Hotel Praha
| Hotel Praha | |
|---|---|
 | |
 | |
| Penerang rama | |
| Location | Prague-Dejvice |
| Menua | Republik Czech |
| Koordinat | 50°6′10.96″N 14°22′37.63″E / 50.1030444°N 14.3771194°E |
| Opened | 1981 |
| Closed | January 2013 |
| Demolished | 2014 |
Hotel Praha nya siti hotel mewah ti bepalan ba kandang endur Dejvice di Praha, Republik Czech. Digaga dalam taun 1981, hotel nya dikena pemesai Parti Komunis Czechoslovakia enggau temuai sida nyentuk taun 1989, lebuh iya dibuka ngagai mensia mayuh.[1] Iya direrak dalam taun 2014 sepengudah dibeli bilioner Petr Kellner.[2]
Sejarah
[edit | edit bunsu]Hotel Praha digaga dalam timpuh nam taun entara taun 1975 enggau 1981. Chunto seni bina pascamoden enggau brutalis, iya digaga arkitek Jaroslav Paroubek, Arnošt Navrátil, Radek Černý, enggau Jan Sedláček. Hotel tu bisi 136 iti bilik temuai, semua bilik nya bisi pemandang ngagai Istana Praha; pia mega kolam nyemerai ke bisi jubin seramik, kebun musin chelap, panggung wayang, enggau palan main boling. Lobi hotel nya bisi tangga bulat besai ti nyelai.[1]
Sekumbang perintah Komunis ba Czechoslovakia, hotel nya nyadi tuai rumah ngagai pemesai kanan Parti Komunis, lalu mega nyadi palan endur sida nyambut orang ke bepangkat tinggi ari menua luar, nyengkaum Leonid Brezhnev, Yasser Arafat enggau Muammar Gaddafi.[3][4][5] Pengudah Tirai Besi runtuh dalam taun 1989, hotel tu dibuka ngagai mensia mayuh lalu diklasifikasyenka nyadi hotel lima bintang.[6]
Tom Cruise diau ba hotel nya maya ngaga filem Mission: Impossible.[7] Iya mega dikena tim main bol nasional Czech nyentuk ke taun 2007, lebuh bala pemain iya ditemu bisi berami dia enggau kenayang sepengudah sida menang. Tim nya diasuh mayar sejuta koruna Czech nyadika ukum duit disiplin.[8]
Pengawa ngererak
[edit | edit bunsu]Dalam taun 2013, Hotel Praha udah dibeli siku bilioner Petr Kellner, pemungkal enggau pemegai saham majoriti Raban PPF. Iya mutuska deka ngererak hotel nya ngambika ulih ngaga kampus Open Gate, sebengkah sekula peribit ti udah ditumbuhka iya, ba tanah nya. Orang ke ngempu hotel nya sebedau tu udah ngumbai iya enda mai penguntung ketegal ungkus ngintu iya ke tinggi.[9] Pemutus deka ngeruntuhka nya nyadi kontroversi sereta napi bantah, laban sekeda peranak Prague ngumbai nya nyadi tanda sejarah enggau arkitektur ke patut dijaga. Uji deka ngaga hotel nya nyadi palan pesaka asal ti dijaga enda mujur.[9][2]
Pengawa ngererak Hotel Praha udah tembu digaga dalam bulan Jun 2014.[10] Taja pia, sekula Kellner enda kala digaga. Kellner mati dalam penusah bebadi bilun engkabang ba taun 2021.[11]
Penyanding
[edit | edit bunsu]- ↑ 1.0 1.1 Akkam, Alia (September 21, 2018). "Furniture Rescued from the Destroyed Hotel Praha Tells Its Complicated Story". Architectural Digest. Retrieved May 10, 2023.
- ↑ 2.0 2.1 "Communist-era Hotel Praha set for demolition". Radio Prague International. July 10, 2013. Retrieved May 10, 2023.
- ↑
{{cite web}}: Empty citation (help) - ↑ Kučera, Jakub (September 17, 2021). "Zbořený socialistický monument: Luxusní hotel pro komunistické papaláše zdemoloval nejbohatší Čech" [Destroyed socialist monument: Luxury hotel for Communist party officials was demolished by the richest Czech]. ČtiDoma.cz (in Czech). Retrieved May 11, 2023.
- ↑ Usai, Giovanni (August 5, 2013). "The end of the hotel Praha". Progetto Repubblica Ceca. Retrieved May 10, 2023.
- ↑ "Úřad vyšel Kellnerovi vstříc, dal povolení zbourat hotel Praha" [The Office met Kellner's wishes, gave him permission to demolish Hotel Praha]. Lidovky.cz (in Czech). December 16, 2013. Retrieved May 10, 2023.
- ↑ Baker, Mark (February 27, 2018). "The Weird, Wacky Wonderworld Of Communist-Era Hotels". RadioFreeEurope/RadioLiberty. Retrieved May 10, 2023.
- ↑ "Jan Koller promluvil o proslulé párty s prostitutkami na pokoji číslo 433" [Jan Koller talked about the fateful party with prostitutes in room number 433]. iDNES.cz (in Czech). February 9, 2022. Retrieved May 10, 2023.
- ↑ 9.0 9.1 Česká televize (January 22, 2014). "Zánik hotelu Praha je neodvratný, povolení k demolici platí" [The demise of Hotel Praha is irreversible, demolition has been permitted]. ČT24 (in Czech). Retrieved May 10, 2023.
- ↑ "VIDEO: Z hotelu Praha už nic nezbylo. Podívejte se, jak šel k zemi" [VIDEO: Nothing remains of Hotel Praha. Watch how it went to the ground]. iDNES.cz (in Czech). June 10, 2014. Retrieved May 10, 2023.
- ↑ "Czech billionaire Petr Kellner is among five killed in Alaska crash". BBC News. March 29, 2021. Retrieved May 10, 2023.