Pegi ngagai isi

Lepa (kapal)

Ari Wikipedia
"Lepa-lepa" redirects here. Ungkup nama generik perau layar mit ba Filipina, peda Vinta. Ungkup kanu ari Indonesia timir, peda Lepa-lepa.
Rumah kapal lepa ari Filipina enggau bagi burit ti beukir (c. 1905)

Lepa, mega dikelala enggau nama lipa tauka lepa-lepa, nya siti kapal asal bansa Bajau Samah ba Indonesia, Filipina, enggau Malaysia. Ari sukut tradisional, kapal tu dikena nyadi kapal rumah ungkup bansa Sama Dilaut. Ketegal mayuh orang bansa Sama udan ninggalka pengidup esklusif ba tasik, lepa moden dikena nyadi kapal orang berikan enggau kapal kargo.[1]

Lepa nya perau besaiz sedang, selalu iya pemanjai dalam urung 30 to 50 ka (9.1 to 15.2 m), sereta libar dalam urung 5 to 7 ka (1.5 to 2.1 m); enggau peninggi jalur kapal 5 ka (1.5 m). Lepa mega dikelala enggau nama pidlas, entara bansa Sama ti diau ba darat. Lepa ke besai dikelala enggau nama kumpit. Pemesai kumpit ulih nyampau 50 to 120 ka (15 to 37 m) sereta mayuh dikena nyadi kapal-kapal dagang.[2] Lepa mega dikena nyadi leka jaku generik ungkup "perau" dalam mayuh raban bansa Sama-Bajau; vinta, chunto nya, dikelala enggau nama lepa-lepa. Lepa kemaya tu majak diganti enggau perau ti ngundan injin, pambot ("bot pam").[1][3][4][5][6]

Setengah mua lepa ari Muzium Nasional Etnologi, Osaka, Japan

Penerang

[edit | edit bunsu]
Dero lipa-lipa (lepa-lepa) orang Bajau.

Rangka lepa digaga ari dugout mit ti dikelala enggau nama tadas tauka lunas. Bagi tu digaga ba sepemanjai tisi enggau jalai ti sempit agi ari rangka. Tiga papan tambah ti dipegulaika ari tepi ke tepi nyentukka bagi jalur, ti merentang ngagai burit. Bagi tu (ari baruh ke atas) dikelala enggau nama bengkol, kapi kapi, enggau koyang koyang. Bagi tu enda ngerembai penuh nuju aruh, nempa chelah ti nyelai ba mua lambung kapal. Lambung kapal nya lanchip tajam ba aruh enggau burit. Baka ba kapal asal Filipina ke bukai, lambung lepa endang ari tradisyen dipasang begulai enggau dowel (tambuko) enggau tali serat ti nganti paku. Struktur baka rumah ti ulih dipelaaka (kubu tauka balutu) suah digaga ba tengah-tengah lambung kapal, enggau dek ti ulih dilepaska ti dikelala enggau nama lantai. Atap kapal tu (sapaw) digaga ngena daun nipah ti dikepang lalu dipasang ba tiang ti betukuh Y. Endur berapi ke ulih dibai (lappohan) bisi ba geledak burit kapal, begulai enggau pemakai ti disimpan (lutu) enggau kibut ai (kibut).[7][1][5]

Lepa bisi siti layar (lamak), dipasang ba tiang ti disimpan ba rangka kapal nengah dek bagi mua. Baka tiang bumbung, tiang-tiang tu ulih dilepas nitihka peneka. Lepa ulih dikebut ngena dayung tauka galah. Nyau semua lepa moden ngundan injin.[1][5]

Lepa ulih dibida enggau kapal tradisional ke bukai (baka djenging enggau vinta, ti mega dikena nyadi perau rumah) ke alai lepa nadai penyangga. Aruh enggau burit mega digaga ari balok kayu ti beukir, sereta nadai tiang tauka lekung papan baka balangay. Aruh (mundaˊ) enggau burit (buliˊ) ti rendah ngasuh senang deka muai tauka narit jaring, lalu mega masang tiang enggau dayung. [1]

Lepa ba festival Regatta Lepa 2015 ba Semporna, Malaysia

Lepa diiyas enggau chura bebungai dikelala enggau nama okil (mega disepil ukkil).[1][6][8][7][5]

Tradisyen

[edit | edit bunsu]

Ba Filipina enggau Malaysia, selalu iya nadai ritual digaga maya ngaga tauka ngelancharka lepa, dipelaba kebuah empas tinggi Islamisasyen ba pengarap orang Sama. Ba timur Indonesia, sampi biau enggau ritual bekaul enggau pegulai rangka enggau busur enggau burit, sereta pengawa ngelubang tiang ("pusat" kapal). Pengudah kepenudi nya, kapal tu dikelanchar keterubah kali iya, lalu ari sukut simbolik nyadi anak ari pengempu kapal.[5]

Maya jeman nomad Sama Dilaut sebedau tu, sebedau siku laki deka bejadi, sebilik iya deka ngaga tauka meli lepa, ngambika iya enggau bini iya ulih idup nyadi orang berikan ti bibas. Udah pemati iya, lepa deka dibungkar lalu nyadi peti mati kena pendam iya.[5]

Sebedau pejalai ti panjai tauka ngenusahka diri, lepa deka diberekat enggau mantera (haligmun) ari manang kampung. Tu nyengkaun mantera ti ngasuh sida enda ulih dipeda munsuh tauka ulih kalis peluri. Orang Bajau Samah mega kekadang nyebut sumpah danji (magjanji') ngagai Petara (Tuhan) tauka semengat aki ini (umboh) dalam krisis ba tasik, tauka maya perau enda mujur pulai ke rumah. Enti perau nya pulai likun, danji tu dibayar enggau pengawa makai-makai kena meri terima kasih tauka dikumbai magmaulud or magbajanji.[5]

Regatta Lepa

[edit | edit bunsu]

Regatta Lepa nya festival perau ninting taun ba Semporna, Malaysia, ti ngerami tradisyen ngaga kapal gerempung Bajau-Samah ba Sabah.[4][3]

Penyanding

[edit | edit bunsu]
  1. ↑ 1.0 1.1 1.2 1.3 1.4 1.5 Jesusa L. Paquibot (2016). "Lepa: The Sea as Home". In Kwon Huh (ed.). Traditional Shipbuilding Techniques (PDF). Vol. 29. Intangible Cultural Heritage Courier of Asia and the Pacific, UNESCO. pp. 16–17. ISSN 2092-7959. Archived from the original (PDF) on 2018-05-07. Retrieved 2018-05-07.
  2. ↑ Maria Bernadette L. Abrera (2007). "The Soul Boat and the Boat-Soul: An Inquiry into the Indigenous "Soul"" (PDF). Philippine Social Sciences Review.[permanent dead link]
  3. ↑ 3.0 3.1 "The Traditional Lepa Boat". Etawau. Retrieved 7 May 2018.
  4. ↑ 4.0 4.1 "Regatta Lepa-Lepa". Etawau. Retrieved 7 May 2018.
  5. ↑ 5.0 5.1 5.2 5.3 5.4 5.5 5.6 Clifford Sather (2001). "Bajau laut boat-building in Semporna". Traversées (35–36): 177–198. doi:10.4000/tc.288.
  6. ↑ 6.0 6.1 Nimmo, H. Arlo (1990). "The Boats of the Tawi-Tawi Bajau, Sulu Archipelago, Philippines" (PDF). Asian Perspectives. 29 (1): 51–88. S2CID 31792662. Archived from the original (PDF) on 2019-11-15.
  7. ↑ 7.0 7.1 "Lepa Boat". National Museum of the Philippines. Archived from the original on 28 July 2019. Retrieved 7 May 2018.
  8. ↑ Jun Mercado (10 November 2008). "Carvers, kumpit builders". GMA News Online. Retrieved 7 May 2018.
Diambi ari "https://iba.wikipedia.org/w/index.php?title=Lepa_(kapal)&oldid=11501"