Jaku sema
Jaku sema enti nitihka reti iya ba jaku Iban ukai semina Jaku sempama tulin laban iya semina jaku dikena nyemaka gaya utai ke deka diterangka kitai ngagai peninga ngambika sida jampat meretika kuing beriya ke dipadahka kitai ngagai sida.Tambah mega, jaku sema tu ukai jaku semapama(ba Iban) laban iya udu nyemetak nyebut gaya utai ke endur kitai nunjukka sema kitai nya enggau enda belalai sereta nadai beentelah.
Latar belakang
[edit | edit bunsu]Jaku sema tau dikumbai jaku dalam laban iya dikena nyema sereta mai reti kediri ke dalam enggau menyana.Jaku sema bepun enggau beberapa bengkah leka jaku nyengkaum baka, asai enggau munyi. Ambi ke chunto iya ke bepun enggau baka iya nya baka gerama ke ngirit sepit (sigi chukup terang reti). Reti nya sebaka enggau gaya pengelubah pejalai gerama ke ngirit sepit iya empu. Reti jaku sema tu ke bendar iya nya madahka sereta nerangka pengelubah mensia ngereja pengawa. Pia mega, jaku smea ke bepun ari asai iya nya asai ke nganti indai pulai nebu. Jaku sema tu endang chukup terang sereta enda belalai. Reti iya madahka ulah mensia ke dikenang kitai nya sebaka enggau ulah anak mit ke tetengukka utai manis baka tebu nya alai nganti indai enggau pengandal ati. Reti jaku sema tu ke bendar iya nya dikena madahka tauka nerangka gaya ulah tauka pendiau mensia ke tetenguk tauka keras deka ninga berita ke manah ke sigi lana udah dianti tauka nganti utai ke dikeinginka kitai datai segenda. Lalu chunto jaku sema ke bepun enggau munyi iya nya munyi ke nyiuhka ai. Jaku tu pan nadai belalai. Reti iya nyemaka munyi pemansut tai orang ke balat bira chirit.
Pemanah
[edit | edit bunsu]Jaku sema endang manah dikena kitai nyema deka madahka siti-siti pekara taja pan ngena jaku ti bebungai laban iya enda belalai sereta nyamai dimeretika. Pia mega, iya tebalan dikena pengarang ba bup sereta nembiak ba sekula laban iya ulih ngemanahka karang kelebih agi karang ke digaga ba sekula.
Kereban sanding
[edit | edit bunsu][1] Jaku' Dalam. ISBN:9789834051389