Pegi ngagai isi

Hari Muzium Entarabansa

Ari Wikipedia
Orang ke nemuai ngagai Muzium Seni Halus Pushkin maya Hari Muzium Entarabansa

Hari Muzium Entarabansa iya nya hari entarabansa ke diatur ninting taun kena tauka urung 18 Mei, ti dikoordinasyen Kaunsil Muzium Antarabansa (ICOM). Pengawa tu mantaika tema ke spesifik ti berubah ninting taun ngayanka tema tauka isu ke relevan ke ditapi muzium ba renggat entarabansa. IMD meri awak ngagai raban profesyenal muzium betemu enggau mensia mayuh sereta ngelalau sida pasal pemar ke ditapi muzium, sereta ngangkatka penyedar mensia mayuh pasal pangku pengawa muzium dalam pemansang mensia mayuh. Pengawa tu mega ngangkatka randau entara raban profesyenal muzium.[1]

Sejarah

[edit | edit bunsu]

Hari Muzium Entarabansa keterubah diatur dalam taun 1977, ti dikoordinasyen ICOM.[1][2][3] Hari Muzium Entarabansa ditumbuhka berindik ari penerima resolusyen ari ICOM dikena nempa pengawa ninting taun "enggau tuju nyerakupka agi aspirasyen enggau pengawa kreatif muzium sereta narit ati mensia mayuh ba serata dunya ngagai aktiviti sida."[4]

Ninting taun, muzium dikangau ngambi bagi dalam IMD dikena ngelakuka pangku pengawa muzium di serata dunya. Sida ngereja nya nengah pengawa enggau aktiviti ti bekaul enggau tema ninting taun. Tema ninting taun ungkup pengawa tu keterubah iya diterima dalam taun 1992. Siti poster entarabansa ari ICOM keterubah iya digaga dalam taun 1997, lalu dalam taun nya dikena 28 bengkah menua. Dalam taun 2009, IMD narit penyereta 20,000 muzium ti ngatur pengawa ba lebih 90 bengkah menua. Ba taun 2010, bisi 98 bengkah menua ngambi bagi ba pengerami nya, enggau 100 bengkah menua ba taun 2011, lalu 30,000 buah muzium ba 129 bengkah menua ba taun 2012. Dalam taun 2011, poster rasmi IMD udah disalin ngagai 37 bansa jaku. Datai ba taun 2014, 35,000 muzium ari 140 bengkah menua ngambi bagi dalam IMD.[5]

Garis maya

[edit | edit bunsu]

2011

[edit | edit bunsu]

Urung 30,000 buah muzium ba 110 bengkah menua bisi enggau ngintu Hari Muzium Enterabansa 2011, ti berambaika leka jaku Muzium enggau Pengingat: Objek nusui cherita kitai.[6]

Lima topik udah ditumbuhka maya Hari Muzium Entarabansa 2011:

  • Ngintu sereta akses ngagai koleksyen enggau dokumen.
  • Sejarah muzium
  • Pengingat ti dilalaika.
  • Penyambung entara pengingat, komuniti enggau identiti, nyengkaum identiti ruang bilik.
  • Pemeri budaya Afrika ngagai dunya.

Di Australia, Muzium Lumba enggau Main Nasional di Melbourne ngatur program ke dikumbai Ngingatka Momen ke Ngaga Kitai ke alai temuai muzium nya bisi peluang betemu sereta berandau enggau legenda lumba enggau main (Memory Makers) ke meri bantu ngagai momen enggau pengingat lumba enggau main ke besai.[7][ <span title="The material near this tag failed verification of its source citation(s). (April 2016)">enda mujur ngesah</span> ]

2012

[edit | edit bunsu]

Hari Muzium Antarabansa 2012 disambut bepelasarka tema Muzium dalam dunya ti benung berubah. Pemar baru, inspirasyen baru.

Ba Lithuania, taun 2012 dipadahka nyadi Taun Muzium,[8] dikena bebasaka dua ratus taun pemuka muzium rama keterubah di menua nya.

Hans-Martin Hinz, Presiden ICOM,[9] ngelancharka pengawa tu ari Bahrain, enggau penemuai ngagai pengawa pemandang Muzium Nasional Tylos: Pejalai Ngelui Pengidup ti ngenang baru adat nguburka orang dalam sejarah kelia Bahrain. Iya udah nya ngasaika muzium mindah kin kitu Enkiru, siti sambung ari pengawa pemandang ti dituju mina ngagai nembiak mit beumur 7 ngagai 11 taun.[10] Kepenudi iya, iya nyeretai woksyop ke diungkupka ngagai raban profesyenal muzium ke baru mansang ke diatur Komiti Nasional Bahrain, bekerejasama enggau ICOM Arab. Berebak enggau nya, Presiden ICOM empu meri terima kasih ngagai muzium China enggau Argentina nengah nganjung video ngagai sida, ditabur maya pengerami ngelanchar Hari Muzium Entarabansa di China enggau Argentina.

2017

[edit | edit bunsu]

Tema taun tu iya nya Muzium enggau sejarah ti diperebutka: Madahka utai ti enda ulih disebut dalam muzium, mantaika pangku pengawa muzium ungkup ngelakuka kaul ti likun seraya napi narasi sejarah ti diperebutka.[11] Taun 2017 meda rikut baru ba penyampau institusyen enggau menua ngambi bagi dalam IMD, enggau 36,000 muzium ari 156 bengkah menua.[12]

2018

[edit | edit bunsu]

Dalam taun 2018 tema ungkup Hari Muzium Entarabansa iya nya Muzium Hyperconnected: Chara baru, mensia mayuh baru. 143 kandang menua tauka menua ngambi bagi ba pengawa nya lalu 92 bengkah menua ngintu hari nya nyadi hari besai nasional.[13]

2019

[edit | edit bunsu]

Hari Muzium Entarabansa 2019 berambaika tema Muzium nyadi Hab Budaya: Tradisyen jemah ila, sama tema enggau Aum Besai ICOM 2019 di Kyoto.[14]

2020

[edit | edit bunsu]

Ketegal pandemik COVID-19, Hari Muzium Entarabansa 2020 ti berambaika jaku, Muzium ungkup Penyamai: Pemayuh macham enggau Penyerakup,[15] keterubah iya ditanda enggau pengawa virtual.[16]

2021

[edit | edit bunsu]

Ba taun 2021, tema Hari Muzium Entarabansa fokus ngagai empas pandemik COVID-19 ngagai muzium, enggau baka ni sida ulih gerai ari empas nya ari baruh tema Jemah Ila Muzium: Gerai enggau Bayangka Baru.[17] Sekumbang pandemik 100 muzium pemadu manah di dunya meda penyampau temuai nurun 77%.[18]

Kereban sanding

[edit | edit bunsu]
  1. ↑ 1.0 1.1 Varbanova, Lidia (2013). Strategic management in the arts. New York: Routledge. p. 74. ISBN 978-0-203-11717-0. OCLC 823170111. Penyalat nyebut: Tag <ref> tidak sah, nama ":5" digunakan secara berulang dengan kandungan yang berbeza
  2. ↑ WADLOW, RENE (2015). "International Museum Day: The Advancement Of Learning And Culture". World Affairs: The Journal of International Issues. 19 (3): 150–153. ISSN 0971-8052. JSTOR 48505463.
  3. ↑ "ICOM Website on IMD". icom.museum. Archived from the original on 2015-03-15. Retrieved 2012-10-07.
  4. ↑ "A little bit of history". IMD (in Inggeris AS). Retrieved 2021-05-18.
  5. ↑ "International Museum Day 2015: Museums for a sustainable society". museums.eu (in Inggeris). Retrieved 2021-05-18.
  6. ↑ "IFLA -- Launch of International Museum Day 2011 'Objects tell your story'". www.ifla.org. Retrieved 2021-05-18.
  7. ↑ "Website of the Australian government about IMD 2011". australia.gov.au. 2011. Archived from the original on July 15, 2012.
  8. ↑ "Museum Year in Lithuania". muziejai.lt. 2012.
  9. ↑ "Hans-Martin Hinz was elected President of ICOM". icom.museum. 2010.
  10. ↑ "Hans-Martin Hinz celebrated IMD 2012 in Bahreïn". Gulf Daily News. 2012. Archived from the original on 2012-05-06. Retrieved 2012-10-07.
  11. ↑ "International Museum Day 2017 | u4h". www.unite4heritage.org. Archived from the original on 2017-06-11. Retrieved 2021-05-18.
  12. ↑ "Ready to celebrate International Museum Day 2018?". museu.ms (in Inggeris). Retrieved 2021-05-18.
  13. ↑ "Highlights: International Museum Day 2018". ICOM (in Inggeris AS). Retrieved 2021-05-18.
  14. ↑ "#IMD2019 Museums as Cultural Hubs: The future of tradition". ICOM (in Inggeris AS). Retrieved 2021-05-18.
  15. ↑ "International Museum Day 2020 #IMD2020 – International Council of Museums Committee for University Museums and Collections" (in Inggeris AS). 10 December 2019. Retrieved 2021-05-18.
  16. ↑ "International Museum Day 2020 Goes Digital and Spotlights "Museums for Equality: Diversity and Inclusion"". American Alliance of Museums (in Inggeris AS). 2020-03-30. Retrieved 2021-05-18.
  17. ↑ "International Museum Day 2021: Theme and Significance". www.news18.com (in Inggeris). 2021-05-18. Retrieved 2021-05-18.
  18. ↑ "International Museum Day: The Impact Of Covid-19 Closures". Forbes India (in Inggeris). Retrieved 2021-05-18.

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Hari_Muzium_Entarabansa&oldid=13405"