Jesus dalam pengarap Kristian

Christ on the Cross, 1870, dilukis Carl Heinrich Bloch, ngambarka Pengeregang Jesus

Dalam pengarap Kristian, Jesus nya Anak Allah Taala baka ke ditulis dalam Sempekat Baru Bup Kudus, lalu dianggap nyadi Allah Taala Anak, persona dalam Triniti Tuhan. Orang Kristian pechaya iya tu messiah Judah (merika iya gela Kristus), ke udah dipadah jaku benabi dalam Sempekat Lama Bup Kudus. Nengah Pengeregang Jesus lalu angkat ari mati, orang Kristian pechaya Tuhan udah meri pengelepas ngagai mensia sereta pengidup meruan, nengah pemati Jesus ti nebus semua dosa.

Ajar tu ngemeratka Jesus nyadi Dumba Allah Taala, lalu milih kena diperinsa ba regang di Kalvari nyadika tanda iya ngasika peneka Allah Taala, nyadi "agen enggau nembiak Allah Taala". Pemilih Jesus ngengkahka iya nyadi orang ti taluk, enda baka Adam ti enda taluk. Nitihka sempekat, pengudah iya angkat ari mati, Jesus niki ngagai serega lalu duduk ba tangan kanan Allah Taala Apai, lalu pengikut iya nganti penatai kedua iya ngagai Dunya sereta Pengawa Akim Kepenudi.

Nitihka jerita injil, Jesus ada ari indu dara, lalu iya ngajar orang Judah ke bukai chara nitihka Allah Taala (kekadang ngena sempama), ngerejaka kereja ajih lalu ngempuruka murid.

Taja bisi jurai teologi pasal penteba Jesus, orang Kristian Trinitarian pechaya Jesus nya Logos, ayan Allah Taala (Allah Taala dalam tukuh mensia), Allah Taala Anak, enggau "Allah Taala bendar sereta mensia bendar"—penuh ilahi enggau penuh mensia. Jesus, udah nyadi mensia ti penuh dalam semua pekara, iya napi pemedis enggau penguji mensia, tang iya nadai dosa.