Gorgon
Ba dalam mitologi Yunani, Gorgon (Yunani: Γοργών atau Γοργώ, Gorgon/Gorgo) iya nya siku indu ti ngeremba. Nama tu datai ari jaku Yunani gorgós ti ngembuan reti “ngeremba.” Taja pan gambar Gorgon nya bebida ba tiap-tiap litaricha, tang nama Gorgon tu suah agi nunjukka tiga iku menyadi indu ti ngembuan buk ular sereta perening mata ti ulih nukar sebarang utai nyadi batu. Gorgon Stheno enggau Euryale idup belama iya. Taja pia Medusa udah nadai agi ketegal udah dibunuh Perseus .
Gorgon tu utai idup ti dikelala bala mayuh dalam mitologi Yunani. Ketegal perening iya ti bepengaruh, patung Gorgon suah diengkah ba utai tauka rumah nyadi pengelikun.