Kristen Michal
Kristen Michal | |
|---|---|
.jpg) Michal in 2024 | |
| Menteri Besai Estonia | |
| Megai pengawa 23 Julai 2024 | |
| Presiden | Alar Karis |
| Didulu | Kaja Kallas |
| Ketuai Parti Reformasyen Estonia | |
| Megai pengawa 8 September 2024 | |
| Didulu | Kaja Kallas |
| Menteri Iklim | |
| Megai pengawa 17 April 2023 – 23 Julai 2024 | |
| Menteri Besai | Kaja Kallas |
| Didulu | Madis Kallas |
| Diganti | Yoko Alender |
| Menteri Pekara Ekonomi enggau Infrastruktur | |
| Megai pengawa 9 April 2015 – 23 Nobember 2016 | |
| Menteri Besai | Taavi Rõivas |
| Didulu | Urve Palo |
| Diganti | Kadri Simson |
| Menteri Pengelurus | |
| Megai pengawa 6 April 2011 – 10 Disember 2012 | |
| Menteri Besai | Andrus Ansip |
| Didulu | Rein Lang |
| Diganti | Hanno Pevkur |
| Kaban Riigikogu | |
| Megai pengawa 12 Me 2004 – 17 April 2023 | |
| Penerang diri | |
| Ada | 12 Julai 1975 Tallinn, RSS Estonia, Serakup Soviet |
| Parti politik | Reformasyen (kenyau 1996) |
| Kaling | Evelin Oras |
| Anak | 3 |
| Alma mater | Universiti Nord |
Kristen Michal (Estonia: [ˈkristen ˈmihːɑl]; ada 12 Julai 1975) nya menteri besai Estonia, megai opis nya kenyau 23 Julai 2024. Kelia iya nyadi menteri pengelurus kenyau taun 2011 ngagai 2012, menteri pekara ekonomi enggau pengelurus kenyau taun 2015 ngagai 2016,[1] sereta menteri iklim kenyau taun 2023 nyentuk ke 2024.[2][3]
Pengidup tumu enggau pelajar
[edit | edit bunsu]Michal ada di Tallinn kena 12 Julai 1975.[4] Iya belajar undang-undang di Universiti Nord ba Tallinn lalu nembuka pelajar enggau bachelor degree kena taun 2009. Iya nyambung pelajar master dalam undang-undang di Universiti Tallinn kenyau taun 2009.[4]
Pengawa politik
[edit | edit bunsu]Lebuh nyadi kaban Parti Reformasyen Estonia, Michal begawa ba taun 1996–2002 nyadi penyanding penemu ungkup parti nya ba tikas ke bebida. Dalam taun 2002, iya nyadi penyanding penemu ungkup ex-Menteri Besai Siim Kallas. Michal begawa nyadi tuai pelilih menua administrasyen Kesklinn, Tallinn ba taun 2002–2003.[4] Ba taun 2003, iya dichiri nyadi sekretari besai Parti Reformasyen lalu megai pengawa tu nyentuk ke taun 2011. Michal dipilih nyadi kaban parlimen (Riigikogu) ba taun 2005–2011 lalu 2012–2015.[4]
Iya dichiri nyadi Menteri Pengelurus kena 6 April 2011,[5] nganti kaban Parti Reformasyen Rein Lang.
Kena Mei 2012, Michal napi penuduh ari Silver Meikar, siku kaban Parti Reformasyen lalu kaban Riigikogu ke suba, ti nuduh Parti Reformasyen nya udah nerima pemeri ari pun penatai ti enda tentu manah betaun-taun.[6] Kededua Michal enggau Menteri Besai Andrus Ansip nyangkal dawa tu. Pengari ari pemata GRECO anti-pemakai suap Kunsil Eropah ngelawa menua nya ba Jun 2012 kena nasat dawa tu.[6] Kena 31 Julai 2012, Opis Pendawa Raya Menua Estonia madahka Michal enggau Kalev Lillo, siku agi kaban Parti Reform, nyadi saspek dalam kes tu lalu seduai iya sama udah ditasat.[7] Michal dipansik ketegal dituduh ngubah duit enggau melanja parti enggau chara enda sah.[8][9] Kena 10 September 2012, hari keterubah aum parlimen, raban Parti Demokratik Sosial ngepunka proses petisyen minta Michal badu mangku pengawa nengah undi enda arapka iya.[10] Taja pia, petisyen enda mujur kena 19 September 2012 lebuh parti nya ngelengka proses nya.[11] Michal madahka enti iya deka ditemu salah, iya deka badu mangku pengawa iya.[10] Opis Pendawa Raya Menua Estonia nutup kes nya kena 15 Oktober 2012 enggau nadai tetemuka bukti salah.[12]
Timpuh Michal nyadi Menteri Pengelurus tembu kena 10 Disember 2012, lebuh iya badu mangku pengawa.[13] Iya diganti Hanno Pevkur dalam opis nya.[14] Kenyau 9 April 2015 nyentuk ke 23 Nobember 2016, Michal nyadi menteri pekara ekonomi enggau infrastruktur.
Menteri Besai Estonia (2024–kemaya tu)
[edit | edit bunsu]Kena 29 Jun 2024, Michal dipilih Parti Reformasyen Estonia kena nganti Kaja Kallas ba opis Menteri Besai Estonia, pengudah Kallas udah dichiri nyadi Pengari Tinggi EU ungkup Pekara Luar enggau Polisi Pengelikun.[15] Kabinet Kristen Michal megai opis nya kena 23 Julai 2024, pengudah 14 iku menteri ngangkat sumpah ba Riigikogu.[16]
Pengidup kediri empu
[edit | edit bunsu]Michal enggau kaling iya Evelin Oras, penyanding penemu politik, udah begulai kenyau ari tengan taun 2000-an. Seduai bisi tiga iku anak.[17]
Kereban sanding
[edit | edit bunsu]- ↑ "Minister of Economic Affairs and Infrastructure Kristen Michal". Archived from the original on 26 June 2015. Retrieved 25 June 2015.
- ↑ "Reformierakond avalikustas oma valitsusdelegatsiooni". Eesti Rahvusringhääling (in Estonia). 2023-04-08. Archived from the original on 9 April 2023. Retrieved 2023-04-08.
- ↑ "Riigikogu gives Kaja Kallas mandate to form new government". Eesti Rahvusringhääling (in Inggeris). 2023-04-12. Archived from the original on 7 June 2023. Retrieved 2023-04-12.
- ↑ 4.0 4.1 4.2 4.3 "Kristan Michal". Justice Ministry. Archived from the original on 8 Februari 2012. Retrieved 11 September 2012.
- ↑ "New Government assumes office". Government Communication Unit. 6 April 2011. Archived from the original on 7 June 2014. Retrieved 11 September 2012.
- ↑ 6.0 6.1 "European anti-corruption watchdog eyes Estonia". Tallinn: EU Business. 31 May 2012. Archived from the original on 5 June 2012. Retrieved 11 September 2012.
- ↑ Tere, Juhan (31 July 2012). "Estonian Prosecutor's Office declares Michal and Lillo suspects". Tallinn: The Baltic Course. Archived from the original on 6 June 2014. Retrieved 11 September 2012.
- ↑ "Estonian Justice Minister in Money Laundering Investigation". Tallinn: assist america. 31 July 2012. Archived from the original on 20 July 2014. Retrieved 12 September 2012.
- ↑ "Justice minister in probe" (PDF). Arab Times Online. 1 August 2012. Archived (PDF) from the original on 6 June 2014. Retrieved 12 September 2012.
- ↑ 10.0 10.1 "Social Democrats Pursue Vote of No Confidence in Minister". ERR News. 10 September 2012. Archived from the original on 14 September 2012. Retrieved 11 September 2012.
- ↑ "Petition for Vote of No Confidence Against Justice Minister Fails". ERR. 19 September 2012. Archived from the original on 23 September 2012. Retrieved 24 September 2012.
- ↑ Tere, Juhan (15 October 2012). "Estonian State Prosecutor's Office closes Reform Party criminal case". The Baltic Course. Tallinn. Archived from the original on 23 July 2024. Retrieved 15 October 2012.
- ↑ "Kristen Michal resigns as Minister of Justice". Baltic Business. 7 December 2012. Archived from the original on 4 March 2016. Retrieved 8 March 2013.
- ↑ "Estonia Reshuffles Government After Graft Scandal". IPOT News. 11 December 2012. Archived from the original on 14 July 2014. Retrieved 8 March 2013.
- ↑ "Estonia's ruling party taps climate minister for the Baltic country's top job". Associated Press. 29 June 2024. Archived from the original on 29 June 2024. Retrieved 29 June 2024.
- ↑ "Estonia's new government sworn in" (in Inggeris). ERR. 23 July 2024. Retrieved 23 July 2024.
- ↑ "Tegus ministeeriumi nõuniku karjäär ja kokkuhoidev perekond. Kes on tulevase peaministri Kristen Michali elukaaslane Evelin Oras?" (in Estonia). Kroonika. Retrieved 23 July 2024.
Laman web ke bukai
[edit | edit bunsu]
Media bekaul enggau Kristen Michal ba Wikimedia Commons
