Kalenda Islam
Kalenda Hijrah (Arab: ٱلتَّقْوِيم ٱلْهِجْرِيّ, rumi: al-taqwīm al-hijrī), tau mega dikelala enggau nama kalenda Islam, nya kalenda bulan ti ngundan 12 bulan setaun 354 tauka 355 hari. Iya dikena nentuka hari besai Islam enggau pengawa pengarap sechara engkeman, baka pengawa bepasa sereta musin Haji ninting taun. Ba nyau deka semua menua ke tebal pengarap Islam, kalenda sivil nya kalenda Gregorius, lalu nama bulan ti diambi ari jaku Siriak dikena dalam kandang menua Levan enggau Mesopotamia (Irak, Siria, Jordan, Lebanon enggau Palestin), tang ngena kalenda Hijrah ungkup kalenda pengarap.
Kalenda tu ngira era Hijrah, ke alai maya pemungkal ditumbuhka nyadi Taun Baru Islam be taun 622 AD.[1] Lebuh taun nya, Muhammad enggau pengikut iya mindah ari Mekah ngagai Medinah lalu numbuhka komuniti Islam keterubah (ummah), penyadi ti dikerami enggau nama Hijrah. Di menua Barat, hari bulan dalam era tu suah ditulis AH (Latin: Anno Hegirae, lit. 'Ba taun Hijrah').[lower-alpha 1] Di menua Islam, tu kekadang ditulis H[2] ari tukuh jaku Arab iya (سَنَة هِجْرِيَّة, disingkat nyadi ھ).
Nota
[edit | edit bunsu]- ↑ Tulis tu sebaka enggau AD ungkup era Kristian, and AM ungkup era Judah.
Kereban sanding
[edit | edit bunsu]- ↑ Paul Lunde. "The Beginning of Hijri calendar". Saudi Aramco World Magazine. No. November/December 2005. Archived from the original on 1 January 2019. Retrieved 1 January 2019.
- ↑ Watt, W. Montgomery. "Hidjra". In P.J. Bearman; Th. Bianquis; C.E. Bosworth; E. van Donzel; W.P. Heinrichs (eds.). Encyclopaedia of Islam Online. Brill Academic Publishers. ISSN 1573-3912.