Hari Nasional (Brunei)
| Hari Kebangsaan (National Day) | |
|---|---|
 National Day 2024 | |
| Nama resmi | Hari Kebangsaan |
| Pia mega dikumbai | Hari Kemerdekaan |
| Diintu | Bruneians |
| Bansa | National |
| Reti | Marks the independence of Brunei |
| Haribulan | 23 February |
| Next time | Templat:Date-mf |
| Penyuah | Annual |
| Keterubah | 1985 |
Hari Nasional ( Melayu: Hari Kebangsaan; Jawi : کبڠساءن هاري) tauka Hari Meredeka (Melayu: Hari Kemerdekaan) nya hari Kemisi rama di Brunei ngingatka ulang taun Brunei udah mantaika meredeka. Hari tu digaga nyadi hari kemisi rama nengah dekrit perintah dalam taun 1985.[1] Taja pan Brunei udah dilengka ari United Kingdom maya 1 Januari 1984, tang semina ba bulan Februari baru Brunei udah lepas ari kuasa British.[2]
Sejarah
[edit | edit bunsu]Latar belakang
[edit | edit bunsu]Dalam taun 1888, Brunei nyain sempekat enggau British ngambika dijaga sida lalu ulih nentuka pengidup politik iya empu.[3] Lebuh pengawa lanun enggau pengawa ngelaban ngeruga atur dalam perintah lalu Rajah Putih Sarawak nyerungkai garis entara menua, Sultan Hashim Jalilul Alam Aqamaddin minta bantu ari perintah British dikena ngelaunka tanah Brunei ti jampat runtuh. Residensi British ditumbuhka dalam taun 1906, lalu Brunei mengkang dipegai sida pengelama 53 taun tambah. Sempekat Konstitusyen, ti ngemunaska pinta diau sereta numbuhka perintah kediri seraya ninggalka Britain megai tanggung pengawa ngetan enggau polisi luar, disain enggau United Kingdom dalam taun 1959, nyadika pun pejalai menua nya nuju meredeka. Timpuh meredeka ditetapka nengah sempekat ke udah nya enggau United Kingdom dalam taun 1971 enggau 1979. [4][3]
1 Januari 1984
[edit | edit bunsu]Pukul 00:01 tengah malam 1 Januari 1984, Sultan Hassanal Bolkiah macha Deklarasyen Merdeka:[5] Lebuh proklamasyen nya dibacha, Omar Ali Saifuddien III, apai Raja Besai, nguluka tiga kali ngangau "Allahu Akbar" ba entara 30,000 iku orang ke begempuru ba Padang Besar (diatu Taman Haji Sir Muda Omar 'Ali Saifuddien ). Pengudah lagu menua Allah Peliharakan Sultan dimain, tabi basa 21 senapang ditimbak dikena ngerami pengawa nya, lalu bunyi hadrah begetar ngelingi padang.[3] Lemai nya, indu nengeri Bandar Seri Begawan penuh enggau mensia mayuh besampika pengawa nyerahka pengawa lanchar ba luar Masjid Sultan Omar Ali Saifuddin enggau padang taja pan ujan bangat. Taja pan Brunei madahka diri merdeka kena 1 Januari, haribulan Hari Kebangsaan dipilih nyadi 23 Februari. Stadium Kebangsaan Hassanal Bolkiah dipilih nyadi palan endur ngatur pengerami nya.[6] Pemangku Kepala Menteri (Menteri Besar), Abdul Aziz, nyadi tuai pengawa nyendiaka diri.
Penatai
[edit | edit bunsu]Sekeda orang kunchi Komanwel enggau pengari menua bisi datai ngulu pengerami nya, baka:
- Charles, Putera menua Wales
- Tupou IV, Raja Tonga
- Suharto, Presiden Indonesia
- Ferdinand Marcos, Presiden Filipina
- Zia-ul-Haq, Presiden Pakistan
Tema
[edit | edit bunsu]Bisi mayuh macham tema ti dikena ngintu hari kebangsaan baka;
| Taun | Tema | Salin |
|---|---|---|
| 1985 | Bersatu Padu Menghayati Konsep Negara Melayu Islam Beraja | Beserakup Angkunka Konsep Perintah Raja Bansa Melayu Islam |
| 1986 | Membangun Negara Tanggungjawab Bersama | Nempa Menua Tanggungpengawa Sama |
| 1987 | Bersatu Ke arah Keamaan dan Kemajuan | Beserakup Nuju Pemaik enggau Pemansang |
| 1988 | Berdisiplin Cergas Berbudaya Negara Bahagia | Bedisiplin Regas Bebudaya Menua Senang |
| 1989 | Berdikari Meningkatkan Kemakmuran Negara | Atas Kaki Kediri Nambahka Pengelantang Menua |
| 1990 | Perhubungan Berkesan Mengeratkan Perpaduan | Kaul Efektif Negapka Penyerakup |
| 1991 | Bersatu Padu Mengekalkan Ketahanan Nasional | Bersatu Ngetanka Pengeliat Menua |
| 1992 | Menanai Kedaulatan Tanahairku | Ngidupka Pengelikun Menua Asal Aku |
| 1993 | Meneguhkan Kesejahteraan Tanahairku | Ngeringka Pengelantang Menuaku |
| 1994 | Bangsa Cemerlang Tanahair Gemilang | Bansa Nyulut Tanah Asal Mulia |
| 1995 | Brunei Darussalam Tanahairku | Brunei Darussalam Menua Asalku |
| 1996 | Pembangunan Masyarakat Matlamat Negara | Pemansang Komuniti Tuju Menua |
| 1997 | Kemajuan Ekonomi Teras Kesejahteraan | Pemansang Ekonomi Paung Pengelantang |
| 1998 | Membina Insan Yang Sempurna Dengan Pendidikan Bersepadu | Nempa Mensia Sempurna Enggau Pelajar Begempung |
| 1999 | Siap Siaga Ke Alaf Baru | Sendia ngagai Millenium Baru |
| 2000 | Mengukuhkan Jati Diri Bangsa Di Alaf Baru | Negapka Identiti Bansa ba Milenium Baru |
| 2001 | Maju Bangsaku Sejahtera Negaraku | Mansang Bansaku Lantang Menuaku |
| 2002 | Memperkasa Keupayaan Bangsa | Negapka Pengelandik Bansa |
| 2003 | Bangsa Berilmu Negara Maju | Bansa Bepenemu Menua Mansang |
| 2004 | Patriotisme Teras Keteguhan Negara | Patriotisme Paung Penegap Menua |
| 2005 | Bersepadu Memperkasa Mandiri Bangsa | Begempung Meri Kuasa Ngagai Bansa |
| 2006 | Mempertingkatkan Daya Saing Bangsa | Ngangkatka Daya Besai Bansa |
| 2007 | Iltizam Memperkasa Keupayaan Bangsa | Komitmen Ngeringka Pengelandik Bansa |
| 2008 | Tunas Bangsa | Paung Bansa |
| 2009 | Kedewasaan Bernegara | Pemesai bemenua |
| 2010–2013 | Negaraku Brunei Darussalam | Menuaku Brunei Darussalam |
| 2014–2016 | Generasi Berwawasan | Rebak bevisyen |
| 2017–2023 | Menjayakan Wawasan Negara | Nyapai Visyen Nasional |
| 2024-2025 | Bersatu Mencapai Cita Negara | Beserakup Nyapai Aspirasyen Menua |
Penyanding
[edit | edit bunsu]- ↑ "Kementerian Kebudayaan, Belia dan Sukan". 2018-02-25. Archived from the original on 2018-02-25.
- ↑ "Hari Kebangsaan 2023, 2024 dan 2025 di Brunei Darussalam".
- ↑ 3.0 3.1 3.2 Siddique, Sharon (1985). Southeast Asian Affairs 1985 - NEGARA BRUNEI DARUSSALAM. ISEAS Publishing. doi:10.1355/9789812306753-009. ISBN 9789812306753. Penyalat nyebut: Tag
<ref>tidak sah, nama ":1" digunakan secara berulang dengan kandungan yang berbeza - ↑ "Look Hack Brunei's First Nasional Day". The Scoop.
- ↑ "Brunei Darussalam National Day".
- ↑ Mulliner, K. "Brunei in 1984: Business as Usual after the Gala". Asian Survey: 214–219. doi:10.2307/2644305.