Pegi ngagai isi

Ketupat

Ari Wikipedia
Ketupat
Ketupat ba atas chapak
CoursePemakai batang
PenataiAsia Tenggara[1]
MenuaJawa,[2] Sumatera,[3] Semenanjung Tanah Melayu, Borneo, Sulawesi, Bali
Pengangat pemakaiAngat tauka suam
Utai dikenaNasi ti disumai dalam kantung ti digaga ari daun nyiur muda ti dianyam
Food energy
(per serving)
93 kcal (389 kJ)[4]

Ketupat nya sebansa pemakai asal ti digaga ari berau ti disumai dalam kantung daun nyiur. Pemakai tu tau ditemu di serata Asia Tenggara, kelebih agi Indonesia, Malaysia, Brunei, Singapura, Timor Leste enggau selatan Thailand. Ketupat suah dipantaika enggau engkayu baka rendang, gulai, opor tauka kuah kachang lalu bisi dalam pengerami.

Pemakai tu dikelala enggau mayuh macham nama, baka kupat (jaku Jawa enggau Sunda), tipat (jaku Bali), katupat (jaku Banjar), katupa (jaku Tetum), katupa’ (jaku Makkasar), topat (jaku Sasak) enggau katupek (jaku Minangkabau).[5] Pemakai ke sebaka tau ditemu urung kandang menua Austronesia, baka patupat enggau puso di Filipina pia mega katupat ba pulau-pulau Pasifik, kelebih agi di Guam.

Kelimpah ari pengawa nyadi pemakai batang enggau pengerami, ketupat mai reti simbolik enggau ritual ke dalam di serata pelilih menua. Iya pemadu rat bekaul enggau pengerami Islam iya nya Aidilfitri, maya nya iya suah disediaka enggau mayuh lalu dikunsi entara diri sebilik, orang ke berimbai pendiau enggau temuai. Ngelui ari adat orang Islam, ketupat mega bisi dalam pemeri piring pengarap Hindu Bali, pengawa ngeraika orang asal enggau ritus bemusim ti nanda pengawa ngetau sereta bebasaka aki ini. Iya bejalaika tanggungpengawa dalam mayuh macham sistem pengarap, nyengkaum pengarap Kristian enggau mayuh macham pengawa rohani asal.

Bisi beleman ketupat nitihka kandang menua, bisi bida dalam asi dikena, daun dikena ngaga kantung, chara nyediaka enggau lauk ti nyempulang. Tu nyengkaum ketupat palas ti betukuh segi tiga, katupa ti ngena daun pandan, alkaline-boiled ketupat landan enggau ketupat jembut ti ngundan sayur. Ketupat mega dipandangka nyadi ramu tengah dalam mayuh macham pemakai asal tu baka Ketoprak, kupat tahu, ketupat sotong enggau ketupat kandangan.

Sejarah

[edit | edit bunsu]

Adat nyumai asi ngena daun

[edit | edit bunsu]
Patupat, kue pulut asal utara Filipina, bagi ari adat manduk raban-raban bansa Austronesia ti mega sebaka enggau katupat (Guam) sereta ketupat (Pulau-pulau Asia Tenggara)

Penatai ketupat ti engkeman nadai ditulis, lalu nadai bukti ti tegap bekaul alai tauka maya pemakai tu keterubah iya digaga.[6] Dalam sekeda jaku-jaku Austronesia, leka jaku kupat dikumbai datai ari leka jaku epat, ti mai reti "empat", dipelaba kena nerangka kantung segi empat pemakai tu. Kaul linguistik tu nunjukka konsep mungkus padi ngena daun engka udah mansang ba mayuh bengkah pelilih menua tauka dikunsi nengah pengawa besilih budaya dalam kandang menua ti ngena jaku-jaku Austronesia. Pengawa ti mayuh ngena leka jaku enggau chara nyediaka ti sebaka ngayanka pesaka budaya ti sama ke alai padi enggau bungkus daun megai pemerat praktikal enggau simbolik.[7]

Di Filipina, kue pulut ti bekantung daun bisi dalam bemacham tukuh ti ngayanka tradisyen budaya enggau ramu menua tu. Di kandang menua utara Ilocos, leman ke dikumbai patupat dipantaika lebuh musin ngetau tebu. Dikelas nyadi sebansa suman, patupat bisi penyelai ketegal ngena kantung daun engkerema ti ditenun enggau rumit ti diisi enggau pulut (malagkit) ke enda direndam, ti direbus dalam ai tebu ti baru dipansutka. Pengudah iya mansau, kantung nya digantung ngambika parit ba atas periuk endur nyumai. Ai ke nias enggau gula nya ukai semina meri asai manis tang mega nyadi pengawet semulajadi, ngasuh patupat ulih disimpan pengelama beberapa hari.[8]

Jauh ke timur, di Pulau-pulau Mariana, bansa Chamorro nyendika katupat, kantung asi betukuh empat egi ari daun nyiur lalu direbus nyentukka padat. Bukti arkeologi enggau linguistik nunjukka kededua pengawa bumai enggau pengaga katupat udah bisi sebedau kandang menua nya dipegai Sepanyol dalam kurun ketujuh belas.[9][10] Nyau deka sebaka enggau ketupat, tradisyen tu ngayanka pun Austronesia ti dalam ba pengawa padi ti dibalut daun. Rekod Sepanyol ke dulu suba mega ngayanka pengelandik jari indu bansa Chamorro dalam nganyam daun nyiur nyadi perengka iyas enggau perengka ulih dikena, nyengkaum kantung katupat.[11][12]

Kelimpah ari nyadi pemakai, katupat mega bisi reti dalam ritaul sereta adat. Dalam adat Chamorro, Laso Fu’a, batu di Teluk Fouha, dianggap nyadi buai utai ti ditempa ungkup orang Pulau Mariana, lalu dalam sekeda cherita, ungkup semua mensia. Raban bansa Chamorro udah berengkah pulai ngagai palan kudus tu ngambika ulih meri sampi enggau pemeri, nyengkaum katupat, nyadika tanda basa sereta minta pemendar tama Guam.[10]

Pengerami ritual

[edit | edit bunsu]
Ketupat ngayanka tradisyen kulinari ti udah beakar dalam ti dikunsi ba serata Asia Tenggara sereta dunya Austronesia.

Bukti betulis tumu pasal pemakai ti bepelasarka berau ti dibalut daun ba Pulau-pulau Asia Tenggara bisi ayan dalam rikut pejalai sami Buddha China Yijing, ti bisi ngabas kandang menua Srivijaya kena kurun ketujuh. Dalam cherita iya pasal “pulau-pulau Tasik Selatan”, nyangka nunjukka sekeda endur ba Kepulauan Asia Tenggara, Yijing nerangka pengerami biara maya hari pasa ke alai tuai nyendiaka asi enggau kue asi on large plates made by sewing leaves together. Chapak daun tu kekadang sebaka pemesai enggau setengah tikar lalu ulih ngundan pemakai ti gerah jari. Temuai diberi mayuh macham bansa lauk, enggau beras rebus sereta kek suah dibagi dalam penyampau ke chukup besai dikena ngemuaska beberapa iku orang, ti ngayanka tradisyen makai begulai ke tegap.[13]

Yijing beratika pengawa tu ngerembai ngagai ruang bilik elit enggau ruang bilik biasa, enggau pemeri ti digaga ngagai sami Buddha dalam periuk ti digaga ari gangsa tauka daun ti dijait, bepanggai ba status sosial. Pengawa ngena kontena bepelasarka daun enggau kue berau ti mayuh ba endur pengarap enggau komunal ngayanka pengawa lama mungkus daun enggau nyendiaka beras dalam budaya pemakai pelilih menua tu.[14]

Kupatay, kupat enggau adat sebedau Islam ba Jawa pengudah nerima Islam

[edit | edit bunsu]
Sebengkah pemeri ritual orang Jawa (sajen) ti ngundan ketupat sereta elemen ke bukai

Di Jawa kelia, pengawa nyendiaka kuih berau ti dibalut daun anyam megai reti budaya enggau ritual dalam tradisyen betanam betupi sebedau Islam.[6] Dalam genturung orang Jawa, beras ukai semina nyadika pemakai tang mega nyadika lambang kudus pengidup enggau pengelantang, bekaul rat enggau pengawa nyembah Dewi Sri, petara indu padi Jawa ti meri pengaya enggau pemayuh utai. Piring pulut ke dibalut daun dipelabaka dikena dalam ritual ke diungkupka ngagai Dewi Sri, meri terima kasih ketegal pemujur ngetau.[15][16] Pengawa tu ngayanka gaya ke lebih luas ba serata raban bansa Austronesia, ke alai kue pulut ke dibalut daun nyadika tuju praktikal enggau pengerami.

Taja leka jaku ketupat nadai ba sebarang batu besurat kelia, sumber litericha Jaku Jawa Lama mantaika bisi tradisyen ti bekaul. Kakawin Ramayana, jerita lama Jawa ti ditulis kena kurun kesemilan lebuh jeman perintah Mataram, ngundan sebut pasal kue pulut ti disebut kupatay, nandaka pengawa mungkus padi ngena daun anyam endang udah ditumbuhka ba menua Jawa. Leka jaku kupat mega bisi ayan ba kereja ke dudi, nyengkaum Kakawin Kresnayana (kurun ke-12, Perintah Kediri), Kakawin Subadra Wiwaha enggau Kidung Sri Tanjung (kurun ke-14 ngagai ke-15, jeman Majapahit). Referens tu nunjukka kuih beras ke dibalut daun nyadi elemen lama budaya Jawa sebedau pengarap Hindu, Buddha enggau Islam diterima mayuh, lalu ketupat nyangka berevolusyen ari pengawa kulinari enggau ritual Austronesia ke lama agi.[17]

Pengudah penatai Islam, kue berau ti bekantung daun nyadi bagi ari pengerami Islam, kelebih agi Aidilfitri. Dalam budaya Jawa, kupat dikaitka enggau pengerami nengah frasa laku papat, ti nunjukka empat pengawa kunsi pengerami nya: lebaran (pengudah bepasa), luberan (rami), leburan (muai dosa) enggau laburan. Seraya, ngaku lepat, reti ngaku penyalah diri ngagai orang bukai.[18] Tu mandangka baka ni pengawa kulinari enggau ritual sebedau Islam diubah nitihka konteks pengarap baru seraya ngetanka reti simbolik.

Ketupat dalam sumber Melayu

[edit | edit bunsu]
Lambar pemuka Hikayat Inderaputera, teks Melayu kurun ke-16 ti nyengkaum guna leka jaku ti pemadu tumu dirikut ketupat

Sebut keterubah ketupat dalam dunya Melayu bisi ayan ba sumber menua luar enggau dalam menua tu ti datai ari timpuh Kesultanan Melayu Melaka. Leka jaku China–Melayu ditusun entara taun 1403 enggau 1511 nyengkaum leka jaku tu pa, ngenang pasal kue pulut ti disumai dalam kantung engkerema tauka daun nyiur ti ditenun. Tu nunjukka lauk ti bepelasarka beras baka nya endang udah nyadi sebagi ari adat pemakai Melayu ba pun abad ke-15, ngayanka chara pemakai Austronesia ti lebih luas.[19]

Dalam litericha, leka jaku ketupat keterubah iya dirikut dalam Hikayat Inderaputera kurun ke-16, jerita romantik istana ti nyengkaum ketupat entara elemen budaya pengidup bangsawan. Sumber-sumber tu nunjukka ketupat udah nyadi sebagi ari pemakai ninting hari enggau ekspresyen budaya di dunya Melayu maya niang Kesultanan Melaka enggau pun jeman pengudah Melaka.[20][21]

Kereban sanding

[edit | edit bunsu]
  1. ↑ Rianti, Angelina; Novenia, Agnes E.; Christopher, Alvin; Lestari, Devi; Parassih, Elfa K. (March 2018). "Ketupat as traditional food of Indonesian culture". Journal of Ethnic Foods. 5 (1): 4–9. doi:10.1016/j.jef.2018.01.001.
  2. ↑ "Ketupat di Medan: Sejarah, Makna dan Kuliner Khasnya" (in Indonesian). Retrieved 2 August 2025.{{cite web}}: CS1 maint: unrecognized language (link)
  3. ↑ "Calories in indonesian food ketupat sayur". My Fitness Pal. Archived from the original on 3 June 2019. Retrieved 2 July 2015.
  4. ↑ "Ketupat Makanan Di Hari Raya" (in Indonesian). Retrieved 2 August 2025.{{cite web}}: CS1 maint: unrecognized language (link)
  5. ↑ 6.0 6.1 "Asal-usul Ketupat, Ciri Khas Saat Lebaran" (in Indonesian). 5 April 2023. Retrieved 15 June 2025.{{cite web}}: CS1 maint: unrecognized language (link)
  6. ↑ "Makna di Balik Ketupat yang Berbentuk Persegi Empat" (in Indonesian). 1 June 2019. Retrieved 23 July 2025.{{cite web}}: CS1 maint: unrecognized language (link)
  7. ↑ "Here's How a Humble Roadside Shop Makes Patupat". Retrieved 23 July 2025.
  8. ↑ "Weaving coconut leaves into a katupat or rice pouch". 23 March 2025. Retrieved 23 July 2025.
  9. ↑ 10.0 10.1 "Fouha Bay: Cradle of Creation". 29 September 2009. Retrieved 23 July 2025.
  10. ↑ Cunningham, Lawrence J. (1992). Ancient Chamorro Society. Bess Press. p. 140. ISBN 9781880188057.
  11. ↑ Hunter-Anderson, Rosalind; Thompson, Gillian B.; Moore, Darlene R. (1995). "Rice As a Prehistoric Valuable in the Mariana Islands, Micronesia". Asian Perspectives. 34 (1): 69–89. JSTOR 42928340.
  12. ↑ "A Record of the Buddhist Religion as Practised in India and the Malay Archipelago (A.D. 671-695)". 1896. Retrieved 23 July 2025.
  13. ↑ "Ini kehebatan Ketupat, sejarah dan fungsinya yang ramai orang tidak tahu" (in Malay). Retrieved 23 July 2025.{{cite web}}: CS1 maint: unrecognized language (link)
  14. ↑ Setiawan, Sigit (2 May 2022). "Akulturasi Budaya Jawa dengan Islam Melalui Ketupat". IDN Times (in Indonesia). Retrieved 2023-06-29.
  15. ↑ Jay Akbar (11 August 2010). "Mengunyah Sejarah Ketupat" (in Indonesia). Historia. Retrieved 1 July 2013.
  16. ↑ Pitaloka, Dyah Ayu (25 June 2017). "Ketupat: Jejak panjang dan filosofi di baliknya". rappler.com (in Indonesian). Retrieved 23 April 2024.{{cite web}}: CS1 maint: unrecognized language (link)
  17. ↑ Apriyono, Ahmad (27 April 2022). "Makna Filosofis Ketupat Lebaran, Antara 'Ngaku Lepat' dan 'Laku Papat'". liputan6.com (in Indonesia). Archived from the original on 25 August 2025. Retrieved 25 August 2025.
  18. ↑ Edwards, E. D.; Blagden, C. O. (1931). "A Chinese Vocabulary of Malacca Malay Words and Phrases Collected between A. D. 1403 and 1511". Bulletin of the School of Oriental Studies, University of London. 6 (3): 715–749. doi:10.1017/S0041977X00093204. JSTOR 607205. Retrieved 23 July 2025.
  19. ↑ Hikayat Indraputra A Malay Romance. BRILL. 2024. ISBN 978-90-04-64432-8. Retrieved 23 July 2025.
  20. ↑ "Soother of sorrows or seducer of morals? The Malay Hikayat Inderaputera". 2015. Retrieved 23 July 2025.
Diambi ari "https://iba.wikipedia.org/w/index.php?title=Ketupat&oldid=18300"