Hari Meredeka (Estonia)
| Hari Meredeka | |
|---|---|
 Pengerami ngintu ulang taun keterubah Estonia meredeka ba indu nengeri Tallinn (24 Februari 1919) | |
| Nama resmi | Ulang Taun Republik Estonia |
| Diintu | Rayat Estonia |
| Reti | Ulang taun Deklarasyen Meredeka Estonia 1918 |
| Pengerami | Konsert, Pengawa bebaris soldadu |
| Haribulan | 24 Februari |
| Penyuah | ninting taun |
Hari Meredeka, nama rasmi iya nya Ulang Taun Republik Estonia (Estonia: Eesti Vabariigi aastapäev), iya nya hari besai nasional di Estonia ngingatka Deklarasyen Meredeka Estonia ti dipansutka ba indu nengeri Tallinn (Reval) kena 24 Februari 1918, numbuhka Republik Estonia. Kenyau ari nya, hari nya nyadi hari kebangsaan Estonia.
Latar belakang
[edit | edit bunsu]Deklarasyen Meredeka Estonia, ke mega dikelala enggau nama Manifesto ngagai Rayat Estonia diperambu Komiti Pengelepas ba Talinn ke udah dipilih bala tuai-tuai Dewan Wilayah Estonia. Asal iya deka dipadahka kena 21 Februari 1918, proklamasyen nya ditunda nyentuk ngagai lemai 23 Februari, lebuh manifesto nya dichelak lalu dipadahka ngagai bala mayuh maya demonstrasyen politik di mengeri Pärnu. Hari pengudah nya, 24 Februari 1918, manifesto nya dichelak lalu disadung ba indu nengeri, Tallinn. [1][2] Maya nya, lebuh Perang Dunya I, pengawa madahka diri meredeka nyadi entara soldadu Bolshevik Rusia ke surut enggau soldadu Jereman ke mansang, Tallinn mengkang bibas ari soldadu luar semina sehari aja, 24 Februari 1918. Maya dipegai Empayar Jereman ti nangkanka nya ari hari siti, Empayar Jereman enda ngaku Republik Estonia ti baru dipadahka. Taja pia, pengudah Kuasa Tengah alah dalam Perang Dunya I, Jereman nginsil soldadu iya ari Estonia, lalu enggau formal nyerahka kuasa di Estonia ngagai Perintah Enda Lama Estonia dalam bulan November 1918.[3]
Perintah Enda Lama Estonia mutuska udah kena 12 Februari 1919 ngingatka 24 Februari nyadi haribulan ulang taun deklarasyen meredeka. Dalam taun 1930-an, perintah berandauka sekalika hari kebangsaan patut dipindahka ngagai haribulan bukai ba "maya ke manah agi dalam taun" (ari sukut gaya hari), baka 15 Jun, dikena nanda haribulan lebuh Dewan Konstituen Estonia ngambi Konstitusyen dalam taun 1920. Haribulan hari kebangsaan enda kala diubah.
Pengerami
[edit | edit bunsu]Hari nya berengkah enggau pengawa nikika menira menua ba Menara Pikk Hermann tumu pagi.[4] Presiden Estonia ngatur pengerami nerima pengabang Hari Meredeka ke alai utai iyas nengeri diberi ngagai penerima ke nama sida dipansutka tumu. Kenyau ari maya meredeka Estonia dipulaika baru dalam taun 1991, tradisyen baru pengawa bebaris ari Raban Penyaga Pengelikun Estonia udah ditumbuhka, enggau pengawa bebaris keterubah diatur di Tallinn dalam taun 1993 nanda taun jubli intan kenyau ari penusah ke nyadi ba taun 1918. Kededua pengawa bebaris enggau pengawa nerima pengabang diatur ba taun ti bebida ba mengeri ti bebida; ba taun 2014 sida diatur ba Pärnu, lalu ba taun 2015 ba Narva, enggau pengawa bebaris taun nya ke bisi ngayanka kontinjen ari kaban menua NATO ke sama. Pengawa bebaris soldadu, pengawa nerima temuai enggau konsert ke dulu ari pengawa nerima temuai nya ditaburka terus nengah televisyen. Licha tu nyengkaum jaku ari Presiden. Laban pengawa nerima pengabang Presiden seruran diatur kena 24 Februari, pengawa nerima pengabang ke sebaka ari perintah menua suah diatur kena hari sebedau nya, 23 Februari. Sekula enggau institusyen bukai kekadang ngatur pengawa ngingatka Hari Merdeka tumu agi. [ <span title="This claim needs references to reliable sources. (September 2024)">sitasi ti diguna</span> ]
Pengawa bebaris soldadu Hari Meredeka
[edit | edit bunsu]Diatur ninting taun 1919–1940, lalu sekali agi kenyau ari taun 1993, pengawa bebaris sedadu ninting taun sedadu Estonia diatur ba Dataran Pengebibas Tallinn. Maya beberapa taun ke udah, suah iya ba pagi hari kemisi, tiang darat ke mungkur infantri enggau formasyen kebal bejalai nengah dataran ari Soldadu Darat, Soldadu Tasik, Soldadu Langit, enggau Liga Pengetan nyadi sebagi ari pengawa bebaris. Di luar soldadu, polis enggau gerempung nembiak kadet enggau paramiliter bukai diarika.
Gerempung ke di baruh tu nganjung unit enggau formasyen ngagai pengawa bebaris:
- Akademi Soldadu Estonia (KVÜÕA)
- Kolej Pengetan Baltik
- Batalion Jejaga
- Batalion Sukung enggau Isyarat Markas Küberkaitseliit
- Briged Infantri Ke-1
- Briged Infantri Ke-2
- Sukung Perintah
- Pasukan Operasyen Khas
- Voluntia Pelilih Menua Tallinn ari Liga Pengetan Estonia
- Naiskodukaitse (Pengetan Rumah Indu)
- Pengawa nyaga chura ari menua NATO enggau Serakup Eropah.
Galeri
[edit | edit bunsu]-
Pengawa bebaris soldadu Hari Meredeka ba Tartu (1919) -
Presiden Konstantin Päts meri jaku maya pengerami ngintu genap taun ke-20 Republik Estonia ba Dataran Meredeka, Tallinn (1938). -
Gerempung tarak universiti nirika menira dikena ngintu Hari Merdeka di Tartu. (2013) -
Bala mayuh meda pengawa bebaris soldadu di Tallinn (24 Februari 2011) -
Demonstrasyen politik di Tallinn kena 24 Februari 2018. Pengawa ninting taun nya udah diatur EKRE enggau Blue Awakening dikena ngintu Hari Meredeka. -
Bala soldadu Batalion Jejaga Soldadu Estonia ba pengawa bebaris (24 Februari 2018)
Kereban sanding
[edit | edit bunsu]- ↑ Arjakas, Küllo (23 February 2008). "23. ja 24. veebruar 1918: kuidas iseseisvust kuulutati" (in Estonia). Postimees. Archived from the original on 26 February 2008. Retrieved 24 February 2008.
- ↑ Vahtre, Lauri (23 February 2007). "89 aastapäeva – sinimustvalgega ja ilma" (in Estonia). Postimees. Archived from the original on 2 March 2007. Retrieved 24 February 2008.
- ↑ Rosenthal, Reigo (3 October 2012). "World War I". Estonica. Archived from the original on 27 Jun 2017.
- ↑ "February 24 — Estonia's Independence Day!". Visit Estonia.