John Lennon

John Lennon
Lennon in 1974
Ada	John Winston Lennon (1940-10-09)9 Oktober 1940 Liverpool, England
Haribulan pemarai	8 Disember 1980(1980-12-08) (umur 40) New York City, US
Kebuah pemarai	Gunshot wounds
Resting place	Cremated; ashes scattered in Central Park, New York City
Pelajar	Liverpool College of Art (expelled)
Pengawa	Singer songwriter musician author artist peace activist
Taun aktif	1956–1980
Kaling	Cynthia Powell (j. 1962; s. 1968) Yoko Ono (j. 1969)
Pangan	May Pang (1973–1975)
Anak	Julian Sean
Apai Indai	Alfred Lennon Julia Stanley
Bala sebilik	Julia Baird (half-sister) Mimi Smith (aunt)
Pengawa musik
Genre	Rock pop experimental
Kereban musik	Vocals guitar keyboards harmonica
Label	Parlophone Capitol Apple Geffen Polydor
Kala nyadi kaban	The Quarrymen The Beatles The Dirty Mac Plastic Ono Band
Lambar web	johnlennon.com
Sain

John Winston Ono Lennon (nama ada John Winston Lennon; 9 Oktober 1940 - 8 Disember 1980) siku pemuzik enggau aktivis Inggeris. Iya bulih nama global nyadi pemungkal, vokalis begulai enggau pemain gitar rentak Beatles. Kerejasama nulis lagu Lennon enggau Paul McCartney mengkang nyadi ke pemadu mujur dalam sejarah.

Diada ba Liverpool, Lennon ngaul diri dalam pengawa skiffle maya agi nembiak. Dalam taun 1956, iya numbuhka Quarrymen, ti berevolusyen nyadi Beatles dalam taun 1960. Iya keterubah iya nyadi ketuai de facto raban nya, siti pengawa ti berinsur baka ke diserahka iya ngagai McCartney, nulis sereta sama nulis lagu enggau inovasyen ti majak nambah, nyengkaum "Strawberry Fields Forever", ke alai dikumbai iya pengawa pemadu manah dalam raban nya. Lennon enda lama udah nya ngerembaika pengawa iya ngagai media bukai enggau ngambi bagi dalam mayuh bengkah filem, nyengkaum How I Won the War (1967), enggau ngarang In His Own Write (1964) enggau A Spaniard in the Works (1965), kedua-dua nya koleksyen tulis ti enda mai reti enggau lukis garis. Berengkah enggau "All You Need Is Love", lagu iya diterima kebut balas anti-perang nyadi lagu sida enggau budaya ngelaban taun 1960-an.

Dalam taun 1969, iya ngepunka Plastic Ono Band enggau bini kedua iya, artis multimedia Yoko Ono, ngatur pengawa demonstrasyen anti-perang sepengelama dua minggu bed-in ungkup pemaik, lalu ninggalka Beatles kena ngepunka karier solo. Lennon enggau Ono bekerejasama ba mayuh bengkah pengawa, nyengkaum trilogi album avant-garde enggau beberapa iti agi filem. Pengudah Beatles ngererak, Lennon ngeluarka lagu solo keterubah iya John Lennon/Plastic Ono Band enggau lagu single 10 pemadu manah entarabansa “Give Peace a Chance”, “Instant Karma!”, “Imagine”, enggau "Happy Xmas (War Is Over)”. Pindah ngagai Nengeri New York dalam taun 1971, kritik iya ngagai Perang Vietnam ngujungka pengawa nguji muru iya pengelama tiga taun maya administrasyen Nixon. Lennon enggau Ono beserara ari taun 1973 ngagai 1975, lalu maya nya iya ngasilka album Harry Nilsson Pussy Cats. Iya mega bisi kerejasama ti pemadu tinggi ba carta enggau Elton John ("Whatever Gets You thru the Night") enggau David Bowie ("Fame"). Pengudah lima taun ngetu, Lennon pulai baru ngagai muzik dalam taun 1980 enggau kolaborasyen Ono Double Fantasy. Iya ditimbak bunuh Mark David Chapman, tiga minggu sepengudah album nya dipansutka.

Lebuh iya begawa nyadi siku pemerindang, penulis tauka penulis begulai, Lennon bisi 25 iti lagu single lumur satu ba charta <i id="mwZg">Billboard</i> Hot 100. Double Fantasy, album iya kedua pemadu laku ke ukai digaga maya Beatles, menang Anugerah Grammy 1981 ungkup Album Taun. Ba taun tu, iya menang Anugerah Brit ungkup Pemeri Mujur ngagai Muzik. Dalam taun 2002, Lennon dipilih ba penuduk lumur lapan dalam pengawa ngundi sejarah BBC ari 100 iku orang Britain ke pemadu hebat. Rolling Stone ngengkahka iya nyadi penyanyi kelima pemadu manah enggau artis ke-38 pemadu manah sepanjai maya. Iya dipasukka ngagai Diwan Tebilang Penulis Lagu (dalam taun 1997) enggau Diwan Tebilang Rock and Roll (dua kali, nyadi kaban Beatles dalam taun 1988 enggau nyadi artis solo dalam taun 1994).