Johannes Aavik
Johannes Aavik | |
|---|---|
 | |
| Ada | Disember 8, 1880 November 26, 1880 [O.S] |
| Haribulan pemarai | Mac 18, 1973 (umur 92) |
| Pengawa | Linguist |
Johannes Aavik (8 Disember [O.S. 26 November] 1880 - 18 Mac 1973) nya siku pakar jaku Estonia sereta penemu jaku Estonia.[1]
Pengidup tumu enggau pelajar
[edit | edit bunsu]Aavik ada ba Randvere, Saaremaa, ba Gabenorat Livonia, Empayar Rusia (diatu Estonia). Iya belajar sejarah ba Universiti Tartu enggau Universiti Nezin dalam taun 1905. Iya nyadi siku ari raban Gerakan Estonia Biak lalu bulih degree lutur dalam jaku-jaku Roman ba Universiti Helsinki dalam taun 1910. Aavik ngajar jaku Estonia enggau jaku Peranchis ba Universiti Tartu ari taun 1926 nyentukka 1933. Dalam taun 1934, iya dipadu Opis Menteri Pelajar Estonia nyadi Ketuai Inspektor Sekula Sekondari, pangku pengawa ti dipegai iya nyentukka taun 1940.[2] Iya rari ari Estonia laban serang Soviet dalam taun 1944, nyadi orang tasah ba Sweden lalu diau di Stockholm sepemanjai umur iya.
Inovasyen jaku Estonia
[edit | edit bunsu]Dalam taun 1912, iya berengkah nulis artikel ngagai jurnal litericha, merambu chara dikena ngemodenka jaku Estonia. Nitihka penemu iya, jaku Estonia begunaka inovasyen, laban bidang guna iya jampat ngerembai enggau penumbuh bansa moden. Kelimpah ari ti begunaka standardisasyen jalai jaku enggau ortografi, Aavik mega bepenemu jaku nya patut nyadi versatil sereta eufonik.
Iya meri perambu ngambika nginjau jaku Finland enggau intensif, lalu sekeda perambu iya jampat diterima lalu nyadi sebagi ari leka jaku standard jaku Estonia. Ari taun 1914 iya berengkah ngaga batang leka jaku baru enggau chara tiru dikena nganti leka jaku kompaun "awkward". Nya alai, iya merambu relv ("senjata") nganti sõjariist (reti iya, "kereban perang"), roim ("jenayah") nganti kuritöö ("pengawa ti jai") enggau veenma ("ngasuh pechaya") nganti uskuma panema ("diengkah dalam pengarap"). Iya suah nguji nyeliahka munyi t enggau s lalu rindu agi ngena leka jaku ke pandak ari ke panjai. Iya mega rinduka o dalam suku kata ti beturut-turut ngagai u, baka ti suah nyadi ba dialek Estonia Selatan. Aavik ngumbai mayuh neologisme iya ditempa ari utai ti nadai (peda pengaya leksikal ex nihilo). Taja pia, mayuh neologisme Aavik bisi aruh jaku bansa bukai enggau item leksikal (Aavik ngembuan pelajar klasik ti luas sereta nemu jaku Gerika Kuno, Latin enggau Peranchis).[3] Ambika chunto, inovasyen iya roim ("jenayah") engka bisi dipengaruhka leka jaku English crime ; relv ("senjata") engka bisi pengaruh ari leka jaku English revolver ; enggau taunima ("ngutuk, enda setuju") engka bisi pengaruh leka jaku Finland tuomita ("ngutuk, ngakim").[3]
Aavik mega nguji ngemodenka jalai jaku. Iya ngemeranka pengawa ngena i-mayuh nganti t(d)-mayuh (keelis pro keeltes) enggau i-superlatif nganti superlatif biasa (suurim pro kõige suurem), pia mega –nud nganti – nud dalam partisip past aktif. Iya merambu penambah infleksyen ngagai ma-infinitif, lalu sekeda ari nya masuk ngagai guna popular. Iya mega nguji mai kelala tukuh jaku pengawa jemah ila enggau jaku ganti nama diri indu, taja pia tu bulih mimit aja timbal positif.
Aavik mansutka mayuh bengkah karang enggau salin dikena ngerembaika penemu iya; iya bisi penyukung vokal pia mega pangan ngelaban. Dalam taun 1919, iya ngeluarka kamus 2000 leka jaku baru . Kira-kira 30 iti leka jaku ke ditempa iya agi dikena nyentuk ke sehari tu. Tu nyengkaum ambika chunto laip (‘bangkai’) tauka mõrv (‘pemunuh’). [4] Prinsip iya (utiliti, estetika enggau kualiti asal) disimpulka dalam bup Keeleuuenduse (Perspektif Ekstrim Inovasi Jaku; Tartu, 1924).
Inovasyen jaku lubah iya mati pengudah akta taun 1927 ti ngasuh sekula wajib ngajar jaku Estonia standard baka ti diengkah dalam Diksionari Ortografi Estonia (1925, tuai editor Johannes Voldemar Veski) enggau Jaku Estonia (dikarang Elmar Muuk, 1927). Taja pia, sekeda leka jaku ti diperambu Aavik lalu labuh ngagai pengelala udah diambi lalu diberi kelala baru ulih bala literati ti baru agi.
Karang pasal inovasyen jaku dalam jaku Estonia ti digaga Paul Saagpakk tau ditemu dalam Bup Sereba Reti Estonia–Inggeris iya.
Pemidang enggau legasi
[edit | edit bunsu]Aavik midang ba Stockholm, Sweden . Kena 26 September 1992, Gerempung Johannes Aavik ditumbuhka ba Tallinn, Estonia. Gerempung tu meri fokus ngagai pansik jaku Estonia lalu kelebih agi ba aspek jaku nya ti bekaul enggau Johannes Aavik. Gerempung tu bisi 107 iku kaban. Gerempung tu ngeluarka penerbitan "Keeleuuenduse Kirjastik".[5]
Penyanding
[edit | edit bunsu]- ↑ Toivo Miljan, Historical Dictionary of Estonia, Scarecrow Press 2004
- ↑ The International Who's Who 1943-44. 8th edition. George Allen & Unwin, London, 1943, p. 1.
- ↑ 3.0 3.1 Zuckermann, Ghil'ad (2003), Language Contact and Lexical Enrichment in Israeli Hebrew. Palgrave Macmillan. ISBN 978-1403917232, pp. 149-150.
- ↑ Vabar, Sven. "Johannes Aavik". sisu-vana.ut.ee.
- ↑ EE, Eesti entsüklopeedia. [Encyclopedia of Estonia] A-Ü. Tallinn: Valgus. 2003. p. 7. ISBN 9985701410.