Mantar Ista
_2024-03-30.jpg)
Mantar Ista, tauka dikelala enggau nama Mantar Paska, Mantar Besai Paskah, tauka Hari Enam Kudus maya Mantar Ista ba Malam Kudus Paskah, iya nya liturgi ti diatur ba gerija Kristian tradisional nyadika pengerami rasmi keterubah Pengangkat Jesus. Ari segi sejarah, maya liturgi tu meh orang dibaptisa lalu katekumen ti udah besai diterima nyadi komuni penuh enggau Gerija. Iya diatur ba jam lemai entara maya teberingkas ba Hari Enam Kudus enggau mata panas pansut ba Hari Ista – pemadu suah nyadi ba lemai Hari Enam Kudus tauka tengah malam – lalu nyadi pengerami keterubah ngintu Ista, hari ti dikumbai nitihka tradisyen berengkah maya teberingkas.
Entara gerija Kristian Barat beliturgi nyengkaum Gerija Roman Katolik, Gerija Lutheran enggau Komuni Anglikan, Mantar Ista nyadi liturgi sembiang mensia mayuh enggau Misa taun liturgi ti pemadu beguna, ditanda enggau guna keterubah kangau "Aleluya" kenyau ari pun Lent, siti ari penteba ke nyelai ba musin Ista.[1]
Ba Gerija Moravia, pengawa sembiang silau berengkah sebedau pagi hari kena Hari Minggu Ista.[2] Gerija ke ngembuan tradisyen Reformasyen enggau tradisyen Methodis tau ngintu Mantar Ista tauka ngatur pengawa sembiang matahari pansut. Ba gerija Ortodoks Timur, gerija Ortodoks Oriental, enggau tradisyen bukai ari pengarap Kristian Timur, pengerami ti balat bendar rami enggau Liturgi Allah Taala ti disambut maya Mantar Ista nya nyelai ba malam nya lalu nyadi ke pemadu terang sereta beguna dalam taun liturgi.
Tukuh ti pemadu tumu dikelala
[edit | edit bunsu]Dua belas iti bacha asal Sempekat Lama ungkup Mantar Ista agi bisi dalam manuskrip lama enggi Patriarki Armenia di Jerusalem. Mantar Ista Armenia mega ngetanka utai ti dipechaya nyadi pemanjai asal bacha injil tradisional Mantar Ista, iya nya, ari cherita Makai Lemai Kepenudi nyentuk ngagai pengujung Injil nitihka Matthew. Dalam teks dikena ba Jerusalem ti pemadu tumu pengawa bejaga nya berengkah enggau Masmur 117 [118] dilagu enggau saut, "Tu hari ti udah digaga TUHAN." Udah nya ditangkanka dua belas iti bacha Sempekat Lama, semua tang kepenudi ditangkanka enggau sampi enggau besugang.
Bache kedua belas berujung ngagai Lagu Tiga Nembiak lalu enda ditangkanka enggau sembiang besugang, tang ditangkanka enggau prokeimenon ari liturgi Eukarista. Thomas Talley ngemeratka pemesai guna siri macha tu ti ngarika siri ti pemadu tuai ti dikelala lalu iya ti terang bendar ngembuan pengaruh ti pemadu besai ngagai pemansang semua siri macha ti nangkanka nya.[3]
Nitihka penerang ari pakar sejarah Bizantium Andrew Ekonomou, Vespers Ista enda digaga di Rome sebedau iya dipejalaika ba tengan abad ke-7, lalu dipejalaika Pope Vitalian maya timpuh Rome nyadi sebagi ari Empayar Bizantium. Vespers Ista udah lama diintu di Kostantinopel sebedau tu lalu liturgi nya empu bisi penerang ti tampak asal ari timur.[4]
Penyanding
[edit | edit bunsu]- ↑ Steenwyk, Carrie. "Easter Vigil" (in English). Christian Reformed Church in North America. Retrieved 3 April 2021.
The Easter Vigil, also referred to as the Paschal Vigil or the First Service of Easter, is held either on the Saturday evening before Easter or very early Easter morning.
{{cite web}}: CS1 maint: unrecognized language (link) - ↑ "Lent, Holy Week and Easter" (in English). Home Moravian Church. Retrieved 3 April 2021.
{{cite web}}: CS1 maint: unrecognized language (link) - ↑ Thomas J. Talley, The Origins of the Liturgical Year, New York: Pueblo Publishing Company, Inc., 1986, pp.48-49.
- ↑ Andrew J. Ekonomou. Byzantine Rome and the Greek Popes. Lexington books, 2007.
Biblografi
[edit | edit bunsu]