Pegi ngagai isi

Gerija Oura

Ari Wikipedia
Basilika Dua Puluh Enam Martir Tuchi Jipun
日本二十六聖殉教者聖堂
Map
EndurNagasaki
MenuaJipun
DenominasyenKatolik
TradisyenRitus Latin
Sejarah
Dedication26 Martir Jipun
Arkitektur
StylePemulai Goth
Completed1864
Administration
ArchdioceseDiosis Besai Nagasaki
Templat:Box Templat:Box Templat:Box
Gerija Tenshudo Oura, Poskad ti dichura ngena jari (Meiji)

Gerija Oura (大浦天主堂, Ōura Tenshudō) tauka Katedral Oura, tauka nama rasmi iya nya Basilika Dua Puluh Enam Martir Kudus Jipun[1] (日本二十六聖殉教者聖堂), iya nya sebenglah basilika mit Katolik enggau ko-katedral di Nagasaki, Jipun, digaga enda lama pengudah Polisi Penyerara perintah Jipun abis dalam taun 1853.[2] Iya diberi nama nitihka 26 iku Martir Jipun. Betaun-taun iya aja begunan gaya Barat ke dipadahka nyadi reta menua, lalu dipadahka nyadi gerija Kristian ke pemadu tuai di menua Jipun.

Sejarah

[edit | edit bunsu]

Kena bulan Disember 1862, dua iku paderi Peranchis ari Société des Missions Étrangères, Paderi Louis Furet enggau Bernard Petitjean, diasuh ari Yokohama ke Nagasaki enggau niat deka ngaga gerija ti meri basa ngagai Dua Puluh Enam iku Martir Jipun (lapan iku paderi Eropah, siku paderi Meksiko enggau tujuh belas iku orang Kristian Jipun ke diregang nitihka atur Toyotomi Hideyoshi) ke udah dikanon ba taun ke sama. Sida datai di Nagasaki dalam taun 1863 lalu gerija nya tembu digaga dalam taun 1864. Digaga tukang kayu ke landik ari Glover Residence, Koyama Hidenoshin, asal iya gerija kayu mit ke bisi tiga lorong enggau tiga menara oktagon.[3] Struktur ke diatu iya nya basilika Gothic ke jauh besai agi ke digaga urung taun 1878. Versyen tu digaga ari batu bata stuko burak enggau lima jalai mit, siling bekubah, enggau siti menara oktagon. Desain nya ke pengabis mayuh datai ari pelin Belgium ti dikena indu misi Katolik ba sebuah gerija ke dulu agi digaga di Osaka.[4] Jendila kaca ti bechura nya diimport ari menua Peranchis. Gerija tu nyadi chapel enggau rasmi ungkup komuniti luar Peranchis di Jipun nitihka Sempekat Amity enggau Commerce entara Peranchis enggau Jipun, laban pengarap Kristian agi rasmi ditagang shogunat Tokugawa.

Katedral Ōura dichiri nyadi Reta Nasional dalam taun 1933.[5] Maya Perang Dunya Kedua, katedral tu rusak ketegal bom atom kena 9 Ogos 1945, tang nyeliahka diri ari runtuh sereta angus ketegal ke jauh ari hiposentrum.[6] Artifak ari pengerusak nya bisi ba Muzium Bom Atom Nagasaki.

Pengawa nyiri Reta Nasional udah ditetapka kena 31 Mac 1953, ari baruh Undang-undang Nyaga Reta Budaya 1951.[5] Iya nyadi begunan keterubah gaya Barat di Jipun ke diberi basa tu lalu mengkang nyadi seiti aja nyentuk ngagai taun 2009 lebuh Istana Akasaka neo-Baroque dichiri nyadi Reta Nasional. Dalam taun 2012, kandang endur Katedral Ōura dichiri nyadi Palan Besejarah Nasional.[7]

Bagi dalam Gerija Ōura

Gerija tu diberi status nyadi basilika mit ari Panggau Kudus kena 26 April 2016.[8]

Kena 30 Jun 2018, Katedral Ōura, begulai enggau 11 iti palan bukai ke bisi kaul enggau pemerinsa Katolik di Jepun, ditambah ngagai Rintai Pesaka Dunya UNESCO.[9][10]

Kereban sanding

[edit | edit bunsu]
  1. ↑ "Basilica of the Twenty-Six Holy Martyrs of Japan (Oura Church), 長崎 (Nagasaki), 長崎県 (Nagasaki), Japan". www.gcatholic.org. Retrieved 2017-01-31.
  2. ↑ {{cite web}}: Empty citation (help)
  3. ↑ Dallas Finn, Meiji Revisited: The Sites of Victorian Japan, (New York: Weatherhill, 1995), 12-13.
  4. ↑ Dallas Finn, Meiji Revisited: The Sites of Victorian Japan, (New York: Weatherhill, 1995), 12-13.
  5. ↑ 5.0 5.1 "大浦天主堂". Cultural Heritage Online (in Japanese). Agency for Cultural Affairs. Retrieved 5 April 2020.{{cite web}}: CS1 maint: unrecognized language (link)
  6. ↑ Dallas Finn, Meiji Revisited: The Sites of Victorian Japan, (New York: Weatherhill, 1995), 12-13.
  7. ↑ "大浦天主堂境内". Cultural Heritage Online (in Japanese). Agency for Cultural Affairs. Retrieved 5 April 2020.{{cite web}}: CS1 maint: unrecognized language (link)
  8. ↑ Dallas Finn, Meiji Revisited: The Sites of Victorian Japan, (New York: Weatherhill, 1995), 12-13.
  9. ↑ Dallas Finn, Meiji Revisited: The Sites of Victorian Japan, (New York: Weatherhill, 1995), 12-13.
  10. ↑ Finn 13.

Laman web ke bukai

[edit | edit bunsu]

Media bekaul enggau Oura Church ba Wikimedia Commons

Diambi ari "https://iba.wikipedia.org/w/index.php?title=Gerija_Oura&oldid=15718"