Pegi ngagai isi

Jam ba Malaysia

Ari Wikipedia
(Dikalihka ari Jam Standard Malaysia)
Jam ba Malaysia
Zon jam
Imbang UTC
MSTUTC+08:00
Jam kemaya tu
09:18, 8 Nobember 2026 MYT [refresh]
Guna jam musin angat
Jam musin angat enda dikena dalam zon jam tu.

Jam Standard Malaysia (MST; Melayu: Waktu Standard Malaysia , WSM[1] tauka Melayu: Waktu Piawai Malaysia, WPM) iya nya jam standard ti dikena di Malaysia. Iya 8 jam dulu ari Jam Universal Seraris (UTC).[2] Malaysia enda nitihka jam musin angat.

Sejarah

[edit | edit bunsu]

Jam lokal di Kuala Lumpur asal iya GMT+06:46:46. Semenanjung Malaysia ngena jam purata lokal di Kuala Lumpur nyentuk ngagai 1 Januari 1901, lebuh sida betukar ngagai jam purata Singapura GMT+06:55:25. Entara pengujung Perang Dunya Kedua enggau penumbuh Malaysia kena 16 September 1963, iya dikelala enggau nama Jam Standard Malaya British, iya nya GMT+07:30. Pukul 23:30 jam menua tu kena 31 Disember 1981, orang di Semenanjung Malaysia ngeluruska jam enggau jam sida ke mua 30 minit ngambika nyadi jam 00:00 jam menua tu kena 1 Januari 1982, ngambika setipak enggau jam ke dikena di Malaysia Timur, iya nya GMT+08:00. Jam Standard Singapura nitihka chara nya lalu udah terus ngena jam ti sama enggau Malaysia.

Standardisasyen jam ba menua Malaysia

[edit | edit bunsu]

Menteri Besai Malaysia Mahathir Mohamad madahka orang di Semenanjung Malaysia deka ngatur jam sida ke mua 30 minit ngambika setipak enggau jam ke dikena di Malaysia Timur (GMT+08:00) kena 31 Disember 1981. Jam ditukar kena 1 Januari 1982 ari pukul 00:00 (jam lama) ngagai 00:30 (jam baru).[3] Pekara tu diteritka dalam undang-undang nengah Akta Jam Standard Malaysia 1981. Diperatika undang-undang rasmi ke dikena agi merujuk ngagai Jam Purata Greenwich (GMT) lalu enda dikemaru ngena Jam Universal Seraris (UTC).[2]

Penyaga jam

[edit | edit bunsu]

Kena 1 Januari 1990, Kabinet Malaysia nyiri Laboratori Metrologi Nasional (SIRIM) nyadi pengawa ngatur jam rasmi Malaysia. Pengawa ngintu jam ke diatu bepanggai ba standard Jam Sedunya Terkoordinasyen (UTC) kandang endur +00:00, diganti ke mua 8 jam (UTC+08:00). Skala jam tu datai ari lima jam atom ke dijaga SIRIM lalu seruran dalam timpuh 0.9 saat ari jam ke sah.[4]

Kereban sanding

[edit | edit bunsu]
  1. ↑ "Waktu Standard Malaysia: Semakan Ketepatan Jam Anda (SIRIM MST)". Harian Post. 12 April 2021. Retrieved 7 February 2025.
  2. ↑ 2.0 2.1 Commissioner of Law Revision (1 January 1982). "Malaysian Standard Time Act 1981" (PDF). Retrieved 5 February 2025. Pesuruhjaya Penyemak Undang-Undang (1 January 1982). "Akta Waktu Standard Malaysia 1981" (PDF). Retrieved 5 February 2025.
  3. ↑ Cheah, Danyal (9 April 2021). "The Forgotten History Of Malaysia's 6 Timezone Changes". The Rakyat Post. Archived from the original on 10 February 2022. Retrieved 16 September 2022.
  4. ↑ National Metrology Institute of Malaysia, SIRIM. "The Malaysian Standard Time". mst.sirim.my (in Inggeris). Retrieved 2025-02-05.

Laman web ke bukai

[edit | edit bunsu]