Karpal Singh

Yang Berbahagia Dato' Seri Utama Karpal Singh DUPN
ਕਰਪਾਲ ਸਿੰਘ
Karpal in 2011.
3rd National Chairman of the Democratic Action Party
Megai pengawa 4 September 2004 – 29 Mac 2014
Secretary-General	Lim Guan Eng
Didulu	Lim Kit Siang
Diganti	Tan Kok Wai
Megai pengawa 21 March 2004 – 17 April 2014
Didulu	Position established
Diganti	Ramkarpal Singh
Personal details
Ada	Karpal Singh s/o Ram Singh Deo 28 June 1940 George Town, Penang, Straits Settlements (now Malaysia)
Midang	17 April 2014(2014-04-17) (umur 73) Gua Tempurung, Perak, Malaysia
Parti politik	Democratic Action Party (DAP) (1970–2014)
Other political affiliations	Gagasan Rakyat (GR) (1990–1996) Barisan Alternatif (BA) (1999–2004) Pakatan Rakyat (PR) (2008–2014)
Kaling	Gurmit Kaur (j. 1970)
Anak	5 (nyengkaum Jagdeep, Gobind enggau Ramkarpal)
Apai Indai	Ram Singh Deo (apai) Kartar Kaur (indai)
Palan pendiau	Bukit Damansara, Kuala Lumpur
Pelajar	St. Xavier's Institution
Alma mater	National University of Singapore (LLB)
Gawa	Kaban politik
Profession	Luyar
Nickname	Tiger of Jelutong

Karpal Singh a/l Ram Singh Deo (Punjabi: ਕਰਪਾਲ ਸਿੰਘ, rumi: Karpāl Siṅgh; 28 Jun 1940 – 17 April 2014) nya siku orang politik enggau luyar ari Malaysia ke bebansa India. Iya kala nyadi Kaban Parlimen sitak Bukit Gelugor di negeri Pulau Pinang ari taun 2004 ngagai 2014. Dalam timpuh nya mega, iya mega nyadi Chairman Nasional Parti Tindakan Demokratik (DAP).

Diada di Pulau Pinang ari apai indai imigran India ke bebansa Punjabi Sikh, Karpal belajar undang-undang ba Universiti Kebangsaan Singapura. Iya siku ari luyar ti pemadu tebilang di Malaysia lalu ngambi mayuh bengkah kes ti beprofil tinggi, nyengkaum dawa bedagangka dadah ngagai peranak menua luar. Karpal siku orang ke mantah ukum mati kelebih agi ketegal pengawa bedagangka dadah.

Ba bilik kort enggau Parlimen, iya nyadi siku orang ti kontroversial. Karpal udah diketuka ari Parlimen beberapa kali, didawa ngachau perintah lalu ditan nitihka undang-undang pengelikun dalam Malaysia. Pemanah nama iya nyadi siku luyar enggau orang politik penyakal meri iya nama "Remaung Jelutong".

Pengawa politik Karpal berengkah dalam taun 1970 (lebuh iya nyeretai DAP), lalu iya menang penuduk ba Aum Kunsil Negeri Kedah dalam taun 1974. Iya dipilih ngagai parlimen dalam taun 1978 nyadi pengari Jelutong, Pulau Pinang, lalu megai penuduk nya lebih 20 taun nyentukka iya alah dalam taun 1999. Karpal pulai baru ngagai Parlimen ba pengawa bepilih besai ti deka datai, lalu nguluka DAP ngagai pengawa ti pemadu tegap ba pengawa bepilih besai taun 2008. Penusah belantak entukar bemotor ba taun 2005 ngujungka Karpal ngena kerusi roda, enggau penanggul neuro-motor ba lengan kanan iya, tang iya neruska pengawa undang-undang enggau politik iya. Iya mati kena 17 April 2014 pengudah siti penusah bebadi entukar bemotor baru.