Pegi ngagai isi

Hari Ai Sedunya

Ari Wikipedia
Hari Ai Sedunya
Pengerami Hari Ai Sedunya ba Kenya maya taun 2011
Diintu Orang enggau gerempung serata dunya, nyengkaum semua menua kaban GBB
Haribulan22 Mac
PenyuahNinting taun
Keterubah22 Mac 1993
Bekaul enggauAi, Pemansang meruan

Hari Ai Sedunya iya nya hari ngintu ninting taun Gerempung Bansa Beserakup (GBB) ti diatur kena 22 Mac ti mantaika pemesai guna ai tawas. Hari nya dikena ngarika pengawa ngatur pengeraja asal ai tawas enggau meruan.[1] Tema ninting taun fokus ngagai topik ti bekaul enggau ai beresi, sanitasyen enggau pemeresi (WASH), ti setipak enggau tagit Juluk Pemansang Meruan 6.[2] Ripot Pemansang Ai Sedunya PBB (WWDR) dipansutka ninting taun urung Hari Ai Sedunya.

UN-Water nyadi pengatur Hari Ai Sedunya lalu sida milih tema ninting taun enggau runding GBB ti bekunsi pengerindu ba fokus ungkup taun nya. Tema ungkup taun 2021 iya nya "Ngemeratka Ai" lalu kimpin rama nesau mensia mayuh nyeretai randau global ba media rama ngambika "nusui cherita, runding enggau asai ati kita pasal ai".[3]

Ba taun 2020, tema iya nya "Ai enggau Ubah Iklim".[4] Tema sebedau tu ungkup taun 2016 nyentuk ke taun 2019 iya nya "Ai enggau Pengawa",[5] "Nama kebuah ngayahka ai?"[6] "Rampa Menua ungkup Ai",[7] enggau "Nadai ninggalka sebarang orang".[8] Hari Ai Sedunya diintu di selampur dunya enggau mayuh macham pengawa. Pengawa tu tau nyadi teater, muzikal tauka ngelobi. Hari tu mega tau nyengkaum kimpin ngumpul duit ungkup sebarang projek ai. Hari Ai Sedunya keterubah iya ditetapka Gerempung Bansa-Bansa Beserakup dalam taun 1993.

Objektif enggau struktur

[edit | edit bunsu]
Bala nembiak mantaika pengawa mandangka wayang ungkup pekit "Jamban Sekula Aku" di Cagayan de Oro, Filipina, ungkup Hari Ai Sedunya dalam taun 2010

Hari Ai Sedunya nya hari ti dikemeratka ba renggat entarabansa. Juluk hari tu dikena meri inspirasyen ngagai mensia mayuh di serata dunya ngambika belajar enggau silik agi pasal isu bekaul enggau ai sereta begaum ngambika ulih mai pemida. Ba taun 2020, ketegal pandemik COVID-19, bisi fokus tambah ba pengawa nuchi jari enggau pemeresi.[9]

Isu ti bekaul nyengkaum penyuntuk ai, pengamah ai, bekal ai ti enda chukup, kurang sanitasyen, enggau empas ubah iklim (ti nyadi tema Hari Ai Sedunya 2020[10]). Hari tu mai penerang pasal akses ti enda sebaka ngagai servis WASH enggau pematut nentuka hak mensia ba ai enggau sanitasyen.

Laman web Hari Ai Sedunya madahka pengawa, aktiviti enggau peluang voluntia. Ba taun 2020, cherita ke dipandangka iya nya pasal nelebaka diri enggau empas ai ubah iklim sereta ngena ai enggau lanchat agi.[11]

Pengatur

[edit | edit bunsu]

UN-Water ngatur pengawa enggau gerempung kaban PBB ti bekunsi juluk ungkup tema taun nya. UN-Water ngerapitka semua bansa gerempung ngambika sida bejalaika pengawa, sekalika ba renggat global tauka dalam kandang menua.[12]

Chunto pengawa

[edit | edit bunsu]

Gerempung ukai dikuasa perintah ti chakah dalam sektor WASH, baka UNICEF, WaterAid enggau Ai enggau Sanitasyen ungkup Orang Seranta Mengeri (WSUP), ngena hari nya ungkup ngangkatka penyedar mensia mayuh sereta ngulihka perati media ungkup isu ai sereta meri inspirasyen ngagai pengawa.[13] Aktiviti udah nyengkaum ngeluarka litaricha enggau filem, kelimpah ngatur mija segala, seminar enggau eksposisyen.

End Water Poverty, gempung mensia mayuh global enggau 250 gerempung kaling, melanja Bulan Pengawa Ai ninting taun sereta meri bup lalau perambu pengawa.[14][15]

Ripot Pemansang Ai Sedunya GBB (WWDR) dipansutka ninting taun maya Hari Ai Sedunya. Penerang ti bekaul enggau tema ninting taun meri kereban ngagai orang ti ngaga pemutus dikena bejalaika pengawa ngena pengeraja bunsu ai enggau meruan.[16]

Majak mayuh inisiatif ba sekula enggau universiti ngajar mensia mayuh pasal pemesai guna ngintu sereta ngatur pengeraja bunsu ai.[17][18][19] Ambika chunto, Universiti Negeri Michigan ngatur pekit “poster Hari Ai Sedunya pemadu manah” dalam taun 2017. Tarak sekula primari di Filipina mega bisi enggau pekit "My School Toilet" dalam taun 2010.[20]

Sejarah

[edit | edit bunsu]

Hari tu keterubah iya diperambu enggau formal dalam Agenda 21 Aum Gerempung Bansa Beserakup 1992 pasal Rampa Menua enggau Pemansang di Rio de Janeiro. Kena bulan Disember 1992, Gempuru Besai Gerempung Bansa-Beserakup ngemendarka resolusyen A/RES/47/193 ke alai 22 Mac ninting taun ditukuka nyadi Hari Ai Sedunya.

Dalam taun 1993, Hari Ai Sedunya keterubah iya diintu. Arkib laman web kimpin Hari Ai Sedunya sebedau tu mega agi bisi.[21]

Penyanding

[edit | edit bunsu]
  1. ↑ "UN-Water: World Water Day". UN-Water. Archived from the original on 9 September 2020. Retrieved 10 March 2020.
  2. ↑ WHO and UNICEF (2017) Progress on Drinking Water, Sanitation and Hygiene: 2017 Update and SDG Baselines Archived 27 Februari 2020 at the Wayback Machine. Geneva: World Health Organization (WHO) and the United Nations Children's Fund (UNICEF), 2017
  3. ↑ "World Water Day". UN-Water. Archived from the original on 1 June 2020. Retrieved 21 March 2021.
  4. ↑ "World Water Day 2020 – Water and Climate Change". UN-Water (in Inggeris AS). 2020. Archived from the original on 6 March 2021. Retrieved 21 March 2021.
  5. ↑ "World Water Day 2016". UN-Water. Archived from the original on 6 October 2021. Retrieved 21 March 2018.
  6. ↑ "World Water Day theme (2017)". UN-Water. Archived from the original on 12 October 2018. Retrieved 21 March 2018.
  7. ↑ "World Water Day Theme (2018)". UN Water. Archived from the original on 6 October 2021. Retrieved 7 February 2019.
  8. ↑ "World Water Day Theme 2019". UN Water. Archived from the original on 6 March 2021. Retrieved 22 March 2021.
  9. ↑ "Promote hand hygiene to save lives and combat COVID-19". www.who.int (in Inggeris). Archived from the original on 8 March 2021. Retrieved 2021-03-22.
  10. ↑ "UN Water What We Do, Inspire Action (Official themes and previous campaigns)". UN-Water. Archived from the original on 18 November 2018. Retrieved 21 March 2018.
  11. ↑ "World Water Day 'What is being done?' (2020)". Archived from the original on 16 January 2020. Retrieved 21 March 2018.
  12. ↑ "Celebration of World Water day in 2021 – Valuing Water". UN-Water (in Inggeris AS). 2021-02-25. Archived from the original on 22 March 2021. Retrieved 2021-03-22.
  13. ↑ "Humanitarian agencies come together to promote water conservation on World Water Day in Jordan". 22 March 2016. Archived from the original on 20 March 2017. Retrieved 20 March 2017.
  14. ↑ "Water Action Month". End Water Poverty: Sanitation and Water for All. Archived from the original on 21 March 2018. Retrieved 20 March 2017.
  15. ↑ "2021 water, sanitation and hygiene barometer" (PDF). SOLIDARITÉS INTERNATIONAL. 2021. Archived (PDF) from the original on 25 March 2021. Retrieved 13 April 2021.
  16. ↑ "World Water Development Report". UN-Water. Archived from the original on 21 March 2018. Retrieved 21 March 2018.
  17. ↑ "Celebrate World Water Day with Games and Activities for all ages!". Kids World Citizen. 22 March 2012. Archived from the original on 22 March 2017. Retrieved 21 March 2017.
  18. ↑ "Hands-on Water Activities for Kids". Kids World Citizen. 22 March 2015. Archived from the original on 22 March 2017. Retrieved 21 March 2017.
  19. ↑ "World Water Day 2017 Primary Resources". tes.com. Archived from the original on 22 March 2017. Retrieved 21 March 2017.
  20. ↑ Wendland, C; Rieck, C; Roenitzsch, S; van Epps, A. (2014). Making WASH in Schools more sustainable – Case Stories from SuSanA Partners. SuSanA. Archived from the original on 22 March 2017. Retrieved 21 March 2017.
  21. ↑ "Archive of previous World Water Day websites". UN Water – Archive. Archived from the original on 7 March 2020. Retrieved 10 March 2020.

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Hari_Ai_Sedunya&oldid=11795"