John Ogilvie (sante)
Saint John Ogilvie | |
|---|---|
 John Ogilvie | |
| Martyr | |
| Ada | 1580[1] Drumnakeith, Banffshire, Scotland |
| Midang | 10 Mac 1615 (umur 34–35) Glasgow Cross, Scotland |
| Kebuah pemidang | Execution by Hanging |
| Dipebasa ba | Catholic Church |
| Diberekat | 22 December 1929, Rome, Vatican City by Pius XI |
| Dikanon | 17 October 1976, Rome, Vatican City by Paul Vl |
| Pengerami | 10 March |
Sante John Ogilvie, SJ (1580 – 10 Mac 1615) nya siku paderi Jesuit ari Skotland. Ketegal pengawa iya ngagai komuniti Katolik ke diperinsa ba Scotland maya kurun ke-17, sereta digantung ketegal pengarap iya, iya nyadi semina siku sante Skotland pengudah Reformasyen.
Ogilvie dibesaika nyadi Calvinist lalu dianjung ngagai Eropah benua ngambika ulih nampung pelajar iya. Alit ati iya dipansutka ketegal debat tebilang ke nyadi entara pakar Katolik enggau Calvinist, iya ngambi pelajar enggau Benedictine, lalu udah nya enggau Jesuit. Iya nyadi kaban Jesuit lalu dianjung ngagai Skotland, lalu iya gawa enggau sekeda orang Katolik ba kandang menua Glasgow. Ditangkap pengudah kurang ari setaun, iya lalu digantung ba Glasgow Cross dalam taun 1615.
Biografi
[edit | edit bunsu]John nya anak tuai Walter Ogilvie, siku orang ke dipebasa ke megai pengarap Calvinist ke ngempu tanah Drumnakeith di Banffshire. Sida sebilik sebagi bepengarap Roman Katolik lalu sebagi ari pengarap Presbiterian. Maya umur iya dua belas taun, iya dianjung ngagai Eropah benua ngambika belajar. Iya ngulu sekeda palan pelajar Katolik, di baruh Benedictine di Regensburg di Jereman enggau enggau Jesuit di Olmutz enggau Brunn ba Moravia.
Ba tengah-tengah penyarut pasal pengarap ke nyadi ba Eropah maya nya, iya mutuska deka nyadi orang Katolik. Dalam taun 1597, lebuh umur iya tujuh belas taun, iya diterima Cornelius a Lapide SJ ngagai Gerija Katolik, siku profesor bup kudus di Leuven, Belgium. Ogilvie nyeretai Gerempung Jesus dalam taun 1599 lalu dichiri nyadi paderi ba Paris dalam taun 1613. Pengudah dichiri iya gawa ba Rouen di Normandi ke alai iya suah minta dianjung ke Skotland deka ngintu sekeda orang Katolik ke agi tinggal ba kandang menua Glasgow. (Pengudah Reformasyen Scotland dalam taun 1560 udah nyadi jenayah dia enti ginjil, tama pengarap Katolik, tauka enggau chara bukai nyukung pengarap Katolik.) [2]
Nya meh pengarap iya, sekeda orang kaya Katolik dia deka nulung iya, berindik ari peturun iya. Nadai tetemuka sebarang orang, iya mansang ngagai London, udah nya pulai baru ngagai Paris, lalu pengujung iya pulai ke Skotland dalam bulan November 1613 nyaru diri nyadi orang dagang kuda ke benama John Watson. Udah nya iya berengkah nginjil enggau chara belalai, meri Misa enggau chara belalai ba rumah orang. Opis menteri tu deka dipejalaika kurang ari setaun. Kena bulan Oktober 1614, Ogilvie ditemu lalu ditangkap di Glasgow ari baruh atur Bishop Besai John Spottiswood, lalu dijil. Keterubah iya diperubat enggau manah, tang pengudah seruran enggai ngaku, diperinsa enggau chara nagang iya tinduk. Iya ngasuh penuduk iya balat agi enggau chara enggai besemaya deka taluk ngagai kuasa diraja Raja James atas Gerija dalam kandang menua ti dipegai iya, lalu ketegal penyalah ti didawa tu meh Fr. Ogilvie lalu diuji. Lebuh maya bechara nya iya mantah Raja ketegal ‘bemain rari ari Petara’ lalu madahka diri deka ngaku kuasa iya atas Gerija enda lebih ari kuasa ‘topi lama’. Ditemu salah, Fr. Ogilvie digantung ba Glasgow Cross kena 10 Mac 1615, maya umur iya tiga puluh enam taun.[3]
Jaku Ogilvie ti kepenudi iya nya: “Enti bisi ditu orang Katolik ti belalai, awakka sida besampika aku tang sampi orang ti nyimpang diri ari pengarap enda dikembuan aku.” Udah iya ditulak ari tangga, iya lalu ngelempaika rosario iya ti dipelalaika iya pansut ngagai bala mayuh. Nitihka cherita tuai, seiku ari munsuh iya nangkap nya lalu udah nya nyadi orang ke taluk sereta megai pengarap Katolik sepemanjai umur. Udah iya dibunuh bala nembiak Ogilvie dibungkur lalu dijil. Sida kena ukum mata duit ti besai, tang nadai siku nerima ukum mati.
Pengawa beputung pala enggau kuarter nitihka adat nya dibuai ketegal penyinu ati orang mayuh ti enda disamar, lalu bangkai iya beguai-guai dikubur ba laman gerija katedral Glasgow.[4]
Pengawa bebasaka
[edit | edit bunsu]Nyadi siku martir Reformasyen enggau Reformasyen Balas iya ditukuka nyadi Ulih Dipebasa dalam abad ketujuh belas. Ogilvie dikuduska dalam taun 1929 lalu dikanon dalam taun 1976 kena 17 Oktober, nyadi siku aja orang kudus Skotland pengudah Reformasyen.[5][6] Hari pengerami iya diintu kena 10 Mac ba Gerija Katolik ba Skotland. Ba bagi dunya bukai iya diintu kena 14 Oktober. Ba Corby, Northamptonshire — sebuah mengeri England ke ngembuan pesaka Skotland ke tegap — sebuah gerija Katolik ke direjista dalam bulan Mac 1980 diungkupka ngagai John Ogilvie.[7] Ba Tanah Tinggi Scotland bisi Parish Santo John Ogilvie ti mungkur Gerija Santo Joseph di Invergordon enggau Santo Vincent De Paul di Tain. Ba pengawa sembiang ngintu empat ratus taun pemati iya, iya digambarka nyadi "semina siku martir Katolik Scotland".[8]
Penyanding
[edit | edit bunsu]- ↑ Barrett, Michael. "Ven. John Ogilvie." The Catholic Encyclopedia Vol. 11. New York: Robert Appleton Company, 1911. 11 December 2021 Templat:PD-notice
- ↑ "Patron Saints Index: Saint John Ogilvie". Archived from the original on 15 January 2009.
- ↑ "10. mars: Den hellige John Ogilvie (~1580–1615)". Archived from the original on 13 March 2010.
- ↑ "Patron Saints Index: Saint John Ogilvie". Archived from the original on 15 January 2009.
- ↑ Solenne canonizzazione in San Pietro del beato Giovanni Ogilvie vatican.va, article in Italian
- ↑ "Irondequoit Catholic Communities – – John Ogilvie". Archived from the original on 11 Oktober 2008.
- ↑ Templat:London Gazette
- ↑ "Jesuits in Britain - Call to honour Scotland's only martyr - 20 March 2017". Archived from the original on 22 Julai 2019.