Kalenda Gregorius
Kalenda Gregorius nya kalenda ti dikena ba mayuh bagi di selampur dunya.[1][lower-alpha 1] Iya berengkah dikena dalam bulan Oktober 1582 berindik ari bulla paus Inter gravissimas ti dikeluarka Paus Gregorius XIII, ti mantaika iya nyadika ubah, sereta nganti, kalenda Julius. Ubah ke besai iya nya deka ngaga ruang taun kejuk nyadika bebida mimit dikena ngaga taun kalenda sepemanjai 365.2425 hari, enda sebaka enggau kalenda Julius ti sepemanjai 365.25 hari, enggau nya semak agi semak enggau taun "tropika" tauka "solar" sepemanjai 365.2422 hari ti ditentuka putar Bumi ngelingi Mata panas.
Atur ungkup taun kejuk iya nya tiap taun ti dibagi enggau empat nya taun kejuk, kelimpah ari taun ti tau dibagi enggau 100, kelimpah ari begilir taun ti mega dibagi enggau 400. Ambika chunto, taun 1800 enggau 1900 ukai taun kejuk, tang taun 1600 enggau 2000 nya taun kejuk.[2]
Bisi dua kebuah ungkup penempa kalenda Gregorius. Keterubah iya, kalenda Julius bepelasarka penelaba purata taun matahari nya endang 365.25 hari, iya nya penelaba ti kelalu kurang mimit ari sehari sekurun, lalu enggau nya bisi taun kejuk tiap empat taun enggau nadai pengelimpah. Ubah Gregorius ngemandakka purata taun (kalenda) sepemanjai 0.0075 hari dikena ngetuka pelayap kalenda bekaul enggau ekuinoks.[3] Kedua, ba taun-taun kenyau Kaunsil Keterubah Nicaea dalam 325 AD,[lower-alpha 2] hari kejuk ti lebih ti diberi kelala algoritma Julius udah ngasuh kalenda nya ngelayang nyentukka ekuinoks bulan Mac nyadi jauh sebedau haribulan nominal iya 21 Mac. Haribulan tu beguna ba gerija-gerija Kristian, laban iya beguna amat ba pengawa ngira haribulan Ista. Dikena mulaika gerempung nya, ubah nya ngemansangka haribulan nya 10 hari:[lower-alpha 3] Hari Empat 4 Oktober 1582 ditangkanka Hari Lima 15 Oktober 1582.[3] Kelimpah ari nya, ubah nya mega ngubah putar bulan ke dikena Gerija ngira haribulan ungkup Ista, laban bulan baru astronomi benung nyadi empat hari sebedau haribulan ke dikira. Seraya reformasyen nya mai ubah mit, kalenda nya terus bepelasarka teori geosentrik ti sama enggau kalenda ke dulu ari iya.[4]Templat:Failed verification
Ubah tu dikena keterubah iya ba menua-menua Katolik di Eropah sereta kandang menua ti diempu sida. Pengudah tiga kurun, menua-menua Protestan sereta Ortodoks Timur mega berinsur mindah ngagai utai ti dikumbai sida "Kalenda Dikemanahka",[lower-alpha 4] enggau Gerika nyadi menua Eropah kepenudi ngena kalenda (kena sivil aja) dalam taun 1923.[5] Taja pia, mayuh gerija-gerija Orthodoks mengkang ngena kalenda Julius ungkup ritus pengarap sereta hari bulan pengerami besai. Dikena netapka haribulan enggau enda saru maya timpuh transisyen (dalam dokumen kontemporari tauka dalam teks sejarah), kededua notasyen nya diberi, diberi tag "Gaya Lama" tauka "Gaya Baru" nitihka pematut. Dalam kurun ke-20, mayuh menua ukai Barat mega ngena kalenda tu, kurang-kurang iya ungkup guna sivil.
Nota
[edit | edit bunsu]- ↑ Mayuh menua ti ngena kalenda bukai ungkup tuju pengarap mega ngena kalenda Gregorius nyadi kalenda sivil. Iran nya kelimpah ke tebilang, ke alai sida ngena kalenda Hijrah mata panas.
- ↑ Ukai ba 45 BC lebuh Empayar Rome ngena kalenda Julius.
- ↑ Lebuh maya British enggau kandang menua iya ngena ubah kenyau ari 1752, ruang nya udah nambah ngagai 11 hari; lebuh Rusia enggau Gerika ngereja nya (ke kalenda sivil sida) ba abad ke-20, kejuk nya 13 hari. Ungkup menua bukai, peda Rintai hari bulan guna kalenda Gregorius nitihka menua.
- ↑ dikumbai baka nya dikena nyeliahka sebarang perambu ti ngaku kuasa Rome. Akta Kalenda (Gaya Baru) 1750 British madahka baru algorithma ari ubah besai nya enda nyebut nama Gregorius.
Kereban sanding
[edit | edit bunsu]- ↑ Dershowitz & Reingold (2008), p. 45. "The calendar in use today in most of the world is the Gregorian or new-style calendar designed by a commission assembled by Pope Gregory XIII in the sixteenth century.".
- ↑ "Introduction to Calendars". United States Naval Observatory. n.d. Retrieved 9 May 2022.
- ↑ 3.0 3.1 Gregory XIII (1582).
- ↑ Applebaum, Wilbur (2000). "Clavius, Christoph (1538-1612)". Encyclopedia of the Scientific Revolution: From Copernicus to Newton. Garland Publishing. ISBN 0-8153-1503-1.
- ↑ Blegen (2013).