Jeanne d'Arc
Jeanne d'Arc | |
|---|---|
 Historiated initial depicting Joan of Arc[lower-alpha 1] | |
| Virgin | |
| Ada | c. 1412 Domrémy, Duchy of Bar, Kingdom of France |
| Midang | 30 May 1431 (aged Templat:Approx.) Rouen, Anglo-French Kingdom |
| Dipebasa ba | |
| Diberekat | 18 April 1909 by Pope Pius X |
| Dikanon | 16 May 1920 by Pope Benedict XV |
| Pengerami | 30 May |
| Patronage | France |
| Sain | |
 | |
Jeanne d'Arc (Middle French: Jehanne Darc [ʒəˈãnə 'dark] ; c. 1412 – 30 Mei 1431) nya siku sante pengelindung Peranchis, dipebasaka nyadi orang ke ngetanka bansa Peranchis ketegal pengawa iya dalam empang Orléans enggau penetap ati iya ba pengawa ngengkahka Charles VII Peranchis nyadi raja maya Perang Seratus Taun. Ngaku diri bejalaika pengawa ari baruh iring petara, iya nyadi ketuai soldadu ti ngelui ari pengawa lelaki enggau indu lalu bulih pengangkun nyadi penyelamat Peranchis.
Jeanne ada ari ruang bilik orang bumai ke bisi reta tengkira ba Domrémy di timur laut Peranchis. Dalam taun 1428, iya minta dibai ngagai Charles VII, udah nya iya besaksi madahka diri diiring genera ari tuai melikat Mikael, Sante Margaret, enggau Sante Katerine kena nulung iya nyelamatka Peranchis ari kuasa Inggeris. Ketegal pechaya ke pengangkun enggau penuchi iya, Charles nganjung Jeanne, ke beumur urung tujuh belas taun, ngagai empang Orléans nyadi sebagi ari soldadu bantu. Iya datai ba mengeri nya dalam bulan April 1429, megai menira iya lalu mai pengadang ngagai soldadu Peranchis ke udah putus pengarap. Semilan hari sepengudah iya datai, orang Inggeris ninggalka empang nya. Joan meransang Peranchis enggau agresif ngelaban Inggeris maya Kimpin Loire, ti ngujungka siti agi pemenang ti tegap ba Patay, muka jalai ngagai soldadu Peranchis mansang ngagai Reims nadai ngelaban, ke alai Charles dichiri nyadi Raja Peranchis enggau Jeanne ba sepiak iya. Pemenang tu ngangkatka semengat Peranchis, lalu muka jalai ngagai pemenang kepenudi sida ba Perang Seratus Taun beberapa dekad udah nya.
Pengudah Charles dichiri nyadi raja, Joan nyeretai empang Paris ke enda mujur dalam bulan September 1429 enggau empang La Charité ke enda mujur dalam bulan November. Pengawa iya dalam alah tu ngurangka pengarap kort ngagai iya. Ba pun taun 1430, Joan ngatur siti kompeni voluntia kena ngelepaska Compiègne, ke udah dikepung orang Burgundia —Peranchis ke bebakih enggau orang Inggeris. Iya ditangkap soldadu Burgundia kena 23 Mei. Pengudah nguji ngelarika diri tang enda mujur, iya lalu diserah ngagai orang Inggeris dalam bulan November. Iya dipechara Bishop Pierre Cauchon ketegal dituduh bisi pengarap nyimpang ari pengarap, ti nyengkaum bejaika Petara ngena gari lelaki, ngereja utai nitihka sitan, sereta enggai nyerahka jaku enggau pengawa iya ngagai ukum gerija. Iya ditukuka salah lalu ditunu kena 30 Mei 1431, umur iya urung sembilan belas taun.
Ba taun 1456, kort inkuisitorial mansik baru pechara Jeanne lalu nginsil pemutus nya, lalu madahka pemutus nya udah kamah ketegal nipu sereta pengilap prosedur. Jeanne udah digambarka nyadi kaban ti taluk ngagai Gerija Katolik, siku feminis ke dulu suba, sereta lambang pengelepas enggau meredeka. Iya dipebasaka orang mayuh nyadi siku martir. Pengudah Revolusyen Peranchis, iya nyadi lambang nasional Peranchis. Dalam taun 1920, Jeanne d'Arc dikuduska Pope Benedict XV lalu, dua taun udah nya, iya ditukuka nyadi siku ari sante ke nyaga Perancis. Iya digambarka dalam mayuh macham pengawa budaya, nyengkaum litaricha, muzik, lukis, ukir, enggau teater.
Nama
[edit | edit bunsu]Nama Jeanne d'Arc ditulis ngena mayuh macham chara. Nadai sepil standard nama iya sebedau abad kenam belas; nama iya ke penudi selalu iya ditulis "Darc" nadai apostrofi, tang bisi varian baka "Tarc", "Dart" tauka "Day". Nama apai iya ditulis "Tart" maya iya dipechara.[3] Iya dikumbai “Jeanne d’Ay de Domrémy” dalam surat Charles VII taun 1429 ti meri iya lambang menua.[3] Joan engka enda kala ninga diri dikumbai "Jeanne d'Arc". Rekod betulis keterubah iya dikangau ngena nama tu iya nya ba taun 1455, 24 taun pengudah iya mati.[3]
Iya enda diajar macha enggau nulis maya iya agi mit,[4] lalu pia mega iya nentu surat iya.[3] Iya engka udah nya belajar nyain nama diri, baka sekeda surat iya ke disain, lalu iya engka belajar macha. Joan ngumbai diri dalam surat nya Jeanne la Pucelle ("Joan indu dara") tauka baka la Pucelle ("Indu dara"), ngemeratka pengawa dara iya, lalu iya nyain "Jehanne". Dalam kurun kenam belas, iya dikelala enggau nama "Maid of Orleans".[3]
Penyanding
[edit | edit bunsu]- ↑ Contamine 2007, p. 199: Cette miniature du XVe siècle, très soignée (l'étendard correspond exactement à la description que Jeanne d'Arc elle-même en donnera lors de son procès) ... Mais c'est précisément cette exactitude, et cette coïncidence, trop belle pour être vraie, qui éveillent—ou plutôt auraient dû éveiller—les soupçons ... [This miniature from the 15th century, very neat (the banner corresponds exactly to the description that Joan of Arc herself will give during her trial) ... But it is precisely this exactitude, and this coincidence, too good to be true, which arouses—or rather should have aroused—suspicion ...]
- ↑ The Calendar 2021.
- ↑ 3.0 3.1 3.2 3.3 3.4 Pernoud & Clin 1986.
- ↑ Gies 1981.
Nota
[edit | edit bunsu]- ↑ This historiated initial from the Archives Nationales has been dated to the second half of the 15th century, but it may be an art forgery.[1]