Kalenda Julius
Kalenda Julius nya kalenda mata panas sepemanjai 365 hari ninting taun enggau penambah hari kejuk tiap empat taun (nadai pengelimpah). Kalenda Julius mengkang dikena nyadi kalenda pengarap dalam sekeda Gerija Ortodoks Timur sereta Ortodoks Oriental pia mega bansa Amazigh (mega dikelala enggau nama Berber).[1] Ungkup kira jampat, entara taun 1901 enggau 2099 hari bulan Gregorius ti jauh suah agi sama enggau haribulan Julius ditambah 13 hari.
Kalendar Julius diperambu (lalu ngambi nama ari) Julius Caesar dalam taun 46 SK, nyadi ubah dalam kalenda Rom keterubah, ke tebal agi lunisolar.[2] Iya berengkah dikena kena 1 Januari 45 SK, nengah perintah iya. Kalenda Caesar nyadi kalendar ke pemadu dikena ba Empayar Rom lalu udah nya ba tebal agi dunya Barat pengelama lebih ari 1,600 taun, nyentuk ngagai taun 1582 lebuh Paus Gregory XIII mantaika kalendar ke udah diubah baru. Orang Rom kelia selalu iya netapka taun ngena nama konsul ti merintah; sistem lumur taun Anno Domini enda diperambu nyentuk ngagai taun 525, lalu nyadi ngerembai di Eropah ba kurun kelapan.
Kalenda Julius bisi dua bansa taun: taun normal sepengelama 365 days lalu taun kejuk sepengelama 366 hari. Sida nitihka singkang ti mudah iya nya tiga taun normal enggau setaun kejuk, meri pukul rata taun ti pengelama 365.25 hari. Nya lebih ari nilai taun solar ke bendar kira-kira 365.2419 hari (rega ke diatu, ke bebida), reti nya kalenda Julian bulih lebih sehari tiap 129 taun. Dalam jaku bukai, kalenda Julius bulih 3.1 hari tiap 400 taun.
Reformasyen kalendar Gregorius ngubah atur Julian enggau chara ngemunaska hari kejuk sekali-sekala, dikena ngurangka pengelama pukul rata taun kalendar ari 365.25 hari ngagai 365.2425 hari lalu enggau nya ngurangka enggau dramatik pelayap kalenda Julian ngelaban taun solar: kalendar Gregorius bulih penguntung semina 0.1 hari dalam timpuh 400 taun. Ungkup sebarang pekara ke nyadi dalam timpuh taun ari taun 1901 nyentuk ngagai taun 2099, haribulan iya nitihka kalendar Julius iya nya 13 hari tinggal ari haribulan Gregorius ke setipak enggau iya (chunto 1 Januari dalam kalenda Julius labuh ba 14 Januari Gregorius). Mayuh menua Katolik ngena kalenda baru nya jampat; menua Protestan ngena kalenda baru nya laun dalam timpuh dua kurun ti nangkanka nya tauka lebih; tebal agi menua Ortodoks ngetanka kalendar Julius ke tuju pengarap tang ngena kalendar Gregorius nyadika kalenda sivil sida ba pun abad kedua puluh.
Kereban sanding
[edit | edit bunsu]- ↑ "Berbers mark New Year in Algeria, welcoming 2968". Daily Sabah. 12 January 2018. Retrieved 25 June 2019.
The Berber calendar is an agrarian system, based around the seasons and agricultural work, that was inspired by the Julian calendar.
- ↑ Richards 2013, p. 595.