Kampung Portugis, Melaka
Kampung Sante John
Kampung Portugis | |
|---|---|
Genturung pendiau ba Mengeri Melaka | |
 Kampung Portugis (Kampung Sante John) | |
  Kampung Sante John Kampung Portugis ba Melaka | |
| Coordinates: 02°11′09″N 102°15′57″E / 2.18583°N 102.26583°E | |
| Menua |  Malaysia |
| Negeri |  Melaka |
| Pelilih Menua | Melaka Tengah |
| Nengeri | Mengeri Melaka |
| Zon Jam | |
| Zon Jam | UTC+8 (MYT) |
| Poskod | 75050 |
Kampung Portugis (Kampung Saint John; jaku Portugis: Padri sa Chang; Portugis: Aldeia de São João; Melayu: Kampung St. John, Kampung Portugis) iya nya sebengkah genturung pendiau di Ujong Pasir, Mengeri Melaka, ti nyadika rumah orang Portugis tauka orang Portugis-Eurasia di Melaka.
Bansa Portugis tu raban bansa Malaysia ti penakan Portugis enggau Melayu. Komuniti tu ari peturun Portugis kenyau jeman Portugis merintah Melaka (1511-1641).[1]
Naka taun 2021, Kampung Portugis dipelabaka ngembuan penyampau tubuh urung 1,000 iku.[1][2]
Penumbuh Kampung
[edit | edit bunsu]Batu pemun Kampung Portugis tu asal iya dipelakin dalam taun 1926, lebuh pengerintis Peranchis enggau Portugis, Rev J Pier François enggau Rev AM Coroado mutuska deka ngaga palan pengentap pendiau baru ba kandang menua Ujong Pasir di Melaka, dikena nampung komuniti Eurasia Portugis dia.
Sida ngumbai palan pengentap pendiau nya nyadika utai ti diguna ungkup penyamai rayat Portugis Melaka ti beserak sereta seranta. Kampung nya ba tebing tasik mega beguna amat, berindik ari tebal agi orang Portugis nya orang berikan lalu begunaka rumah ke bisi akses ngagai pantai.
Dikena ngumpul belanja dikena ngaga palan pengentap pendiau nya, Rev François nulis surat ngagai mayuh macham kaban ti tebilang dalam komuniti Eurasia di Singapura minta bantu; entara sida nya Dr Noel Leicester Clarke enggau Claude Henry da Silva.[3]
Pengudah berunding enggau komuniti Eurasia Singapura enggau Perintah Negeri Melaka, 28 hektar tanah paya ti jauh di Ujong Pasir udah dibeli. Reka bentuk asal Kampung nya nyendiaka 168 iti rumah ke deka digaga ungkup orang Portugis.[3]
Penyarut Status Pemegai Bibas
[edit | edit bunsu]Seraya Kampung Portugis asal iya diberi status tanah pegai bibas, tu diambi perintah kolonial British ari orang Portugis dalam taun 1949, ketegal pengawa ngaga SMK Canossa Convent ba sepemanjai Jalan Eradia. Laban pengerintis Peranchis ke nyadang sekula nya dianggap nyadika entiti menua luar, sida ditagang ngembuan tanah pegai bibas ulih perintah British di Malaya kolonial. Nya alai, dikena mutarka penyerekang tu, semua lot Kampung Portugis digazet baru ari tanah pegai bibas ngagai tanah enggi perintah ulih British dalam taun 1949.
Kenyau ari taun 1949, komuniti Portugis udah nguji mayuh kali ngulihka baru status tanah bibas Kampung nya, tang nadai mai penguntung.[3]
Isu Pengawa Tebus Guna Tanah
[edit | edit bunsu]Kena taun 2014, Menteri Besai Malaysia maya nya Najib Razak nesauka projek Melaka Gateway, ti begunaka pengawa tebus guna tanah ba tebing pantai Selat Melaka. Objektif projek tu iya nya mai entara ke bukai, terminal kapal pesiar baru enggau palan penyangkai kapal ai dalam ngagai mengeri tu.
Taja pia, projek tu dibantah peranak Kampung Portugis. Orang Portugis ngumbai pengawa ngambi tanah nya deka meri empas ti enda manah ngagai garis pantai enggau penyelai habitat ai ba tebing tasik Palan Pendiau nya, ti lalu deka nyadika emba ngagai "pun penatai pengidup sida".[3]
Pemantah Ngagai Projek Melaka Gateway
[edit | edit bunsu]Berindik ari nya, dalam taun 2018, peranak Kampung Portugis nya ngatur pengawa mantah ngelaban pemaju induk projek Melaka Gateway, KAJ Development Sdn Bhd. Dipelabaka 200 iku peranak Portugis mai peti mati ngagai opis besai KAJ Development, ke alai beberapa iku ari sida ngengkahka peti mati seraya ke bukai ngeleburka pasir ngagai peti mati nya.
Dalam sebengkah randau enggau The Edge, peranak Kampung nya mega nerangka projek Melaka Gateway nya "pemaju ti muai pasir ngagai mangkuk beras sida enggau pengawa tebus guna tanah".[4]
Taja pia, taja pan sida udah bebendar ngapil ngagai kededua Perintah Negeri enggau bala pemansang, tang orang Portugis mengkang enda mujur ngachau pengawa neruska projek Melaka Gateway.[3]
Tanda menua
[edit | edit bunsu]Patung Replika Kristus Penebus
[edit | edit bunsu]Ba taun 2017, orang Portugis mujur ngaga patung Kristus Penebus baru ba pintu penama Medan Portugis sepemanjai Jalan D’Albuquerque. Iya nya replika patung Art Deco ke sama nama di Rio de Janeiro, Brazil tang sepeninggi lapan meter.[5]
Patung nya ukai semina dikena nandaka komuniti Kristang nyadi kaban pengarap Roman Katolik global, tang mega “kaul sida enggau dunya bejaku Portugis selatan global”.[3]
Medan Portugis
[edit | edit bunsu]Medan Portugis udah dibuka Menteri Besai Malaysia maya nya Mahathir Mohamad kena 24 Januari 1985, nyadi sebagi ari program pemansang dagang temuai mengeri sapit entara Melaka enggau Lisbon ke baru dikelanchar.[3]
Pengelanchar Medan Portugis ngasuh peranak menua nya ulih muka restoran ti nyual pemakai asal Portugis. Lauk Portugis ke suah ditemu ditu nyengkaum Ikan Panggang Portugis enggau Kari Debal.[6]
Nama-nama jalai
[edit | edit bunsu]Jalai-jalai ba Kampung Portugis ngundan nama sebilik Portugis baka D'Albuquerque, Teixeira enggau D'Aranjo, entara ke bukai. Tu dituju ngagai aki ini komuniti kemaya hari tu, pia mega bala pengerintis ti numbuhka Kampung tu.[1]
The Lisbon Melaka
[edit | edit bunsu]Kenyau Ogos 2025, pemansang hotel ti bepalan ba UK iya nya Wyndham Group udah muka hotel mewah semak pantai Kampung ti dikumbai The Lisbon Melaka.[7] Hotel tu ba endur ti sama enggau Hotel Lisbon Melaka ti dulu suba, ti udah nutup pintu iya ngagai temuai beberapa taun sebedau nya.[8] Naka bulan Ogos 2025, rega bilik malam ba hotel tu dipeda entara MYR500 pemadu baruh, ngagai MYR1,000 tauka lebih.[7]
Palan ti narit ati sereta pengerami
[edit | edit bunsu]Baka mayuh komuniti bukai ke bejaku Portugis di serata dunya, Palan Pengentap Pendiau Portugis ngatur "pesta Jun" ninting taun ti dibuka enggau Festa de San Juang ("Pengerami Sante John", Jun 23) lalu diujungka enggau Festa de San Pedro ("Pengerami Sante Peter", sante pengelindung ungkup orang berikan, Jun 29). Pengerami tu digulu urung 100,000 iku temuai ari Malaysia enggau menua luar. Ba pengerami nya orang ulih ninga lagu rakyat Kristang sereta meda bala petanda ngena pekayan bechura-chura merindang nitihka rentak musik branyu. Siti pengawa ke beguna ba pengerami nya iya nya berekat perau orang berikan setempat, ke diias khas ungkup maya nya, dikena nentuka tangkap ke manah.[9]
Intrudu mega siti agi pengerami ti diintu ba Kampung Portugis, lalu digambarka baka tu ulih Ei Leen Lee dalam Language Shift and Revitalisation in the Kristang Community.[10]
Kereban sanding
[edit | edit bunsu]- ↑ 1.0 1.1 1.2 Staff, ExpatGo (2012-06-22). "Malacca's Portuguese community : Rocking along the Sand's Edge". ExpatGo (in Inggeris AS). Retrieved 2025-05-31.
- ↑ "For Malaysia's Kristang Population, the Devil's in the Curry". Whetstone Magazine (in Inggeris AS). Retrieved 2025-05-31.
- ↑ 3.0 3.1 3.2 3.3 3.4 3.5 3.6 Arnez, Monika (2023). "Ethnic politics and ambivalent imaginaries of the future at the Melaka Straits". Singapore Journal of Tropical Geography (in Inggeris). 44 (1): 44–57. doi:10.1111/sjtg.12466. ISSN 1467-9493.
- ↑ "Portuguese folk protest against Melaka Gateway project with coffins". The Edge Malaysia. Retrieved 2025-05-31.
- ↑ Koh, Kelly (2017-12-25). "Christmas arrives in Melaka's Portuguese Settlement; Christ the Redeemer statue stands tall | New Straits Times". NST Online (in Inggeris). Retrieved 2025-05-31.
- ↑ Mohan, Rube (2023-07-22). "The hidden food street in Melaka" (in Inggeris AS). Retrieved 2025-05-31.
- ↑ 7.0 7.1 "The Lisbon Melaka". The Lisbon Melaka. Retrieved 29 August 2025.
- ↑ "They use our name, heritage, but where's our say: the Melakan-Portuguese dilemma". The Vibes (in Inggeris). 2021-11-19. Retrieved 2025-08-29.
- ↑ Ivy Tan (June 2007). "Malaccan MCA leaders at the Portuguese Settlement" (PDF). The Guardian. 3. Malaysian Chinese Association: 14. Archived from the original (PDF) on 2007-10-21. Retrieved 2007-09-27.
- ↑ Lee, Ei Leen (December 2003). Language Shift and Revitalisation in the Kristang Community, Portuguese Settlement, Malacca. University of Sheffield.
{{cite book}}: CS1 maint: date and year (link)