Gihon
Gihon nya nama sungai kedua disebut dalam bab kedua Bup Pemungkal dalam Bup Kudus. Gihon disebut nyadi empat sungai (beserimbai enggau Tigris, Eupratis, enggau Pison) pansut ari Eden, bepati ari siti sungai pengudah mai ai ngagai Kebun Eden (Pemungkal 2:10–14).
Tinjau
[edit | edit bunsu]Nama (Hebrew Gīḥōn גיחון) tau diinterpretasyenka enggau "ngilah pansut".
Bup Pemungkal nerangka Gihon nya "ngelingi serata tanah Kus", nama ti bekaul enggau Aethiopia ba endur bukai dalam Bup Kudus. Ketegal tu bansa Etiopia udah ngelala Gihon (Giyon) enggau Sungai Abay (Nil Biru), ke ngelingi perintah lama Gojjam.
Ari sukut geografi, tu engka ngasuh kitai saru, laban dua iti sungai bukai ke dipadah pansut ari Eden, iya nya Tigris enggau Eupratis, bisi ba Mesopotamia. Taja pia, siku pakar sejarah bansa Judah ba kurun keterubah Josephus ngaitka sungai Gihon enggau Sungai Nil, ke alai Sungai Nil Burak enggau Sungai Biru begempung.[1] Dalam Kar Fra Mauro Itali (Venetia) ari taun 1459, Sungai Nile dikumbai Gion, ngayangka dawa tu. Pakar Edward Ullendorff udah mega mantaika penemu nyukung pengawa ngelala tu.[2]
Kurun kesemilan belas, moden, enggau bala pakar jaku Arab udah nguji ngelala "menua Kus" enggau Kus Hindu, lalu Gihon enggau Amu Darya (Jihon/Jayhon ari teks Islam). Amu Darya dikelala ba penulis Islam jeman tengah enggau nama Jayhun tauka Ceyhun dalam jaku Turki.[3] Tu tumbuh ari leka jaku Jihon, tauka Zhihon baka dikelala bansa Parsi.[4][5] Siti jurnal taun 1929 mega madahka Gihon nya sungai Oxus (sungai Amu Darya).[6]
Juris Zarins ngelala Gihon enggau Sungai Karun di Iran lalu Menua Kus enggau menua bansa Kass,[7] ti mungkur kandang menua Mesopotamia ti suah ampuh bah ketegal sungai Tigris enggau Eupratis. Sungai Karun mansutka ai ngagai kandang endur ti sama ba ulu Teluk Parsi enggau Tigris, Eupratis, enggau Wadi al-Batin (diperambu nyadika identiti Pison, sungai keempat Eden). Penemu tu sebagi ari iya diiri enggau Herodotus, ti ngumbai bisi Etiopia Afrika enggau Etiopia Asia.
Sefer haYashar, midrash Hebrew jeman tengah, madahka ba jeman Enos, uchu Adam, sungai Gihon kena bah ti balat ketegal penyai mensia.[8]
Peda mega
[edit | edit bunsu]Kereban sanding
[edit | edit bunsu]- ↑ Jewish Antiquities, 1.39.
- ↑ Edward Ullendorff, Ethiopia and the Bible (Oxford: University Press for the British Academy, 1968), p. 2.
- ↑ Encyclopædia Britannica Online - Amu Darya
- ↑ William C. Brice. 1981. Historical Atlas of Islam. Leiden with support and patronage from Encyclopaedia of Islam. ISBN 90-04-06116-9.
- ↑ Svat Soucek. 2000. A History of Inner Asia. Cambridge University Press. ISBN 0-521-65704-0.
- ↑ "Calumet, A. D. 1672–1757, Rosebmuller, 1768–1835, Kell, 1807–1888, and some other scholars believed the source river [for Eden] was a region of springs. The Pishon and Gihon were mountain streams. The former may have been the Phasis or Araxes, and the latter the Oxus." Duncan, George S. (October 1929) "The Birthplace of Man", The Scientific Monthly 29(4): pp. 359-362, p. 360.
- ↑ Hamblin, Dora Jane (May 1987). "Has the Garden of Eden been located at last?" (PDF). Smithsonian Magazine. 18 (2). Archived from the original (PDF) on 9 January 2014. Retrieved 8 January 2014.
- ↑ Book of Jasher/the Upright, Chapter 2:6.