Josh Hutcherson
Josh Hutcherson | |
|---|---|
 Hutcherson maya taun 2025 | |
| Ada | Joshua Ryan Hutcherson Oktober 12, 1992 Union, Kentucky, U.S. |
| Pengawa | Actor |
| Taun aktif | 2002–diatu |
| Pangan | Claudia Traisac (2013–diatu) |
| Sain | |
 | |
Joshua Ryan Hutcherson (ada 12 Oktober 1992) nya siku pelakun Amerika. Anugerah iya nyengkaum empat Anugerah Pilih Anembiak, empat Anugerah Artis Biak, enggau tiga Anugerah Filem MTV, kelimpah ari nominasyen ungkup Anugerah Pelakun Skrin Guild.
Hutcherson berengkah belakun ba pun taun 2000-an lalu bisi ayan ba sekeda iklan enggau pengawa filem enggau televisyen mit sebedau bulih nama maya umur iya agi biak enggau pengawa utama dalam Little Manhattan enggau Zathura: A Space Adventure (kededua ba taun 2005), RV (2006), Bridge to Terabithia (2007), Journey to the Center of the Earth (2008), sereta The Kids Are All Right (2010). Ba taun 2011, lebuh iya 18 taun, iya nyadi karakter utama Peeta Mellark dalam siri filem iya ti pemadu laku The Hunger Games, dikeluarka ninting taun entara taun 2012 enggau 2015, ke alai iya menang tiga Anugerah Filem MTV sereta siti Anugerah Pilih Orang. Dalam kandang maya ke sama, iya mega megai karakter utama Journey 2: The Mysterious Island (2012) sereta karakter nyawa filem animasyen Epic (2013).
Hutcherson ngurangka pengawa iya pengudah Hunger Games lalu bisi ayam ba sekeda filem bibas, pia mega dalam siri televisyen Future Man (2017–2020) enggau Ultraman (2019–2023). Iya udah ngelakunka filem seram ti mujur ba pengawa komersial iya nya Five Nights at Freddy's (2023) sereta Five Nights at Freddy's 2 (2025) enggau filem aksyen The Beekeeper (2024). Sepemanjai pengawa iya, iya udah madahka juluk ati dalam pengaga filem. Iya udah nyadi produser eksekutif filem Detention (2011), The Forger (2012), enggau Escobar: Paradise Lost (2015), seraya megai karakter utama dalam filem tu.