Hemisfer Utara
Hemisfer Utara nya bagi setengah Bumi ti bepalan utara ari ekuator. Ungkup planet bukai dalam Sistem Solar, utara didefinisyenka nyadi dalam sama hemisfer langit relatif ngagai bidang ti enda berubah Sistem Solar nyadi Pol Utara Bumi.[1]
Ketegal siuk aksis Bumi sepemayuh 23.439281°, bisi variasyen bemusin ba pengelama siang enggau malam. Bisi mega variasyen bemusin ba tikas pengangat, ti tinggal ari variasyen siang enggau malam. Sechara konvensional, musin chelap ba Hemisfer Utara diambi nyadi timpuh ari solstis Disember (biasa iya 21 Disember UTC) ngagai ekuinoks Mac (biasa iya 20 Mac UTC), seraya musin angat diambi nyadi timpuh ari solstis Jun nyentuk ngagai ekuinoks September (biasa iya kena 23 September UTC). Haribulan nya bebida ninting taun ketegal bida entara taun kalendar enggau taun astronomi. Dalam Hemisfera Utara, arus tasik ulih ngubah gaya hari ti ngeruga mayuh faktor dalam tebing tasik utara.
Mua bumi hemisfer Utara ngundan 60.7% ai, enti dibanding enggau 80.9% ai dalam kes Hemisfer Selatan, lalu iya mega ngundan 67.3% ari tanah di Bumi.[2] Benua Amerika Utara enggau tanah besau Eurasia bepalan sepenuh iya ba Hemisfer Utara, begulai enggau kira-kira dua pertiga ari Afrika enggau sebagi mit ari Amerika Selatan.
Kereban sanding
[edit | edit bunsu]- ↑ Archinal, Brent A.; A'Hearn, Michael F.; Bowell, Edward G.; Conrad, Albert R.; Consolmagno, Guy J.; et al. (2010). "Report of the IAU Working Group on Cartographic Coordinates and Rotational Elements: 2009" (PDF). Celestial Mechanics and Dynamical Astronomy. 109 (2): 101–135. Bibcode:2011CeMDA.109..101A. doi:10.1007/s10569-010-9320-4. S2CID 189842666. Archived from the original (PDF) on 2016-03-04. Retrieved 2018-09-26.
- ↑ Life on Earth: A – G.. 1. ABC-CLIO. 2002. p. 528. ISBN 9781576072868. Archived from the original on 22 January 2023. Retrieved 8 September 2016.