Glukos
Glukosa nya gula ti bisi formula molekul . . Iya nyadi monosakarid ti pemadu mayuh, [1] subkategori karbohidrat . Iya digaga ari ai enggau karbon dioksid maya fotosintesis utai tumbuh enggau mayuh alga . Iya dikena utai tumbuh ngaga selulos, karbohidrat ti pemadu mayuh ba dunya, dikena ba dinding sel, lalu semua utai idup ngaga adenosin trifosfat (ATP), ti dikena sel nyadika energi. [2] Glukos suah dipuntangka nyadi Glc .
Dalam metabolis energi, glukos nyadika pun penatai energi ti pemadu beguna dalam semua organisma . Glukos ke metabolis ditaruh nyadi polimer, ba utai tumbuh kelebih agi nyadi amilos enggau amilopektin, lalu ba jelu nyadi glikogen . Glukos bepusin dalam darah jelu nyadi gula darah . [3] Tukuh ti nyadi sechara ngati diri iya nya d-glukosa, seraya stereoisomer iya I-glukosa diasilka ngena jalai sintetik dalam penyampau tebanding ti mit enggau kurang aktif sechara biologi. Glukos nya monosakarid ti ngundan enam atom karbon enggau raban aldehid, lalu ketegal nya iya nyadi aldoheksos. Molekul glukosa tau bisi dalam tukuh marik-telenga (asiklik) sereta mega tukuh gelang (siklik). Glukos tu nyadi sechara ngati diri lalu ditemu dalam gaya bibas ba buah-buah enggau bagi utai tumbuh bukai. Dalam jelu, iya dilepaska ari pemambar glikogen dalam proses ti dikelala enggau nama glikogenolisis .
Glukos, nyadi luluh gula intravena, bisi dalam Rintai Ubat Beguna Gerempung Pengerai Sedunya . [4] Iya mega bisi dalam rintai ti begulai enggau sodium klorid (garam mija). [4]
Nama glukos datai ari jaku Gerika Menya γλεῦκος ( gleûkos ) ‘anggur, mesti’, ari γλυκύς ( glykýs ) ‘manis’. Penambah -ose nya jaku pengkelas kimia ti nandaka gula.
Glukos ti belaluh dibali nyadi glikogen ba atau enggau bingkul tauka ditaruh nyadi lanyih .
- ↑ Domb, Abraham J.; Kost, Joseph; Wiseman, David (4 February 1998). Handbook of Biodegradable Polymers. CRC Press. p. 275. ISBN 978-1-4200-4936-7.
- ↑ Kamide, Kenji (2005). Cellulose products and Cellulose Derivatives: Molecular Characterization and its Applications (1st ed.). Amsterdam: Elsevier. p. 1. ISBN 978-0-08-045444-3. Retrieved 13 May 2021.
- ↑ Penyalat nyebut: Tag
<ref>tidak sah; tiada teks disediakan bagi rujukan yang bernama "r2" - ↑ 4.0 4.1 World Health Organization model list of essential medicines: 21st list 2019. Geneva: World Health Organization. 2019. hdl:10665/325771. WHO/MVP/EMP/IAU/2019.06. License: CC BY-NC-SA 3.0 IGO.