Hanja

Hanja
The Korean word Hanja (Chinese script) in Hanja (red) and Hangul (blue).
Bansa Urup	Logographic
Timpuh maya	400 BC – present
Jaku-jaku	Korean, Classical Chinese
Related scripts
Parent systems	Oracle bone script Seal script Clerical script Regular script Hanja
Sister systems	Kanji, traditional Chinese, simplified Chinese, Khitan script, Chữ Hán, Chữ Nôm, Jurchen script, Tangut script
ISO 15924
ISO 15924	Hani (500), ​Han (Hanzi, Kanji, Hanja)
Unicode
Unicode alias	Han

Hanja (Korean: 한자; Hanja: 漢字; IPA: [ha(ː)ntɕ͈a]), tauka disepil Hancha, iya nya urup China ti dikena nulis jaku Korea. Pengudah urup diberi kelala ngagai Korea nulis jaku China Litericha, sida diubah nulis jaku Korea kenyau ari jeman Gojoseon.

Hanjaeo (Korea: 한자어; Hanja: 漢字語) nunjukka leka jaku China-Korea, ti ulih ditulis ngena Hanja, lalu hanmun (Korea: 한문; Hanja: 漢文) nunjukka tulis China Klasik, taja pan Hanja mega kekadang dikena mungkur kededua konsep nya. Ketegal urup Hanja nadai kala ngasaika sebarang reformasyen ti besai, iya lebih agi sebaka enggau urup tradisional China enggau tradisional Jipun, taja pan atur strok ungkup sekeda urup bisi bida mimit. Meri chunto, urup 教 enggau 敎, pia mega 研 enggau 硏. Semina mimit aja urup Hanja ke diubah tauka nyelai ba jaku Korea, lalu ke bukai nya sebaka enggau urup tradisional China. Enti dibida, mayuh urup China ke dikena diatu di tanah besai China, Malaysia enggau Singapura udah dipemuntang, lalu ngundan strok ke mimit agi ari urup Hanja ke setipak.