Kyoto

Kyoto 京都市
Prefectural capital and Designated city
From top left: Kiyomizu-dera, Bamboo Forest of Arashiyama, Kinkaku-ji, Dry garden of Ryōan-ji, Katsura Imperial Villa, Senbon torii gates of Fushimi Inari-Taisha, Heian Shrine and Kyoto Imperial Palace
Flag Seal
Location of Kyoto in Kyoto Prefecture
Kyoto
Coordinates: 35°0′42″N 135°46′6″E
Menua	Jipun
Kandang menua	Kansai
Prefektur	Prefektur Kyoto
Founded	794
Government
• Type	Tuai mengeri–kaunsil
• Body	Aum Nengeri Kyoto
• Tuai mengeri	Kōji Matsui
Pemesai
• Prefectural capital and Designated city	827.83 km2 (319.63 sq mi)
Highest elevation	971 m (3,186 ft)
Lowest elevation	9 m (30 ft)
Penyampau mensia  (October 1, 2020)
• Prefectural capital and Designated city	1,463,723
• Rank	9th in Japan
• Pemadat	1,800/km2 (4,600/sq mi)
• Metro	3,783,014
Time zone	UTC+9 (Jam Standard Jipun)
- Tree	Weeping Willow, Japanese Maple and Katsura
Website	city.kyoto.lg.jp

Kyoto (Jipun: 京都, Kyōto [kʲoꜜː.to] ), tauka nama rasmi iya Nengeri Kyoto (京都市, Kyōto-shi, [kʲoː.toꜜ.ɕi] ), nya indu nengeri Prefektur Kyoto ba kandang menua Kansai di pulau ke pemadu besai sereta mayuh mensia ba menua Jipun iya nya pulau Honshu. Naka taun 2020, nengeri tu ngundan pemayuh tubuh 1.46 juta iku, lalu nyadika nengeri tu nengeri kesemilan pemadu mayuh mensia di menua Jipun. Mayuh ari setengah (56.8%) penyampau tubuh Prefektur Kyoto diau ba kandang mengeri. Nengeri tu nyadi sauh budaya ungkup kandang menua Kyoto Besai, kandang menua statistik metropolitan (MSA) ti nyadi kandang endur diau ngagai 3.8 juta iku orang. Tu mega nyadi bagi ari kandang metropolitan Keihanshin ke besai agi, beserimbai enggau Osaka serata Kobe.

Kyoto nya siti ari kandang mengeri ke pemadu tuai ba Jipun, kala dipilih Raja Besai Kanmu dalam taun 794 nyadi penuduk baru kort imperial Jipun. Mengeri asal, ke benama Heian-kyō, ditusun nitihka feng shui tradisional China sejalai enggau model indu-indu nengeri China kelia iya nya Chang'an sereta Luoyang. Raja-raja besai Jipun merintah ari Kyoto dalam sebelas kurun nangkan ke maya nya nyentuk ngagai taun 1869. Endur tu nyadi endur sekeda penyadi penyadi baka Kandang maya Muromachi, Kandang maya Sengoku, enggau Perang Boshin, baka Perang Ōnin, insiden Honnō-ji, insiden Kinmon, enggau Pengelaban Toba–Fushimi. Indu nengeri udah nya dipindahka ari Kyoto ke Tokyo pengudah Pemulai Meiji. Kandang mengeri moden Kyoto ditumbuhka ba taun 1889. Nengeri tu enda dipangka lebuh Perang Dunya II lalu, ketegal nya, pesaka budaya sebedau perang nya agi diibun.

Kyoto dianggap indu nengeri budaya Jipun lalu nyadi palan bala temuai datai. Agensi Pekara Budaya perintah nasional beindu opis ba nengeri tu. Nengeri tu ngundan mayuh tepikung Buddha, kuil Shinto, istana enggau kebun, sekeda ari nya udah ditetapka begulai nyadi Palan Pesaka Dunya ulih UNESCO. Tanda menua ti tampak nyengkaum Istana Imperial Kyoto, Kiyomizu-dera, Kinkaku-ji, Ginkaku-ji, enggau Menara Kyoto. Kompeni main video ti tebilang ba renggat entarabansa Nintendo bepalan ba Kyoto. Kyoto mega nyadi palan pelajar tinggi di menua nya, lalu institusyen iya nyengkaum Universiti Kyoto, universiti kedua pemadu tuai di Jipun.