Pegi ngagai isi

Kateryna Bilokur

Ari Wikipedia
Kateryna Bilokur
Катерина Бiлокур
Patung Bilokur ba Bohdanivka, Boryspil Raion, Oblas Kyiv
AdaDecember 7 [O.S. November 24] 1900
Bohdanivka, Gabenorat Poltava, Empayar Rusia
Haribulan
pemarai		9 Jun 1961(1961-06-09) (umur 60)
Bohdanivka Yahotyn Raion, Oblas Kyiv, SSR Ukraine
PeranakUkraine
AnugerahArtis Rayat Ukraine

Kateryna Vasylivna Bilokur (Jaku Ukraine: Катерина Василівна Білокур; December 7 [O.S. November 24] 1900 – 9 Jun 1961)[1] iya nya siku artis rayat Ukraine, pelukis enggau pemantun ke ada ba Gabenorat Poltava. Pengudah pemungkal ti enda manah, asil iya dikelala ba ujung taun 1930-an enggau 1940-an ketegal pengerindu sida ba rampa menua. Lukis iya udah tebilang ketegal ngayanka pengidup orang bumai ba raban indu Ukraine.[2] Kelebih agi bungai Bilokur ti digaga ngena minyak ba kanvas ti mai pengangkun ngagai iya, enggau bala kritikus beratika, "iya meda semengat bungai."[3]

Bilokur dipilih nyadi Artis Rayat Ukraine dalam taun 1951.[4] Mayuh bengkah bunsu ngeripotka legenda popular ti madahka Pablo Picasso meda asil Bilokur dipandangka di Paris lalu meri komen, "enti kami bisi artis ba tikas tu, kami deka ngasuh serata dunya bejaku pasal iya."[5][6]

Biografi

[edit | edit bunsu]

Iya ada kena 24 November (7 Disember) 1900 ba kampung Bohdanivka.

Maya iya umur 6 tauka 7 taun, Bilokur belajar macha. Sida sebilik mutus ati enda nganjung iya besekula, ngambika ulih ngelimatka duit meli kasut enggau gari. Iya berengkah dero ari umur ke agi biak, taja pan apai indai iya enda rindu meda hobi tu lalu enggai ngemendarka iya ngereja pengawa nya. Bilokur terus dero enggau chara belalai, ngena kain buruk lama enggau arang batu.

"Aku enchuri selimpir kanvas putih ari indai aku lalu ngambi selimpir arang batu... Aku deka ngambar utai ba sepiak kain buruk nya, udah nya aku ngelantangka diri enggau utai ti ditempa aku, udah nya aku ngambar utai ba sepiak bukai... Lalu tu sekali tu... Aku ukai ngambar utai ti dipeda aku, tang lebih agi sekeda burung ti diasaika aku ulih ngasuh aku gaga ati... Lantang ati aku ketegal utai ke aku ulih gaga! Aku berengkah ngambar, lalu ketawa baka orang gila... Nya meh maya apai indai aku tetemuka aku. Sida ngarik utai lukis aku lalu nunu nya ba penunu... Nama pengawa nuan? Nama penyadi enti orang bukai meda nuan ngereja utai tu? Nama sitan deka setuju jadi enggau nuan udah tu ila!.. " Tang dini-dini endur aku bejalai, nama utai ti dikereja aku - aku bisi imej dalam aku ti semina patut digambar aku, iya nitihka aku...Aku pedis ati enggau Alam, iya kasar ngagai aku, enggau meri aku pengerindu ti besai tu ba lukis kudus, lalu udah nya ngambi sebarang peluang dikena nempa pengawa ti nyelai tu ngagai selampur takat ti luas ari bakat aku!"[7]

Timpuh kreatif

[edit | edit bunsu]
Pendam Bilokur ba Bohdanivka

Ba musin bungai taun 1940, Bilokur ninga ba radio lagu ti dikumbai "Or was I nit the viburnum on the meadow", ti dibantaika Oksana Petrusenko. Lagu nya balat ngasuh Bilokur tekenyit ati nyentukka iya nulis surat ngagai penanyi nya, lalu nyelitka gambar viburnum ba atas kanvas. Mayuh tetarit ati enggau lukis nya penyanyi nya, pengudah berunding enggau bala bakih iya Vasyl Kasiyan enggau Pavlo Tychina, lalu ngaga kaul enggau Palan Seni Rayat. Enda lama udah nya, bisi perintah diterima di Poltava - mansang ngagai kampung Bohdanivka, ngiga Bilokur, lalu nanya pasal pengawa iya.[8]

Volodymyr Khitko, maya nya nyadi tuai kaunsil seni enggau chara Rumah Seni Rayat pelilih menua, datai nemuai ngagai Bohdanivka. Iya mandangka sekeda lukis Kateryna Bilokur di Poltava ngagai artis Matvey Dontsov. Dalam taun 1940 pengawa pemandang 11 iti lukisan Bilokur dibuka ba Rumah Seni Rayat di Poltava. Pengawa pemandang nya mujur bendar lalu artis nya diberi anugerah enggau pejalai ngagai Moscow. Disempulang Volodymyr Khitko, iya nemuai ngagai Galeri Tretyakov enggau Muzium Pushkin.

Bilokur jampat dikelala nyadi artis rayat ke diasaika ketuai Parti Komunis nangkap “realisme sosialis” tang pengawa Bilokur tebilang ketegal ngetanka identiti kandang menua Ukraine. Dalam taun 1944, Vasyl Nahai, pengarah Muzium Negeri Seni Iyas Rayat Ukraine, nemuai ngagai Bohdanivka lalu ngulihka mayuh bengkah lukisan ari Bilokur. Ketegal pengawa meli tu mih Muzium Seni Iyas Rayat Ukraine ngembuan koleksyen asil Bilokur ke pemadu manah. Dalam taun 1947 Bilokur bisi diberi peluang ngaga lukis sebaka enggau Stalin, tang iya enggai.

Dalam taun 1949, Bilokur nyadi kaban Gerempung Artis Ukraine. Dalam taun 1950-an Bilokur deka ngemansangka teknik chura ai iya ti nyelai.[9]

Dalam taun 1951, iya diberi "Kelai Basa" lalu nerima gelar Pengereja Pengawa Seni Dipebasa SSR Ukraine. Dalam taun 1954, Tiga iti lukisan Bilokur - "Tsar Kolos", "Birch", enggau "Bidang Kolkhoz" - dipasukka dalam eksposyen seni Soviet ba Pemandang Entarabansa di Paris). Dipadahka asil-asil nya dipeda Pablo Picasso, ti bejaku pasal Bilokur baka tu: “Enti kami bisi artis tikas tu, kami tentu ngasuh serata dunya bejaku pasal iya!”.[10][11] Bilokour deka nyain lukis iya enggau tulis: ‘Kateryna Bilokur dilukis ari alam’ tang, piak bekuasa Soviet dalam pemansut Negeri nyain lukis iya nyadi ‘asil siku pengereja pengawa ladang kolektif ari kampung Bohdanivka’[12]

Dalam taun 1956, Bilokur nerima gelar “Artis Rayat” SSR Ukraine.[13] Ba taun-taun ke udah, asil Bilokur seruran dipandangka ba pengawa pemandang di Poltava, Kyiv, Moscow enggau mengeri bukai. Bilokur nadai kala disediaka pasport dikena bejalai. Bala bakih iya deka minta ngagai bala ketuai Parti Komunis ngambika iya dikemendarka pindah ngagai Kyiv, tang pengawa nya enda diterima.

Nyau kelama, Bilokur bulih kaul enggau bala artis sereta kritikus seni ti mereti sereta bebasaka iya. Iya betemu enggau seduai iya empu lalu betulis surat enggau seduai iya nengah pos. Bepelasarka koleksyen surat Bilokur, entara kaban pen iya nya pemantun Pavel Tychina enggau bini iya Lydia Petrovna, kritikus seni Stefan Taranushenko, direktor Muzium Seni Iyas Rayat Ukraine, Vasily Nagai, artis Elena Kulchitskaya, Matvey Don. Ba Bogdanivka, iya berengkah meri ajar seni; entara nembiak iya nya Olga Binchuk, Tamara Ganzha, enggau Anna Samarskaya.[14]

Lukis

[edit | edit bunsu]

Mayuh lukis Kateryna Bilokur nya bungai. Iya suah deka begulaika elemen musin bungai enggau musin gugur dalam lukisan iya, lalu gambar ti baka nya digambar ari musin bungai ngagai musin gugur. Ambika chunto, enam igi bungai dahlia dalam lukisan "Ladang ladang kolektif" dilukis dalam timpuh tiga minggu. Iya enggai ngechat. Ku iya, "Bungai, baka mensia, idup, bisi semengat! Lalu bungai ti charik nya ukai agi bungai,".

Dalam taun 1950-an, Bilokur nguji keterubah iya ngaga lukis ngena chura ai. Karya iya ke pemadu manah maya nya - “Kampung Bohdanivka dalam bulan September”, “Di Luar Kampung” (1956), “Awal Musin Bungai” (1958), “Musin Gugur” (1960) – ditanda enggau ekspresyen emosi ti nyelai. Ba taun-taun kepenudi pengidup iya, ti ditanda enggau penyakit ti balat, Bilokur ngaga mayuh bengkah kanvas ti tebilang: “Daisies” (1958), “Peonies” (1958), “Epal Bohdaniv” (1959), “Bundle of Flowers” (1960) enggau ke bukai.[15]

Pemeri basa

[edit | edit bunsu]

Kena 7 Disember 2020, Google ngintu hari pengada iya ke-120 enggau Google Doodle.[16]

Kena bulan November 2024, siti kawah ba planet Merkuri diberi nama dikena meri basa ngagai iya.[17]

Penyanding

[edit | edit bunsu]
  1. ↑ "Kateryna Bilokur: Biographical sketch – Ukrainian Art Library". en.uartlib.org (in Inggeris AS). 22 January 2015. Retrieved 2017-10-21.
  2. ↑ Hryshchenko, O. V. (2019). "ART-TECHNOLOGY OF KATERYNA BILOKUR: WRITING TO REMEMBER (ON THE MATERIAL OF THE NOVEL V. YAVORIVSKY "SELF-PORTRAIT FROM IMAGINATION")". Lviv Philological Journal. 5: 42–47. doi:10.32447/2663-340x-2019-5-7. ISSN 2663-340X.
  3. ↑ Штогрін (Shtohrin), Ірина (Iryna) (2021-06-11). ""Була, щоб залишитися у квітах": до дня пам'яті Катерини Білокур". Радіо Свобода (in Ukraine). Retrieved 2025-01-16.
  4. ↑ Чубіна, Т. Д., & Федоренко, Я. А. (Chubina, T.D. & Fedorenko, Ya.A., 2023). The period of the Krushshov 'thaw' brought rural artists further possibilities of self-realisation of their creative personality.
  5. ↑ "Буйна". Club-tourist (in Inggeris AS). Retrieved 2019-12-07.
  6. ↑ "All Books Reviewed by the Palimpsest Editorial Collective". Palimpsest: A Journal on Women, Gender, and the Black International. 5 (1): 89–90. 2016. doi:10.1353/pal.2016.0005. ISSN 2165-1612.
  7. ↑ "Украинская Библия - Matthew 7". godrules.net.
  8. ↑ Bondar, Andriy (November 25, 2024). "Kateryna Bilokur, the Genial Self-Taught Painter Who Loved Flowers More Than Life". Kyiv Post. Retrieved 2025-01-16.
  9. ↑ Levytska, O. (2023). Self-Portrait Against the Backdrop of Violent Age: Kateryna Bilokur in the Discourse of Letters, Art, and Memories. Studia Polsko-Ukraińskie, 10, 165-181.
  10. ↑ "Kateryna Bilokur". Google Arts & Culture (in Inggeris). Retrieved 2025-01-16.
  11. ↑ "Women in Ukrainian Art: from Maria Prymachenko to Yelyzaveta Myronova". advisory.artcult.org.ua (in Inggeris British). Retrieved 2025-01-16.
  12. ↑ О.В, Кульбабська (2017-08-04). "Катерина Білокур. Квітка-душа: "Віруєш, малюючи картину, в рід людський і в людяність людини"". ЧНУ. Професор Кульбабська О.В. — персональний сайт науковця (in Ukraine). Retrieved 2025-01-17.
  13. ↑ Levytska, Oksana (2023-06-10). "Автопортрет на тлі жорстокої доби: Катерина Білокур в епістолярному, спогадовому та мистецькому дискурсах". Studia Polsko-Ukraińskie (10): 165–181. doi:10.31338/2451-2958spu.10.12. ISSN 2451-2958.
  14. ↑ Zabuzhko, Oksana; Cahn, Jennifer; Kochman, Adrienne (2011). KATERYNA BILOKUR: Outsider, Folk Artist, Fine Artist?.
  15. ↑ "Квіти проростають навіть крізь бетон: історія творчості Катерини Білокур Полтава". poltavchanka.info. 5 August 2022.
  16. ↑ "Kateryna Bilokur's 120th Birthday". 7 December 2020.
  17. ↑ "Bilokur". Gazetteer of Planetary Nomenclature. IAU/USGS/NASA. Retrieved 6 December 2024.

Laman web ke bukai

[edit | edit bunsu]

Media bekaul enggau Katerina Bilokur ba Wikimedia Commons

Dalam jaku English

[edit | edit bunsu]

Dalam jaku Ukraine

[edit | edit bunsu]
Diambi ari "https://iba.wikipedia.org/w/index.php?title=Kateryna_Bilokur&oldid=13681"