksekutif, enggau pemegai saham ti nguasa Meta.

Zuckerberg besekula enda lama ba Kolej Harvard, lalu ngelancharka Facebook dia dalam bulan Februari 2004 enggau bala bakih iya Eduardo Saverin, Andrew McCollum, Dustin Moskovitz enggau Chris Hughes. Zuckerberg ngambi kompeni nyadi kompeni rama dalam bulan Mei 2012 enggau saham majoriti. Iya nyadi bilionair pemadu biak di dunya ti ngaga diri empu dalam taun 2008, maya umur iya 23 taun, lalu udah seruran ba penuduk entara individu ti pemadu kaya di dunya. Nitihka penerang ari Forbes, pengaya Zuckerberg dipelabaka manggai US$251 bilion naka bulan Oktober 2025, lalu nyadika iya orang ketiga pemadu kaya di dunya.^[1] Taja pia, bisi diriputka ba bulan ti nangkanka nya iya diatu nyadi orang keenam pemadu kaya di dunya lalu ngembuan reta tengkira ti dipelabaka manggai $229 bilion berindik ari saham Meta ti rugi.^[2]^[3]

Iya udah ngena duit turu iya ngatur mayuh macham pemeri ti besai, nyengkaum numbuhka Inisiatif Chan Zuckerberg. Siti filem bepelasarka pengawa Zuckerberg ke dulu suba, penanggul undang-undang enggau pemujur keterubah iya enggau Facebook, The Social Network, dikeluarka dalam taun 2010 lalu menang mayuh Anugerah Akademi. Penyampau iya ti tebilang sereta jampat mansang dalam industri teknologi udah ngujungka perati politik enggau undang-undang. Iya udah nyadika subjek mayuh bengkah saman bekaul enggau pengawa ngaga sereta ngempu laman web nya sereta mega isu baka privasi penguna.

Kereban sanding

↑ "THE REAL-TIME BILLIONAIRES LIST". Forbes. Retrieved October 21, 2025.
↑ "#6 Mark Zuckerberg". November 30, 2025. Retrieved November 30, 2025.
↑ Roush, Ty (November 6, 2025). "Mark Zuckerberg Drops To Sixth-Richest After Meta Stock Slides". Forbes. Retrieved November 30, 2025.

[Forbes2-1] "THE REAL-TIME BILLIONAIRES LIST". Forbes. Retrieved October 21, 2025.

[2] "#6 Mark Zuckerberg". November 30, 2025. Retrieved November 30, 2025.

[3] Roush, Ty (November 6, 2025). "Mark Zuckerberg Drops To Sixth-Richest After Meta Stock Slides". Forbes. Retrieved November 30, 2025.

[1]

[2]

[3]