Katedral Alexander Nevsky, Tallinn

Katedral Alexander Nevsky, Tallinn
Katedral Alexander Nevsky, Tallinn
	Katedral Alexander Nevsky, Tallinn.
Endur	Tallinn
Menua	Estonia
Denominasyen	Gerija Ortodoks Timur
Sejarah
Consecrated	1900
Administration
Metropolis	Gerija Ortodoks Estonia Patriakat Moscow
Clergy
Bishop(s)	Metropolitan Eugene

Katedral Alexander Nevsky Tallinn^{[lower-alpha 1]} nya sebengkah katedral Ortodoks Timur di tengan Tallinn, Estonia. Katedral tu digaga ba taun 1894–1900,^[1] lebuh menua tu dipegai Empayar Rusia. Katedral tu nyadi gerija cupola pemadu besai di nengeri tu. Niang Patriark Alexis II ari Moscow (1929–2008) ngepunka pengawa nyadi paderi iya ba katedral. Iya nyadi katedral keterubah Gerija Ortodoks Estonia Patriarki Moscow ti setengah autonomi .

Sejarah

Katedral nya digaga ba atas bukit Toompea di tengah Tallinn nitihka langkar arkitek Mikhail Preobrazhensky ngena gaya tipikal Pengangkat Rusia dalam taun 1894-1900.^[1] Gerija tu diungkupka ngagai putera besai Kiev, lalu udah nya sante ortodoks Rusia, Alexander Nevsky.

Katedral nya diiyas enggau kaya sereta bisi sebelas iti luching ke dituang ba Sante Petersburg, ke pemadu besai nya berat urung 16 tan, lebih ari sepuluh iti ke bukai enti dipegulai. Iya bisi tiga iti alta, enggau alta utara diungkupka ngagai Vladimir I lalu selatan ngagai St. Sergius ari Radonezh.

Pelasar begunan tu iya nya granit Finland. Ba lima iti kubah bawang nya bisi dipeda regang besi ti disepuh. Ba dalam nya bisi tiga iti ikonostas kayu ti disepuh sereta diukir, begulai enggau empat iti kutak ikon. Ikon ikonostasis enggau kutak ikon dilukis ba Saint Petersburg ba piring temaga enggau zink. Jenila diiyas enggau kaca ti bechura.

Katedral tu digaga maya timpuh Rusifikasyen ujung abad ke-19 lalu udah enda dikerinduka mayuh rayat Estonia nyadika lambang penekan Rusia ke suba.^[2]^[3]^[4]

Maya Soviet nguasa Estonia dalam taun 1944–1991, laban rejim Soviet enggau rasmi ukai bepengarap, mayuh gerija nyengkaum katedral ditinggalka labuh ngagai gaya ti enda manah. Begunan enggau dalam iya udah dipulaika enggau silik kenyau ari Estonia meredeka penuh baru dalam taun 1991.

Perambu pengeruntuh

Pengudah Estonia udah nyadi sebengkah menua ke meredeka, parlimen enggau perintah, ketegal peminta mensia mayuh, patut berandau sereta berunding deka muai katedral nya ba mayuh bengkah maya dalam taun 1920 enggau 1930-an, taja pia nadai pemutus kepenudi pasal pengawa ngeruntuhka begunan nya kala digaga.

Dalam taun 1924 arkitek Estonia Karl Burman merambu deka ngeruntuhka Katedral tauka ngaga baru nyadi Pantheon Meredeka Estonia. Pengawa ngeruntuhka nya diperambu kena 1 Me 1929 tang dikinsil.^[5]

Kenyau ari taun 2022, isu ngeruntuhka tauka mindahka Katedral nya udah diidupka baru dikena nimbal serang Rusia ngagai Ukraine - keterubah iya ba media rama enggau blog^[6] - entara ke bukai, Mario Kadastik, kaban parlimen Estonia ari Parti Reformasyen Estonia ke megai perintah merambu deka ngaga taman ba endur nya.^[7] - lalu udah nya dalam pemansut media.