Koloni Mahkota Sarawak
Koloni Mahkota Sarawak (1946–1963) Menua Sarawak (1963) | |||||||||
|---|---|---|---|---|---|---|---|---|---|
| 1946–1963 | |||||||||
| Anthem: God Save the King (1946–1952) God Save the Queen (1952–1963) Fair Land Sarawak (1946–1963) | |||||||||
 | |||||||||
| Status | Koloni | ||||||||
| Indu menua | Kuching | ||||||||
| Jaku ti suah dikena | Inggeris, Iban, Melanau, Bidayuh, Melayu Sarawak, China ekb. | ||||||||
| Raja | |||||||||
• 1946–1952 | George VI | ||||||||
• 1952–1963 | Elizabeth II | ||||||||
| Gabenor | |||||||||
• 1946–1949 | Charles Clarke | ||||||||
• 1960–1963 | Alexander Waddell | ||||||||
| Aum Kaunsil | Kunsil Negri | ||||||||
| Historical era | Imperialisme Baru | ||||||||
• Sarawak diserahka ngagai Koloni Mahkota | 1 Julai 1946[1][2] | ||||||||
| 22 Julai 1963 | |||||||||
| 16 September 1963 | |||||||||
| Mata duit | Dolar Sarawak, udah nya Dolar Malaya enggau Borneo British | ||||||||
| |||||||||
| Kemaya tu bagi ari | Malaysia | ||||||||
.svg)
.svg)
.svg)
Koloni Mahkota Sarawak tu koloni mahkota British dalam pulau Borneo, ditumbuhka kena 1946,enda lama pengudah Administrasyen Soldadu British dibuai. Iya diganti nyadi nengeri Sarawak nengah penumbuh Federasyen Malaysia kena 16 September 1963.
Sejarah
[edit | edit bunsu]Penyerah
[edit | edit bunsu]Udah tembu Jipun nguasa menua Sarawak kena 11 September 1945, Administrasyen Soldadu British ngengkahka John Fitzpatrick nguasa Sarawak sebedau nyerahka iya pulai ngagai Rajah . Charles Vyner Brooke seven months later on 15 April 1946.[3] Charles Vyner Brooke datai di Sarawak kena 15 April 1946 nerima pengawa nyerahka pengawa nya. Iya diterima enggau manah ari peranak Sarawak. Sekumbang dipegai Jipun, Sarawak udah napi pengerugi sepenyampau 23 juta dolar[mata duit ni?] (enda nyengkaum 57 juta pengerugi kompeni minyak Sarawak) ketegal pengerusak telaga minyak, padang bilun, enggau kebun getah. Vyner Brooke nemu iya nadai chukup pemisi dikena ngemansangka menua Sarawak. Iya mega nadai waris lelaki ti deka bempu pangku pengawa Rajah Putih lalu nadai pengarap ati ngagai pengulih menyadi iya Bertram Brooke enggau anak Bertram iya nya Anthony Brooke merintah menua Sarawak. Vyner Brooke ngarapka nengah penyerah Sarawak nyadi koloni British Crown, British ulih ngaga baru infrastruktur Sarawak sereta ngemansangka ekonomi pengudah perang. Berita nyerahka menua Sarawak tebantai kena 8 Februari 1946; bisi timbal ti bechampur ari rayat Sarawak. Komuniti Iban, China, enggau Melanau nerima berita nya enggau positif. Taja pia, majoriti bansa Melayu mantah pengawa nyerahka menua Sarawak ngagai perintah British. Pengari ari menua Britain bejalaika pansik ba raban bansa di Sarawak bekaul enggau isu nyerahka tanah. Kena 10 Me 1946, siti ripot ditusun lalu dianjung ngagai Opis Kolonial di London, ti nyengkaum utai ti di baruh tu:[4]
... bisi penemu ti chukup setuju tauka manah dalam menua nya sechara keseluruhan dikena meri kebuah pasal tanya pasal pengawa nyerahka tanah ti dibai ngagai Kaunsil Negri Sarawak, lalu sida bebendar ngansak ngambika nadai pengawa nangguhka pengawa nya.
Nitihka ABC Radio Melbourne, Rajah Charles Vyner Brooke deka nerima £1 juta nyadika pampas ketegal pengawa nyerahka menua Sarawak. Tu meri peragam ti ngumbai Vyner nguji deka nyual Sarawak dikena ngulihka penguntung ke diri empu – bebida enggau konstitusyen Sarawak dalam taun 1941 ti madahka Sarawak deka nuju ngagai atur merintah diri ari baruh iring Brooke. Konstitusyen nya enda dipejalaika ketegal Sarawak dijajah Jipun. Perambu nyerahka menua nya mega dikritik surat berita Melayu menua nya, Utusan Sarawak, ketegal British udah enda mujur nyaga Sarawak ari penyerang Jipun dalam taun 1942, semina deka nguji nuntut Sarawak pengudah perang. Kelimpah ari nya, British semina deka ngemendarka duit injau belanja dikena ngaga baru Sarawak lebuh Sarawak diserahka nyadi koloni Mahkota. Enggau nya pengawa British ti minta Sarawak nya dipeda nyadika sebengkah pengawa ti deka ngulihka pengeraja asal menua Sarawak ke penguntung ekonomi sida empu. Kelimpah ari nya, Opis Kolonial British mega udah nguji ngempung Malaya British, Negeri-Negeri Selat, Borneo Utara British, Brunei, enggau Sarawak nyadi siti unit administrasyen. Ari taun 1870 nyentuk ngagai taun 1917, British udah nguji masuk champur dalam pekara dalam menua Sarawak, tang pekara tu disambut enggau bantah ti tegap ari Rajah Charles Brooke. British mega nguji ngachau isu penurun Anthony Brooke dalam taun 1940, lalu dalam taun 1941 udah ngansak Vyner Brooke nyain sempekat endur ngengkahka penyanding penemu British di Sarawak laban nangika pengaruh Jipun di Asia Tenggara. British mega nyadi bejimat madahka Australia bisi ati deka ngambi alih pentadbiran sedadu Sarawak. Berindik ari nya, perintah British bisi ati deka nguasa Sarawak sebedau orang Australia.[4] British benung dalam gaya belanja ti balat sepengudah perang lalu deka begunaka perengka guna ari Sarawak dikena ngaga baru ekonomi sepengudah perang sereta mayar duit injau perang. Kena 6 Februari 1946, penerang rasmi ungkup pengawa ngambi Sarawak diberi Dewan Rayat British, madahka British deka begunaka tanggungpengawa tambah dikena bejalaika pengawa iya ari baruh sempekat protektorat 1888 ungkup Sarawak, 1941 sempekat pasal tanggung pengawa nitihka jaku lalau pengari British ba pengawa ngetan, pengawa luar, enggau status peranak menua luar, enggau Charter GBB.[5]
Kenyau 15 ngagai 17 Me 1946, rang undang-undang nyerahka tanah dipejuraika ba Kaunsil Negri (diatu Aum Kunsil Negeri Sarawak) lalu dikemendarka nengah 19 ngagai 16 undi. Bala pemesai Eropah endang nyukung pengawa nyerahka menua nya, tang bala pemesai Melayu balat mantah pengawa nyerahka menua nya. Urung 300 ngagai 400 iku pengereja pengawa perintah Melayu ningkilka diri ari pangku pengawa sida laban mantah. Tanya udah dibantaika pasal sah pengawa ngundi ti baka nya ba Kaunsil Negri. Orang luar baka pemesai Eropah ngambi bagi ba pengawa ngundi ti mutuska nasit menua Sarawak. Sekeda pengari China dikemelika enggau nyawa sida enti sida enda ngundi nyukung pengawa nyerahka tanah nya.[4] Rang undang-undang nyerahka tanah nya udah disain kena 18 Me 1946 ulih Rajah Charles Vyner Brooke enggau pengari British, C.W. Dawson, ba Astana, Kuching; pengawa nyerahka Sarawak nyadi koloni Mahkota British berengkah dikena kena 1 Julai 1946.[3] Ba hari ke sama, Rajah Charles Vyner Brooke bisi meri jaku pasal penguntung ungkup Sarawak nyadi koloni Mahkota:[4]
... Taja pia aku ngambi pemutus tu laban aku nemu nya ungkup pemaik rayat Sarawak lalu dalam penyarut dunya moden sida deka bulih penguntung ti besai ari peneleba, pengering enggau penemu Perintah British.
— diriputka The Sarawak Gazette, 2 Julai 1947, l. 118.
Gabenor keterubah enda datai nyentuk ngagai 29 Oktober 1946. Sarawak nyadi koloni Mahkota British pengelama 17 taun sebedau enggau penumbuh Malaysia.[3]
Kereban sanding
[edit | edit bunsu]- ↑ "Sarawak as a British Crown Colony (1946–1963)". Sarawak State Government. Archived from the original on 4 August 2017. Retrieved 4 August 2017.
- ↑ Walter Yust (1947). Ten eventful years: a record of events of the years preceding, including and following World War II, 1937 through 1946. Encyclopaedia Britannica. p. 382.
- ↑ 3.0 3.1 3.2 Alexander, Gordon Crocker (2002). "The economic history of Sarawak during the colonial period (1946–1963)" (PDF). UNIMAS. Faculty of Economics and Business – Universiti Malaysia Sarawak. Archived from the original (PDF) on 10 February 2018. Retrieved 10 February 2018.
- ↑ 4.0 4.1 4.2 4.3 Ho, Hui Ling (2001). "Penyerahan Sarawak Kepada Kerajaan British, 1946–1951 (Cession of Sarawak to the British, 1946 to 1951)" (PDF). Persatuan Sejarah Malaysia (Malaysian Historical Society). 9 (4): 43–73. Archived from the original (PDF) on 17 May 2017. Retrieved 14 March 2018.
- ↑ Porritt, Vernon L (1994). British colonial rule in Sarawak, 1946–1963 (Doctor of Philosophy for School of Social Sciences thesis). Murdoch University.